ସାବଧାନ! ନୂଆ ନମ୍ବର ପ୍ଲେଟ୍ ନଥିଲେ ଏହି ଦିନଠାରୁ ଗଣିବେ ୧୦ହଜାର ଫାଇନ
ଭୁବନେଶ୍ୱର: ନୂଆ ନମ୍ବର ପ୍ଲେଟ୍ ଲଗାଇ ନଥିଲେ ଜୁନ୍ ୨୩ରୁ ଗଣିବେ ମୋଟା ଅହ୍କର ଫାଇନ୍ । ଗାଡିରେ ହାଇ ସିକ୍ୟୁରିଟି ନମ୍ବର ପ୍ଲେଟ ଲାଗି ନଥିଲେ ଗଣିବେ ଫାଇନ ।
ତେବେ ଜୁନ ୨୩ରୁ ଆରମ୍ଭ ହେବ ସ୍ପେଶାଲ ଡ୍ରାଇଭ । ନମ୍ବର ପ୍ଲେଟ ଲାଗି ନଥିବା ଗାଡି ଗୁଡିକଠାରୁ ଫାଇନ ଆଦାୟ ହେବ । ଇ-ଚାଲାଣ କଟାଯାଇ ୫ ହଜାରରୁ ୧୦ ହଜାର ଜରିମାନା ଆଦାୟ କରାଯିବ । ଅତିରିକ୍ତ ଟ୍ରାନ୍ସପୋର୍ଟ କମିଶନର୍ ଏବଂ ଏନଫୋର୍ସମେଣ୍ଟ ଲାଲମୋହନ ସେଠୀ ଏନେଇ ସୂଚନା ଦେଇଛନ୍ତି ।
ସେ କହିଛନ୍ତି ଯେ 07.06.23 ସୁଦ୍ଧା ମୋଟ 40,93,608 ଗାଡି ମାଲିକ ସ୍ଲଟ୍ ବୁକ୍ କରିଛନ୍ତି, ସେଥିମଧ୍ୟରୁ 35,87,577 ଗାଡିରେ HSRP ଲଗାଯାଇଛି। ଦଣ୍ଡବିଧାନରୁ ରକ୍ଷା ପାଇବା ପାଇଁ ଯାନବାହାନ ମାଲିକମାନଙ୍କୁ ଶୀଘ୍ର HSRP ଲଗାଇବାକୁ ପରାମର୍ଶ ଦିଆଯାଇଛି ।
M.V ଆକ୍ଟ, 1988, ଧାରା 192 ଅଧୀନରେ ଯଦି ଗାଡିଟିରେ HSRP ନଥିବ, ତେବେ ସେହି ଗାଡି ବିରୋଧରେ ଇ-ଚାଲାଣ ଜାରି କରାଯିବ ଏବଂ 5000 / - କିମ୍ବା 10, 000 / - ହଜାର ଟଙ୍କା ଜୋରିମାନା ଆଦାୟ କରାଯିବ। CMVR, 1989 ର ନିୟମ 50 ଅନୁଯାୟୀ, ସମସ୍ତ ଯାନକୁ HSRP ସହିତ ସଂଲଗ୍ନ କରିବା ବାଧ୍ୟତାମୂଳକ ।
ସୂଚନାଥାଉ କି, ଓଡିଶା ରେଜିଷ୍ଟ୍ରେସନ୍ ମାର୍କ ଥିବା 01.04.19 ପୂର୍ବରୁ ପଞ୍ଜୀକୃତ ହୋଇଥିବା ପୁରୁଣା ଯାନରେ ହାଇ ସିକ୍ୟୁରିଟି ରେଜିଷ୍ଟ୍ରେସନ୍ ପ୍ଲେଟ୍ (HSRP) ଲଗେଇବାର ଅବଧି 28.02.23 ତାରିଖରେ ଶେଷ ହୋଇ ଯାଇଛି ।
Click it and Unblock the Notifications
Sign in with Google