କମୁଛି ସଂକ୍ରମଣ, ରାଜ୍ୟରେ ଦିନକରେ 19 ସଂକ୍ରମିତ ଚିହ୍ନଟ

ରାଜ୍ୟରେ କମୁଛି କରୋନା ସଂକ୍ରମିତଙ୍କ ସଂଖ୍ୟା। ଆଶ୍ବସ୍ତ ହୋଇଛନ୍ତି ଲୋକେ । ଗତ 24 ଘଣ୍ଟାରେ ରାଜ୍ୟରେ 19 ଜଣ ନୂଆ କରୋନା ପଜିଟିଭ ଚିହ୍ନଟ ହୋଇଛନ୍ତି ।

ଭୁବନେଶ୍ବର: ରାଜ୍ୟରେ କମୁଛି କରୋନା ସଂକ୍ରମିତଙ୍କ ସଂଖ୍ୟା। ଆଶ୍ବସ୍ତ ହୋଇଛନ୍ତି ଲୋକେ । ଗତ 24 ଘଣ୍ଟାରେ ରାଜ୍ୟରେ 19 ଜଣ ନୂଆ କରୋନା ପଜିଟିଭ ଚିହ୍ନଟ ହୋଇଛନ୍ତି । ନୂଆ ସଂକ୍ରମିତଙ୍କ ମଧ୍ୟରୁ 11 ସଂକ୍ରମିତ କ୍ବାରେଣ୍ଟାଇନ ସେଣ୍ଟରରୁ ହୋଇଥିବା ବେଳେ 8 ଜଣ ସ୍ଥାନୀୟ ସଂକ୍ରମିତ ରହିଛନ୍ତି । ସେଥିମଧ୍ୟରୁ 6 ଜଣ ଶିଶୁ ଥିବା ଜଣାପଡିଛି ।

ଶୁକ୍ରବାର ଚିହ୍ନଟ ସଂକ୍ରମିତଙ୍କ ମଧ୍ୟରୁ ବାଲେଶ୍ବର ଜଣେ, କଟକରୁ 2, ଗଜପତିରୁ 5, ଖୋର୍ଦ୍ଧାରୁ 4, ନୂଆପଡାରୁ 6, ସମ୍ବଲପୁରରୁ ଜଣେ ପଜିଟିଭ ଚିହ୍ନଟ ହୋଇଛନ୍ତି । ଏହାକୁ ମିଶାଇ ରାଜ୍ୟରେ ମୋଟ କୋରୋନା ଆକ୍ରାନ୍ତଙ୍କ ସଂଖ୍ୟା 12 ଲକ୍ଷ 88 ହଜାର 272ରେ ପହଞ୍ଚିଛି ।

ବର୍ତ୍ତମାନ ରାଜ୍ୟରେ 121 ସକ୍ରିୟ ମାମଲା ରହିଛି । ନୂଆ ୩୩ଜଣ ସଂକ୍ରମିତ ସୁସ୍ଥ ହୋଇଛନ୍ତି । ରାଜ୍ୟରେ ଏବେ ସୁଦ୍ଧା ମୋଟ 12 ଲକ୍ଷ 78 ହଜାର 972 ଆକ୍ରାନ୍ତ ସୁସ୍ଥ ହୋଇଛନ୍ତି ।

English summary

Odisha reported 19 fresh Covid cases in the last 24 hours. Including 6 children below 18 years of age.