ବଙ୍ଗୋପସାଗରରେ ଦାନା ବାନ୍ଧୁଛି ବାତ୍ୟା ! ହେଲେ ଓଡ଼ିଶାକୁ ନାହିଁ ପ୍ରଭାବ !
ଭୁବନେଶ୍ୱର: ଦକ୍ଷିଣ ଆଣ୍ଡାମାନ ସାଗରରେ ଲଘୁଚାପ ସୃଷ୍ଟି ହୋଇଥିବା ନେଇ ପୂର୍ବାନୁମାନ କରିଛି ଭାରତୀୟ ପାଣିପାଗ ବିଭାଗ (ଆଇଏମଡି) । ଦକ୍ଷିଣ ଅଣ୍ଡାମାନ ସାଗରରେ ଯେଉଁ ଲଘୁଚାପ ରହିଛି । ଏହା ଧୀରେ ପଶ୍ଚିମ ଉତ୍ତର ପଶ୍ଚିମ ଦିଗରେ ଗତି କରିବ। ୩୦ ତାରିଖରେ ଏହା ଅଵପାତର ରୁପ ନେଇପାରେ । ବର୍ତ୍ତମାନ ଓଡିଶା ପାଇଁ କୌଣସି ବିପଦ ସଙ୍କେତ ନାହିଁ । କେବଳ ସମୁଦ୍ର ଅଶାନ୍ତ ରହୁ ଥିବାରୁ ମତ୍ସ୍ୟଜୀବୀ ମାନଙ୍କୁ ସମୁଦ୍ର ଭିତରକୁ ଯିବାକୁ ମନା କରାଯାଇଛି । ୨ ତାରିଖରେ ଏହା ଘୁର୍ଣ୍ଣିବାତ୍ୟାର ରୁପ ନେଇପାରେ । କେନ୍ଦ୍ରୀୟ ବଙ୍ଗୋପସାଗର ୨ ତାରିଖରେ ବେଶୀ ବିପଦ ରହିବ । ସେଥିପାଇଁ ଯେଉଁମାନେ ସମୁଦ୍ର ଭିତରକୁ ଯାଇଛନ୍ତି ୧ ତାରିଖ ସୁଦ୍ଧା ଫେରି ଆସିବା ଦରକାର ।
ବର୍ତ୍ତମାନ ଏହା କେଉଁ ସମୁଦ୍ର କୂଳକୁ ଅତିକ୍ରମ କରିବ ଆମେ ସୂଚନା ଦେଇ ନାହୁଁ ବୋଲି ଭାରତୀୟ ପାଣିପାଗ ବିଭାଗର ଡିଜି ମୃତ୍ୟୁଞ୍ଜୟ ମହାପାତ୍ର ସୂଚନା ଦେଇଛନ୍ତି ।
ଦକ୍ଷିଣ-ପୂର୍ବ ବଙ୍ଗୋପସାଗରରେ ସାମୁଦ୍ରିକ ଝଡ ସୃଷ୍ଟି ହେବ । ଯଦି ଲଘୁଚାପଟି ବାତ୍ୟାର ରୂପ ନିଏ ତେବେ କେଉଁଠି ଲ୍ୟାଣ୍ଡଫଲ୍ କରିବ ତାକୁ ନେଇ ବିଭିନ୍ନ ମଡେଲ ଭିନ୍ନ ଭିନ୍ନ ଆକଳନ କରୁଛନ୍ତି। ବାତ୍ୟା ସୃଷ୍ଟି ହେଲେ ଏହାର ନାମ 'ମିଚାଉଙ୍ଗ ' ରଖାଯିବ । ମ୍ୟାନମାର ଏହାର ନାମକରଣ କରିଛି । ତେବେ ଏହାର ପ୍ରଭାବ ଓଡ଼ିଶା ଉପରେ କେମିତି ରହିବ ବର୍ତ୍ତମାନ କୌଣସି ସ୍ପଷ୍ଟ ଚିତ୍ର ସାମ୍ନାକୁ ଆସିନି ।
ବାତ୍ୟା ଡିସେମ୍ବର ୪ ରୁ ୬ ତାରିଖ ମଧ୍ୟରେ ଉପକୂଳ ମୁହାଁ ହେବ। ବିଭିନ୍ନ ପାଣିପାଗ ବିଶେଷଜ୍ଞଙ୍କ ଆକଳନ ଅନୁଯାୟୀ, ଘଣ୍ଟା ପ୍ରତି ୧୧୮ରୁ ୧୬୨ କିଲୋମିଟର ବେଗରେ ପବନ ବହିବ।
Click it and Unblock the Notifications
Sign in with Google