ବାହାନଗା ରେଳ ଦୁର୍ଘଟଣା: ତଦନ୍ତ ଆରମ୍ଭ କଲା ସିବିଆଇ
ବାଲେଶ୍ୱର: ବାହାନଗା ଦୁର୍ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କଲା ସିବିଆଇ ଟିମ୍ । ରେଳ ଉପକରଣରେ ଟାମ୍ପରିଂ ଆଶଙ୍କା ଦିଗକୁ ଦିଆଯାଉଛି ଫୋକସ୍ । କେଉଁ କାରଣରୁ ଏପରି ଭୟଙ୍କର ଦୁର୍ଘଟଣା ଘଟିଲା ଉତ୍ତର ଖୋଜିବା ପାଇଁ ଆକ୍ସନ ମୋଡରେ ସିବିଆଇ ।
ଗତକାଲି ସିବିଆଇକୁ ଭାରତୀୟ ରେଳବାଇ ବୋର୍ଡ ତଦନ୍ତ କରିବା ପାଇଁ ସୁପାରିଶ କରିଥିଲା । ଯାହା ପରେ ସିବିଆଇର ଏକ ଦଶ ଜଣିଆ ଟିମ୍ ଆଜି ବାହାନଗାରେ ପହଞ୍ଚି ତଦନ୍ତ ଆରମ୍ଭ କରିଛି । ଖୋର୍ଦ୍ଧା ଡିଆରଏସ୍ ରିଙ୍କେସ ରାୟ ଏହି ସୂଚନା ଦେଇଛନ୍ତି ।
ସୂଚନାଥାଉ ଯେ, ଭାରତୀୟ ରେଲୱେ ପକ୍ଷରୁ ମୃତ ଦେହ ଖୋଜିବା ପାଇଁ ଦୁଇଟି ହେଲ୍ପଲାଇନ ନମ୍ବର ଜାରି କରାଯାଇଛି ।
ନମ୍ବର ହେଉଛି-୮୪୫୫୮୮୫୯୯୯ ଏବଂ ୦୬୭୪-୨୫୩୪୦୨୭ । ଏହି ନମ୍ବରରେ କଲ୍ କରି ସମସ୍ତ ସୂଚନା ସଂଗ୍ରହ କରିପାରିବେ ଲୋକେ ।
Click it and Unblock the Notifications
Sign in with Google