ଟୁଙ୍ଗୁରୁ ଭୋଳ, କରୁଛି ଖେଳ
ଏବେ ଟୁଙ୍ଗୁରୁଙ୍କ ଜୀବନରେ ଏକ ବିରାଟ ପରିବର୍ତ୍ତନ ଆସିବାକୁ ଯାଉଛି । କାରଣ ଏକ ମ୍ୟୁଜିକ ଭିଡିଓରେ ଅଭିନୟ କରିବା ପାଇଁ ଟୁଙ୍ଗୁରୁଙ୍କୁ ଅଫର୍ ମିଳିଛି ।
ଭୁବନେଶ୍ୱର: ଟୁଙ୍ଗୁରୁ ଭୋଳ ଏବେ ସାରା ଓଡ଼ିଶାରେ ଚର୍ଚ୍ଚିତ ଚେହେରା । ଗାଁଠୁ ନେଇ ସହର ହାଟରେ ଘାଟରେ ଟୁଙ୍ଗୁରୁଙ୍କୁ ନେଇ ଚର୍ଚ୍ଚା। ବିବାହିତ ମହିଳାଙ୍କ ସହ ତାଙ୍କର ପ୍ରେମ ସଂପର୍କ ରାଜ୍ୟରେ ଚହଳ ପକାଇବା ପରେ ଏବେ ପରିଚିତ ଚେହେରା ପାଲଟି ଯାଇଛନ୍ତି ଟୁଙ୍ଗୁରୁ ଭୋଳ ।
ଏବେ ଟୁଙ୍ଗୁରୁଙ୍କ ଜୀବନରେ ଏକ ବିରାଟ ପରିବର୍ତ୍ତନ ଆସିବାକୁ ଯାଉଛି । କାରଣ ଏକ ମ୍ୟୁଜିକ ଭିଡିଓରେ ଅଭିନୟ କରିବା ପାଇଁ ଟୁଙ୍ଗୁରୁଙ୍କୁ ଅଫର୍ ମିଳିଛି । ଜଣେ ନିର୍ଦ୍ଦେଶକ ଟୁଙ୍ଗୁରୁଙ୍କ ସହ କଥାହୋଇ ଏହାକୁ ଫାଇନାଲ୍ କରିଛନ୍ତି । ଆଉ ଆଲବମ୍ ସୁଟିଂରେ ସୋମବାର କୋଣାର୍କରେ ଅଛନ୍ତି ଟୁଙ୍ଗୁରୁ ଭୋଳ। ଏବେ ସେ ବହୁତ ବ୍ୟସ୍ତମୟ ଲୋକ ପାଲଟିଛନ୍ତି ।
ସୂଚନାଯୋଗ୍ୟ, ଦୁଇ ଦିନ ଖଣ୍ଡଗିରିବାରୀ ଶରଧାପଲ୍ଲୀ ବସ୍ତିରେ ରହୁଥିବା ପ୍ରିୟା(ଛଦ୍ମନାମ, ୩୮) ନାମ୍ନୀ ଜଣେ ବିବାହିତା ମହିଳା ଭରତପୁର ଥାନାରେ ପହଞ୍ଚି ଟୁଙ୍ଗୁରୁ ନାମକ ଯୁବକ ପ୍ରେମ କରି ଧୋକା ଦେଇଥିବା ପୁଲିସ୍କୁ କହିଥିଲେ । ହେଲେ ପ୍ରେମିକାକୁ ଗିରଫ ନ କରିବାକୁ ପୁଲିସ୍ ପାଖରେ ସର୍ତ୍ତ ରଖିଥିଲେ । ସେ ଟୁଙ୍ଗୁରୁକୁ ବିବାହ କରିବାକୁ ଜିଦ୍ କରି ହାତରେ ଶଙ୍ଖାସିନ୍ଦୁର ଓ ଫୁଲମାଳ ଧରି ଭରତପୁର ଥାନା ବାରଣ୍ଡାରେ ବସି ରହିଲେ । ଶେଷର ପୁଲିସ୍ କିଛି ଉପୟ ନ ପାଇ ଘଟଣାର ଛାନ୍ଭିନ୍ କରିଥିଲା ।
ପୂର୍ବରୁ ଟୁଙ୍ଗୁରୁଙ୍କ ଉପରେ ଆଧାରିତ ଏକ ଅଡିଓ ସଙ୍ଗ୍ ମଧ୍ୟ ରିଲିଜ୍ ହୋଇଥିଲା ଯାହା ସୋସିଆଲ୍ ମିଡିଆରେ ଖୁବ୍ ଭାଇରାଲ୍ ହେବାରେ ଲାଗିଛି । ଯେଉଁଥିରେ ଅଭିଜିତ ମଜୁମଦାର ଓ ଶୀତଲ କଣ୍ଠଦାନ କରିଛନ୍ତି । ଜଣେ ବର୍ଷା ରାଣୀ ଜଣେ ଟୁଙ୍ଗୁରୁ ଭୋଳ, ଯା ଦେଖିବୁ ଲୁଚିକି କେତେ କରନ୍ତି ଖେଳ, ଗଞ୍ଜେଇ ନିଶା ଭାଉଜ ପ୍ରେମ ଦେଉଛି ମୁଣ୍ଡ ଘାରି, ଟୁଙ୍ଗୁରୁ ଭୋଳକୁ ନେଇ ଏଭଳି ଧୂମଧଡାକ ଗୀତ ରିଲିଜ ହୋଇଛି । ଯାହାକି ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ଏହା ସହ ଓଲିଉଡର ଆହୁରି ଅନେକ ନିର୍ଦ୍ଦେଶକ ଟୁଙ୍ଗୁରୁଙ୍କ ସହ ଆଲୋଚନା ମଧ୍ୟ କରିଥିବା ଜଣାପଡ଼ିଛି । ଟୁଙ୍ଗୁରୁ ପ୍ରତିକ୍ରିୟା ଦେଇ କହିଛନ୍ତି ଆଗକୁ ଟୁଙ୍ଗୁରୁ ଭୋଳ କରିବ ଖେଳ ।
Click it and Unblock the Notifications
Sign in with Google