ଫରେନ୍ସିକ ଲ୍ୟାବ ଗଲା ସନ୍ଦିଗ୍ଧ ପାରା, ଗୋଡ଼ରେ ବନ୍ଧା ହୋଇଥିବା ସ୍ପାଏ କ୍ୟାମେରାର ହେବ ଯାଞ୍ଚ
ଗତକାଲି ପାରାଦୀପରୁ ଧରା ପଡ଼ିଥିବା ସନ୍ଦିଗ୍ଧ ପାରାକୁ ଆଜି ଭୁବନେଶ୍ୱର ଫରେନ୍ସିକ ଲ୍ୟାବକୁ ପଠାଯାଇଛି । କଟକର ଏକ ସ୍ବତନ୍ତ୍ର ଟିମ୍ ଏହି ପାରକୁ ଫରେନ୍ସିକ ଲ୍ୟାବକୁ ଆଣିଛନ୍ତି ।
ଭୁବନେଶ୍ୱର: ଗତକାଲି ପାରାଦୀପରୁ ଧରା ପଡ଼ିଥିବା ସନ୍ଦିଗ୍ଧ ପାରାକୁ ଆଜି ଭୁବନେଶ୍ୱର ଫରେନ୍ସିକ ଲ୍ୟାବକୁ ପଠାଯାଇଛି । କଟକର ଏକ ସ୍ବତନ୍ତ୍ର ଟିମ୍ ଏହି ପାରକୁ ଫରେନ୍ସିକ ଲ୍ୟାବକୁ ଆଣିଛନ୍ତି । ସେଠାରେ ପାରା ଗୋଡ଼ରେ ବନ୍ଧା ହୋଇଥିବା ଯନ୍ତ୍ରାଂଶ ଲ୍ୟାବରେ ପରୀକ୍ଷା କରାଯିବ । ଯନ୍ତ୍ରାଂଶ ଖୋଲି ରଖାଯିବା ପରେ ପାରାକୁ ନେଇଆସିବ କଟକ ଟିମ୍ ।
ପାରାକୁ ପ୍ରଥମେ ଡଗ୍ ଆଣ୍ଡ ପିଜନ ସ୍କ୍ୱାଡକୁ ହସ୍ତାନ୍ତର କରାଯିବା ସହ ବିଶେଷଜ୍ଞଙ୍କ ଦ୍ବାରା ଯାଞ୍ଚ କରାଯିବ। ପାରାର ଡେଣାରେ ଲାଗିଥିବା ଅକ୍ଷରର ଯାଞ୍ଚ୍ କରାଯିବ ଏବଂ ଫରେନ୍ସିକ ଲ୍ୟାବରେ ସ୍ପାଏ କ୍ୟାମେରା ଓ ଚିପ୍କୁ ଅନୁଧ୍ୟାନ କରାଯିବ । ଏହାସହ ପାରା କେଉଁ ସ୍ଥାନ ଦେଇ ଉଡିଛି ଏବଂ କ୍ୟାମେରା ଚିପରେ କ'ଣ ରହିଛି ସେନେଇ ଯାଞ୍ଚ କରାଯିବ।
ସୂଚନାଥାଉ କି, ଗତକାଲି (ବୁଧବାର) ସମୁଦ୍ର ଭିତରୁ ସନ୍ଦେହ ଅବସ୍ଥାରେ ପାରା ଉଦ୍ଧାର ହୋଇଥିଲା । କୋଣାର୍କ ଉପକୂଳର ୪୦ କିଲୋମିଟର ସମୁଦ୍ରରେ ଏକ ମାଛଧରା ବୋଟ୍ ଉପରେ ହଠାତ୍ ଆସି ବସିଥିଲା । ସନ୍ଦେହଜନକ ଅବସ୍ଥାରେ ପାରାକୁ ଧରିଥିଲେ ମତ୍ସ୍ୟଜୀବୀ । ଦୁଇ ଡେଣାରେ ନାଲି ଓ ସବୁଜ ରଙ୍ଗରେ ବିଦେଶୀ ଭାଷାରେ ଲେଖାଯାଇଛି। ମେରାଇନ ଥାନା ପୋଲିସ ହେପାଜତରେ ଫୋରେନସିକ ଲ୍ୟାବକୁ ସନ୍ଦିଗ୍ଧ ପାରାକୁ ଅଣାଯାଇଛି ।
Click it and Unblock the Notifications
Sign in with Google