ଖାଦ୍ୟ ଓ ସୁରକ୍ଷା ଯୋଜନାରେ ଓଡ଼ିଶା ରହିଛି ପ୍ରଥମ ସ୍ଥାନରେ,ଗୃହରେ ସୂଚନା ଦେଲେ ଖାଦ୍ୟ ଓ ଯୋଗାଣ ମନ୍ତ୍ରୀ

Published: Wednesday, July 13, 2022, 14:30 [IST]

ଭୁବେନେଶ୍ୱର:ଖାଦ୍ୟ ଓ ସୁରକ୍ଷା ଯୋଜନାରେ ଓଡ଼ିଶା ରହିଛି ପ୍ରଥମ ସ୍ଥାନରେ ।ଅନେକ ରାଜ୍ୟକୁ ପଛରେ ପକାଇ ସବୁଠୁ ଅଧିକ ବା ଏକ ନମ୍ବରରେ ରହିଛି ଓଡ଼ିଶା । ତେବେ ବିଶ୍ୱ ଖାଦ୍ୟ କାର୍ଯ୍ୟକ୍ରମ ରାଜ୍ୟର ଯୋଜନାକୁ ମଡେଲ ଭାବେ ଗ୍ରହଣ କରାଯାଇଛି । ଏହା ସହ ରାଜ୍ୟ ପ୍ରତ୍ୟକ ଯୋଜନାର ସଠିକ୍ ଭାବେ କାର୍ଯ୍ୟକାରୀ କରିବା ପାଇଁ ମଧ୍ୟ ଯୋଜନା କରାଯାଇଛି ବୋଲି ଆଜି ଗୃହରେ ଉତ୍ତର ରଖିଛନ୍ତି ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ବିଭାଗ ମନ୍ତ୍ରୀ ଅତନୁ ସବ୍ୟସାଚୀ ।

ତେବେ ଜାତୀୟ ଖାଦ୍ୟ ସୁରକ୍ଷା ଯୋଜନାରେ ଉପକୃତ ହେଉଛନ୍ତି ୩କୋଟି ୩୩ ଲକ୍ଷ ୨୭ ହଜାର ୨୫୫ ହିତାଧିକାରୀ। ଜାତୀୟ ଖାଦ୍ୟ ସୁରକ୍ଷା ଯୋଜନାରେ୯୩ ଲକ୍ଷ ୧୩ ହଜାର ୪୪୮ ପରିବାରର ୩ କୋଟି ୨୫ ଲକ୍ଷ ୧୮ ହଜାର ୪୫୫ ଜଣ ,ସେହିପରି ରାଜ୍ୟ ଖାଦ୍ୟ ସୁରକ୍ଷା ଯୋଜନାରେ ୨ ଲକ୍ଷ ୬୧ ହଜାର ୨୨୭ ପରିବାର ୮ଲକ୍ଷ ୮ ହଜାର ହିତାଧିକାରୀ ସାମିଲ ହୋଇଛନ୍ତି ।ୱାନ ନେସନ୍ ୱାନ ରାସନ୍ କାର୍ଡ ଯୋଜନାରେ ୧୦ହଜାର ୫୭୮ ଡିଲରଙ୍କ ସାହାର୍ଯ୍ୟରେ ଏହି ସୁବିଧା ଯୋଗାଇ ଦିଆଯାଉଛି। ଯାହାଦ୍ୱାରା ୧ ଲକ୍ଷ ୧୦ ହଜାର ପରିବାର ଉପକୃତ ହେଉଛନ୍ତି ଆଜି ଦ୍ୱିତୀୟ ପର୍ଯ୍ୟାୟ ବିଧାନସଭା ମୌସୁମୀ ଅଧିବେଶନରେ ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ବିଭାଗ ମନ୍ତ୍ରୀ ଅତନୁ ସବ୍ୟସାଚୀ ସୂଚନା ଦେଇଥିଲେ ।

Published On July 13, 2022