ଶେଷ ହେଲା ଦ୍ୱିତୀୟ ପର୍ଯ୍ୟାୟ ମତଦାନ: ୭୧ ପ୍ରତିଶତ ମତଦାନ ରେକର୍ଡ

ଶେଷ ହେଲା ଚଳିତ ପଞ୍ଚାୟତ ନିର୍ବାଚନ ପାଇଁ ଦ୍ୱିତୀୟ ପର୍ଯ୍ୟାୟ ମତଦାନ । ଆଜି ଦ୍ୱିତୀୟ ପର୍ଯ୍ୟାୟରେ ମୋଟ ୭୧ % ହୋଇଛି ମତଦାନ ।

Published: Friday, February 18, 2022, 19:14 [IST]

ଭୁବନେଶ୍ୱର: ଶେଷ ହେଲା ଚଳିତ ପଞ୍ଚାୟତ ନିର୍ବାଚନ ପାଇଁ ଦ୍ୱିତୀୟ ପର୍ଯ୍ୟାୟ ମତଦାନ । ଆଜି ଦ୍ୱିତୀୟ ପର୍ଯ୍ୟାୟରେ ମୋଟ ୭୧ % ହୋଇଛି ମତଦାନ । ଏହି ପର୍ଯ୍ୟାୟରେ ମୋଟ ୨ ଲକ୍ଷ ୧୦ ହଜାରରୁ ଅଧିକ ଭୋଟର ରହିଥିଲେ । ରାଜ୍ୟରେ ଦ୍ବିତୀୟ ପର୍ଯ୍ୟାୟ ଭୋଟ ଗ୍ରହଣ ମୋଟ ୬୮ଟି ବ୍ଳକର ୧୫୧୪ ଟି ଗ୍ରାମ ପଞ୍ଚାୟତରେ ୧୮୬ ଜିଲ୍ଲା ପରିଷଦ ସଭ୍ୟ ପାଇଁ ୨୦,୪୩୬ ବୁଥରେ ଶାନ୍ତି ଶୃଙ୍ଖଳାର ସହିତ ନିର୍ବାଚନ ଶେଷ ହୋଇଅଛି । ଏନେଇ ସୂଚନା ଦେଇଛନ୍ତି ରାଜ୍ୟ ନିର୍ବାଚନ କମିଶନ ।

ସେ ଆହୁରି କହିଛନ୍ତି କି, ପ୍ରଥମ ପର୍ଯ୍ୟାୟ ଭୋଟିଂରେ ହୋଇଥିବା ବିଶୃଙ୍ଖଳାକୁ ଦୃଷ୍ଟିରେ ରଖି ଆଜିର ନିର୍ବାଚନ କଡ଼ାକଡ଼ି ହୋଇଥିଲା । କିଛି ସ୍ଥାନରେ ଭୋଟ୍ ବାଲାଟ୍ ପେପର ଏବଂ ବିଶୃଙ୍ଖଳା ପାଇଁ ଭୋଟିଂ ହୋଇପାରିନି । ଜଗତସିଂହପୁର, ଯାଜପୁରର କିଛି ବୁଥରେ ଭୋଟ୍ ବାଧାପ୍ରାପ୍ତ ହୋଇଛି । ଜିଲ୍ଲାପାଳଙ୍କ ରିପୋର୍ଟ ପରେ ସେହି ସ୍ଥାନରେ ପୁନଃମତଦାନ ହୋଇପାରେ ।

ସେପଟେ ଆଉ ଦିନକ ପରେ ଅର୍ଥାତ ପେବୃୟାରୀ ୨୦ରେ ରାଜ୍ୟରେ ତୃତୀୟ ପର୍ଯ୍ୟାୟ ପଞ୍ଚାୟତ ନିର୍ବାଚନ ହେବ । ଏଥିପାଇଁ ଆଜି ସନ୍ଧ୍ୟାରେ ସରିଛି ପ୍ରଚାର। ତୃତୀୟ ପର୍ଯ୍ୟାୟରେ ରାଜ୍ୟରେ ୧୭୧ଟି ଜିଲ୍ଲା ପରିଷଦ ଜୋନରେ ହେବ ନିର୍ବାଚନ । ୧୩୮୨ ସରପଞ୍ଚ, ସମିତି ସଭ୍ୟ ଏବଂ ୧୮ହଜାର ୪୯୫ଟି ଓ୍ବାର୍ଡରେ ହେବ ଭୋଟିଂ ।

Published On February 18, 2022