ଶନିବାର ରାଜ୍ୟ କ୍ୟାବିନେଟ୍ : ଆସିପାରେ ଏହି ସବୁ ପ୍ରସ୍ତାବ, ଲାଗିପାରେ ମୋହର

ଆସନ୍ତା ଶନିବାର ଅର୍ଥାତ 17 ତାରିଖରେ ରାଜ୍ୟ ସରକାରଙ୍କର ଗୁରୁତ୍ୱପୂର୍ଣ୍ଣ କ୍ୟାବିନେଟ୍ ବୈଠକ ଅନୁଷ୍ଠିତ ହେବ

Published: Friday, July 16, 2021, 15:10 [IST]

ଭୁବନେଶ୍ୱର । ଆସନ୍ତା ଶନିବାର ଅର୍ଥାତ 17 ତାରିଖରେ ରାଜ୍ୟ ସରକାରଙ୍କର ଗୁରୁତ୍ୱପୂର୍ଣ୍ଣ କ୍ୟାବିନେଟ୍ ବୈଠକ ଅନୁଷ୍ଠିତ ହେବ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ ହେବାକୁ ଥିବା ଏହି କ୍ୟାବିନେଟ୍ ବୈଠକ ପାଇଁ ଦୁଇ ଦିନ ତଳେ ସରକାରଙ୍କ ପକ୍ଷରୁ ବିଭିନ୍ନ ବିଭାଗକୁ ପ୍ରସ୍ତାବ ଲୋଡ଼ା ଯାଇଥିଲା । ଗୁରୁବାର ସୁଦ୍ଧା ସରକାରଙ୍କ ପାଖକୁ ପାଞ୍ଚଟି ପ୍ରସ୍ତାବ ଆସିଥିବା ଜଣାପଡିଛି । ସୂଚନା ଅନୁଯାୟୀ ଶନିବାର ସନ୍ଧ୍ୟା ପ୍ରାୟ ସାଢେ 5ଟା ସମୟରେ ଏହି କ୍ୟାବିନେଟ୍ ବୈଠକ ଅନୁଷ୍ଠିତ ହେବ ।

ରାଜ୍ୟ କ୍ୟାବିନେଟରେ ଆସିବାକୁ ଥିବା ଗୁରୁତ୍ୱପୂର୍ଣ୍ଣ ପ୍ରସ୍ତାବ ମଧ୍ୟରେ ବିଭିନ୍ନ କ୍ୟାଡର ପୁନଃଗଠନ ନେଇ ପ୍ରସ୍ତାବ ରହିଛି । ଏହାବାଦ୍ ବାଗଚୀ ଦମ୍ପତିଙ୍କ ଉଦ୍ୟମରେ ଉନଫୋଭ୍ୟାଲି ଠାରେ ହେବାକୁ ଥିବା ବିଶ୍ୱସ୍ତରୀୟ କର୍କଟ ଚିକିତ୍ସା କେନ୍ଦ୍ର ଲାଗି ରାଜ୍ୟ ସରକାରଙ୍କ ପକ୍ଷରୁ ଯେଉଁ ଜମି ହସ୍ତାନ୍ତର ହେବ ଏଥିଲାଗି ରାଜ୍ୟ ସରକାର ଟିକସ (ଷ୍ଟାମ୍ପ ଡ୍ୟୁଟି) ଛାଡ କରାଯିବାର ପ୍ରସ୍ତାବ ରହିଛି । ଏଥିଲାଗି ରାଜସ୍ୱ ବିଭାଗ ପକ୍ଷରୁ ପ୍ରକ୍ରିୟା ଆରମ୍ଭ ହୋଇଥିବା ଜଣାପଡିଛି । ଏହି ପ୍ରକ୍ରିୟା ଯଦି ଆଜି ଶେଷ ହେବ ତେବେ ଏହାକୁ କ୍ୟାବିନେଟରେ ସ୍ଥାନିତ କରାଯିବ । ଏହାବାଦ୍ ଅନ୍ୟ ବିଭାଗ ପକ୍ଷରୁ ଯଦି ପ୍ରସ୍ତାବ ଆସିବ ତେବେ ଏହାକୁ ସ୍ଥାନ ଦିଆଯିବ ବୋଲି ଜଣାପଡିଛି ।

Published On July 16, 2021