ରାଜ୍ୟରେ ବଢୁଛି କରୋନା ସଂକ୍ରମଣ:୨୪ ଘଣ୍ଟାରେ ଜଣେ ମୃତ

Updated: Friday, April 14, 2023, 17:45 [IST]

ଭୁବନେଶ୍ୱର: ରାଜ୍ୟରେ ବଢୁଛି କରୋନା ସଂକ୍ରମଣ । ଗତ ୨୪ ଘଣ୍ଟାରେ ୨୫୮ ଜଣ ପଡିଟିଭ୍ ଚିହ୍ନଟ ହୋଇଥିବା ବେଳେ ଜଣଙ୍କର ମୃତ୍ୟୁ ହୋଇଛି । ମୃତକ ଜଣକ ହେଲେ ଝାରସୁଗୁଡ଼ା ଜିଲ୍ଲାର ଜଣେ ମହିଳା । ସେ କରୋନା ସହ ଅନ୍ୟ ରୋଗରେ ମଧ୍ୟ ଆକ୍ରାନ୍ତ ଥିଲେ ।

ସୂଚନା ଅନୁସାରେ, କଟକ ଏସସିବି କୋଭିଡ୍ ଡାକ୍ତରଖାନାରେ ଜଣେ ମହିଳାଙ୍କର ମୃତ୍ୟୁ ହୋଇଛି । ମୃତକ ବୃଦ୍ଧା ଜଣକ ଝାରସୁଗୁଡ଼ା ଜିଲ୍ଲାର । ତାଙ୍କର କୋଭିଡ୍ ସହିତ ଅନ୍ୟାନ୍ୟ ରୋଗ ରହିଥିଲା । ମହିଳା ଜଣଙ୍କୁ ପ୍ରଥମେ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଥିଲା ପରେ ତାଙ୍କୁ କଟକ ଏସସିବି କୋଭିଡ୍ ୱାର୍ଡକୁ ସ୍ଥାନାନ୍ତର କରାଯାଇଥିଲା । ଯେଉଁଠି ତାଙ୍କ ଅବସ୍ଥା ଅଧିକ ବିଗିଡି ଯାଇଥିଲା ଏବଂ ପରେ ତାଙ୍କର ମତ୍ୟୁ ହୋଇଥିବା ନେଇ ସୂଚନା ରହିଛି ।