ଓଡ଼ିଶା : ସ୍ତ୍ରୀ ଓ ଝିଅ ପାଇଁ ଜହ୍ନ ରାଇଜରେ ଜାଗା କିଣିଲେ ସ୍ୱାମୀ
ଜଗତସିଂହପୁର କୁଜଙ୍ଗ ବ୍ଲକ ବଡଙ୍ଗ ଅଞ୍ଚଳର ପ୍ରବୀର ପ୍ରଧାନ ନାମକ ସମାଜସେବୀ ତାଙ୍କ ପତ୍ନୀ ଓ ଝିଅକୁ ଚନ୍ଦ୍ରରେ ଦୁଇଟି ଜାଗା କିଣି ଭେଟି ଦେଇଛନ୍ତି
ଭୁବନେଶ୍ୱର : "ଜହ୍ନ ରାଇଜରେ ଜାଗାଟେ କିଣିଛି...ତାରା ଫୁଲରେ ଘରଟେ କରିଛି ।" ସୁପରହିଟ୍ ଆଲବମର ଏହି ଗୀତ ଏବେ ବାସ୍ତବରେ ରୂପାନ୍ତରିତ ହୋଇଛି । ବିଜ୍ଞାନର ଅଗ୍ରଗତି, ବୈଜ୍ଞାନିକମାନଙ୍କ ନିରବଚ୍ଛିନ୍ନ ପ୍ରୟାସ ଓ ଆଧୁନିକ ଜ୍ଞାନ କୌଶଳ ବଳରେ ଆଜି ମଣିଷ ଚନ୍ଦ୍ରପୃଷ୍ଠରେ କେବଳ ପହଞ୍ଚି ନାହିଁ ସେଠାରେ ଜମି ମଧ୍ୟ କିଣିଛି । ଦିନେ ଯାହା ଜହ୍ନମାମୁଁର ଗପ ଥିଲା ଆଜି ସେଠାରେ ମଣିଷ ରହିବା ପାଇଁ ସଜବାଜ ହେଉଛି । ଓଡିଶାରୁ ଆସିଛି ଏଭଳି ଏକ ଖବର । ଜଗତସିଂହପୁର କୁଜଙ୍ଗ ବ୍ଲକ ବଡଙ୍ଗ ଅଞ୍ଚଳର ପ୍ରବୀର ପ୍ରଧାନ ନାମକ ସମାଜସେବୀ ତାଙ୍କ ପତ୍ନୀ ଓ ଝିଅକୁ ଚନ୍ଦ୍ରରେ ଦୁଇଟି ଜାଗା କିଣି ଭେଟି ଦେଇଛନ୍ତି ।
'ଦିନେ ଝିଅ ଯିବ'
ଚନ୍ଦ୍ରରେ ଏହି ଜମି ଦୁଇଟି କିଣିବା ପାଇଁ ତାଙ୍କୁ ହାରାହାରି 124 ଡଲାର ଖର୍ଚ୍ଚ କରିବାକୁ ପଡିଥିଲା । ପ୍ରବୀର ଇଫକୋରେ ଜଣେ କର୍ମଚାରୀ ଭାବରେ କାମ କରୁଛନ୍ତି । ଜମି କିଣିବା ବାବଦରେ ସେ କହିଛନ୍ତି ଗୋଟିଏ ନିଆରା ଉପହାର ଦେବା ପାଇଁ ଝିଅ ସବୁବେଳେ କହୁଥିଲା । ଝିଅ ସବୁବେଳେ ମହାକାଶ, ଚନ୍ଦ୍ର ଓ ତାରା ବିଷୟରେ ପଢାପଢି କରେ । ଏଥିପାଇଁ ଏହି ଜାଗା କିଣିଛି । ଦିନେ ଝିଅ ସେଠାକୁ ଯିବ ଦେଖିବା ପାଇଁ ନହେଲେ ତାର ପର ପିଢି ଯିବେ ସେଠାକୁ । ଜାଗା କିଣିଛି ବୋଲି ଝିଅର ଆଶା ରହିବ ଓ ସେ ଅଧିକ ପରିଶ୍ରମ କରିବ ବୋଲି କହିଛନ୍ତି ପ୍ରବୀର । ସେହିପରି ବାହାଘର ଆନିଭର୍ସରୀରେ ପତ୍ନୀଙ୍କୁ ଏହି ଉପହାର ଦେଇଥିବା ସେ କହିଛନ୍ତି ।
ସ୍ୱାମୀ ପ୍ରବୀର ଚନ୍ଦ୍ରରେ ଜାଗା ଉପହାରରେ ନିଜର ଖୁସି ଜାହିର କରିଛନ୍ତି ପତ୍ନୀ ଦେବଶ୍ରୀ ପ୍ରଧାନ । କୌଣସି ଦାମୀ ଅଳଙ୍କାର ଆଗରେ ଏହା କିଛି ନୁହେଁ । ପ୍ରଥମେ ମୁଁ ବିଶ୍ୱାସ କରୁନଥିଲି ହେଲେ ଯେବେ ଡାକ ଆସିଲା ସେବେ ଜାଣିଳି ସ୍ୱାମୀ ମୋ ପାଇଁ ଜମି କିଣିଛନ୍ତି ବୋଲି କହିଛନ୍ତି ଦେବଶ୍ରୀ ।
'ବଡହେଲେ ରକେଟରେ ଯିବି'
ବାପା ମୋ ପାଇଁ ଚନ୍ଦ୍ରରେ ଜାଗା କିଣିଛନ୍ତି । ବଡ ହେଲେ ମୁଁ ସେଠାକୁ ଯିବି । ବଡ ହେଲେ ଭଲ ପାଠ ପଢି ରକେଟରେ ସେଠାକୁ ଯିବି ବୋଲି କହିଛନ୍ତି ପ୍ରବୀରଙ୍କ ଝିଅ ପ୍ରଦ୍ୟାଶା ପ୍ରଧାନ । ପ୍ରବୀରଙ୍କ ଚନ୍ଦ୍ରରେ ଜାଗା କିଣିଥିବା ନେଇ 'ଓଡିଶା ସମ୍ବାଦ' ଏକ ସ୍ୱତନ୍ତ୍ର ଖବରରେ ପ୍ରକାଶ କରିଛି । ଇଚ୍ଛା ଶକ୍ତିଥିଲେ ସବୁ ଅସମ୍ବବ ସମ୍ବବ ହୋଇ ପାରେ । ଯେଉଁ ଚହ୍ନକୁ ଦେଖି ଅନେକ କବିତା ଅନେକ ଗପ ଓ ଗୀତ ସେଠାରେ ମଣିଷ ଜାଗା କିଣିପାରେ ତାହା ଏଥିରୁ ସ୍ପଷ୍ଟ ।
Click it and Unblock the Notifications
Sign in with Google