ଭୁବନେଶ୍ୱରରେ G-20 ସମ୍ମିଳନୀ: ଶୁଭାରମ୍ଭ କଲେ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ

ଭୁବନେଶ୍ୱର:ଭୁବନେଶ୍ୱରରେ ଜି-୨୦ ଶିକ୍ଷା ୱାର୍କିଂ ଗ୍ରୁପର ତୃତୀୟ ବୈଠକ । ଉଦଘାଟନ କଲେ କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ । CSIR,IMMT ପରିସରରେ ୨୮ ତାରିଖ ଯାଏଁ ଚାଲିବ ସମ୍ମିଳନୀ । ୨୦ଟି ରାଷ୍ଟ୍ରର ୧୦୦ରୁ ଅଧିକ ପ୍ରଦର୍ଶନକାରୀ ଉତ୍ପାଦ ପ୍ରଦର୍ଶନ କରିବେ । ସେହିପରି ଦକ୍ଷତା ବିକାଶ କ୍ଷେତ୍ରର ଛାତ୍ରଛାତ୍ରୀମାନେ ଏହି ପ୍ରଦର୍ଶନୀରେ ଅଂଶଗ୍ରହଣ କରିବେ ।

ଭୁବନେଶ୍ୱରରେ ଆରମ୍ଭ ହେଲା G-20 ସମ୍ମିଳନୀ । ଏହି ସମ୍ମିଳନୀର ବିଷୟବସ୍ତୁ ରହିଛି'ଭବିଷ୍ୟତ କାର୍ଯ୍ୟାଶୈଳୀରେ ଆଧୁନିକ ପ୍ରଯୁକ୍ତିବିଦ୍ୟା' । ଏଆଇ, ମେଟା ଭର୍ସ, ଅଟୋମେସନ, ମେସିନ୍ ଲର୍ଣ୍ଣି ଇତ୍ୟାଦି ଉପରେ ଆଲୋଚନା କରାଯିବ । ଏହି ସମ୍ମିଳନୀରେ ଶିଳ୍ପ, ସରକାରୀ ସଂସ୍ଥା, ଆଇଟି କମ୍ପାନୀ ଏବଂ ଦକ୍ଷତା ବିକାଶ ପାଇଁ ବ୍ୟକ୍ତିବିଶେଷ ଓ ଛାତ୍ର ଛାତ୍ରୀ ମାନେ ଯୋଗ ଦେବେ । ଆସନ୍ତା ୨୮ ତାରିଖ ଯାଏ ଏହି କାର୍ଯ୍ୟକ୍ରମ ଯାରି ରହିବ

।

G20 ସମ୍ନିଳନୀ ପାଇଁ ରଜଧାନୀରେ ସୁରକ୍ଷାବ୍ୟବସ୍ଥା କଡାକଡି କରାଯାଇଛି । କେନ୍ଦ୍ରୀୟ ସୁରକ୍ଷା ସଂସ୍ଥାଙ୍କ ପରାମର୍ଶ କ୍ରମେ ଏହି କାର୍ଯ୍ୟକ୍ରମରେ ଯୋଗ ଦେବା ପାଇଁ ଆସୁଥିବା ବିଦେଶୀ ପ୍ରତିନିଧିଙ୍କ ପାଇଁ ଆବଶ୍ୟକୀୟ ସୁରକ୍ଷା ପ୍ରୋଟୋକଲ ଅନୁସାରେ ସୁରକ୍ଷା ଯୋଗାଇ ଦିଆଯିବ । ଭୁବନେଶ୍ୱର ବିମାନ ବନ୍ଦରରୁ ଆରମ୍ଭ କରି ହୋଟେଲରେ ପହଁଞ୍ଚିବା ଯାଏ ସୁରକ୍ଷା ଯୋଗାଇ ଦିଆଯିବ । ହୋଟେଲ୍ ବାହାରେ ପୋଲିସ ସିକ୍ୟୁରିଟି କଲର୍ ଅନୁସରାରେ ମାର୍କି କରାଯାଇ ଫୋର୍ସ ମୁତୟନ କରାଯିବ ।

ବିଦେଶୀ ପ୍ରତିନିଧିଙ୍କ ପାଇଁ ସ୍ୱତନ୍ତ୍ର ସିକ୍ୟୁରିଟି ଅଫିସର ମୁତୟନ କରାଯାଇଛି । ୨ଜଣ ଡିସିପି ରାଙ୍କର ଅଫିସର, ୫ ଜଣ ଅତିରିକ୍ତ ଡିସିପି
ରାଙ୍କର ଅଫିସର, ୧୧ ଜଣ ଏସିପି, ୨୫ ଜଣ ଇନ୍ସପେକ୍ଟର, ୧୨୫ ଜଣ ଏସଆଇଙ୍କ ସମେତ ୨୦ ପ୍ଲାଟୁନ୍ ଫୋର୍ସ ମୁତୟନ କରାଯିବା ନେଇ ସୂଚନା ରହିଛି । ସେହିପରି ଓଡ୍ରାଫ୍ ଓ ଅଗ୍ନିଶମ ବିଭାଗର ଟିମ୍ ମଧ୍ୟ ମୁତୟନ ରହିବେ ।

English summary

Odisha To Host G20 Meet