ମୌସୁମୀ ଅଧିବେଶନ ପୂର୍ବରୁ ମନ୍ତ୍ରୀ ଓ ବିଧାୟକମାନଙ୍କର ହେଲା କୋଭିଡ ଟେଷ୍ଟ

ରାଜ୍ୟ ବିଧାନସଭା ମୌସୁମୀ ଅଧିବେଶନ ମନ୍ତ୍ରୀ ଓ ବିଧାୟକଙ୍କର ଆଜି ହୋଇଛି କୋଭିଡ ଟେଷ୍ଟ । ଆଜି ବାଚସ୍ପତି ସୂର୍ଯ୍ୟ ନାୟରଣ ପାତ୍ରଙ୍କ ସମେତ କିଛି ମନ୍ତ୍ରୀ ଓ ବିଧାୟକଙ୍କର ଆଣ୍ଟିଜେନ୍, ଆଣ୍ଟିବଡି ଓ ଆରଟି-ପିସିଆର ଟେଷ୍ଟ କରାଯାଇଛି ।

ଭୁବନେଶ୍ୱର: ରାଜ୍ୟ ବିଧାନସଭା ମୌସୁମୀ ଅଧିବେଶନ ମନ୍ତ୍ରୀ ଓ ବିଧାୟକଙ୍କର ଆଜି ହୋଇଛି କୋଭିଡ ଟେଷ୍ଟ । ଆଜି ବାଚସ୍ପତି ସୂର୍ଯ୍ୟ ନାୟରଣ ପାତ୍ରଙ୍କ ସମେତ କିଛି ମନ୍ତ୍ରୀ ଓ ବିଧାୟକଙ୍କର ଆଣ୍ଟିଜେନ୍, ଆଣ୍ଟିବଡି ଓ ଆରଟି-ପିସିଆର ଟେଷ୍ଟ କରାଯାଇଛି ।

ଉଲ୍ଲେଖଯୋଗ୍ୟ ଯେ, ଷୋଡ଼ଶ ବିଧାନସଭାର ସପ୍ତଦଶ ଅଧିବେଶନ ଆସନ୍ତା ସେପ୍ଟେମ୍ବର ୧ରୁ ୯ତାରିଖ ପର୍ଯ୍ୟନ୍ତ ଚାଲିବ। ସେପ୍ଟେମ୍ବର ୩ ତାରିଖକୁ ପ୍ରାଇଭେଟ୍ ମେମ୍ବର୍ସ ବିଜିନେସ୍ ପାଇଁ ରଖାଯାଇଥିବାବେଳେ ଅନ୍ୟ ସମସ୍ତ ଦିନଗୁଡ଼ିକ ଅଫିସିଆଲ କାର୍ଯ୍ୟଦିବସ ରହିଛି। ୫ ତାରିଖ ରବିବାର ପଡ଼ୁଥିବାରୁ ସେଦିନ ଛୁଟି ରହିବ ।

ତେବେ ସକାଳ ସାଢେ ୧୦ରୁ ଦିନ ସାଢେ ଗୋଟାଏ ଏବଂ ଅପରାହ୍ନ ୪ଟାରୁ ସଂଧ୍ୟା ୬ଟା ଯାଏ ଦୁଇ ପର୍ଯ୍ୟାୟରେ ଗୃହ ଚାଲିବ । ଅଧିବେଶନରେ ଷ୍ଟାର୍‌ ପ୍ରଶ୍ନ ରହିବ । ବିଜେପି ୩ଟି ଓ କଂଗ୍ରେସ ୨ଟି ମୁଲତବୀ ପ୍ରସ୍ତାବ ଆଣିପାରିବେ । ଗତଥର ଭଳି ବିଧାୟକମାନେ ବସିବା ବ୍ୟବସ୍ଥା କରାଯାଇଛି । ମନ୍ତ୍ରୀ ବସି କିମ୍ବା ଠିଆହୋଇ ଉତ୍ତର ଦେଇପାରିବେ । ବିଧାୟକମାନେ ଓକାକ ବିଲ୍‌ଡିଂ, ଲୋକସେବା ଭବନ ଓ ଅନ୍ୟସ୍ଥାନରେ ବି ରହିପାରିବେ । ବିରୋଧୀ ଦଳ ନେତା ହସ୍ପିଟାଲରେ ଥିବାରୁ ଚାହିଁଲେ ଭିଡିଓ କନଫରେନସିଂ ଯୋଗଦେଇପାରିବେ । ପ୍ରତିଦିନ ବିଧାନସଭା ପରିସରକୁ ସାନିଟାଇଜ୍ କରାଯିବ।

English summary

Odisha: Ministers and MLA Under Goes Covid Test Before Assembly Monsoon Session