ବଜ୍ରପାତରେ ୩ ମୃତ୍ୟୁ,୫ ଗୁରୁତର

ODISHA LIGHTNING DEATH :ବଜ୍ରପାତରେ ୩ ମୃତ୍ୟୁ,୫ ଗୁରୁତର

ବରଗଡ଼: ରାଜ୍ୟରେ ବଜ୍ରପାତରେ ୩ଜଣଙ୍କର ମୃତ୍ୟୁ ହୋଇଥିବା ବେଳେ ୫ ଗୁରୁତର । ବରଗଡ଼ ଜିଲ୍ଲା ବରପାଲି ବ୍ଲକ ପାଟ କୁଳୁଣ୍ଡା ପଞ୍ଚାୟତ ବୋରିକେଲ ନୂଆଁଟିକ୍ରା ଠାରେ ଅପରାହ୍ନ ୩ଟାରେ ବଜ୍ରପାତରେ ୭ଜଣ ଆହତ ହୋଇଥିଲେ ଯେଉଁମାନଙ୍କୁ ତୁରନ୍ତ ଗୋଷ୍ଠୀ ସ୍ବାସ୍ତ୍ୟ କେନ୍ଦ୍ରକୁ ଚିକିତ୍ସା ପାଇଁ ନିଆଯାଇଥିଲା । ଯେଉଁଠି ଡାକ୍ତର ଦୁଇଜଣଙ୍କୁ ମୃତ ଘୋଷଣା କରିଥିବା ବେଳେ ଅନ୍ୟମାନଙ୍କୁ ଚିକିତ୍ସା ପାଇଁ ବରଗଡ଼ ମୁଖ୍ୟ ଡାକ୍ଟରଖାନାକୁ ସ୍ଥାନାନ୍ତରିତ କରାଯାଇଛି । ମୃତକୁ ୨ ଜଣ ବ୍ୟକ୍ତି ହେଲେ ବୃହସ୍ଵତୀ ଦୀପ ଓ ଅଭଦୂତ ଦୀପ । ତେବେ ନୂଆଁଟିକ୍ରା ଛକ୍ ନିକଟରେ ବିଲରେ ଧାନ ରୋଉଥିବା ବେଳେ ୭ ଜଣ ଶ୍ରମିକଙ୍କ ଉପରେ ବଜ୍ରପାତ ହୋଇଥିଲା । ସେହିପରି ବଜ୍ରପାତରେ ୧ ଗାଈ ଓ ୧୧ଟି ଛେଳି ମୃତ ।

ଖବରପାଇ ବରପାଲି ଅତିରିକ୍ତ ତହସିଲଦାର ଅର୍ଜୁନ କୁମାର ମାଝୀ ସ୍ବାସ୍ଥ୍ୟ କେନ୍ଦ୍ରରେ ପହଁଚିଥିଲେ । ବୟନ ଶିଳ୍ପ ମନ୍ତ୍ରୀ ରିତା ସାହୁ ମଧ୍ୟ ସ୍ବାସ୍ଥ୍ୟ କେନ୍ଦ୍ରକୁ ଆସି ମୃତ୍ୟୁଙ୍କ ପରିବାରଙ୍କୁ ଆଶ୍ୱାସନା ଦେବା ସହ ଡାକ୍ତର ତଥା ତହସିଲଦାରଙ୍କ ସହିତ ଆଲୋଚନା କରି ରେଡ଼କ୍ରସ ପାଣ୍ଠି ଓ ସରକାରୀ ସହାୟତା ଯୋଗାଇଦେବା ପାଇଁ ନିର୍ଦ୍ଦେଶ ଦେଇଥିଲେ । ସେହିପରି ଯୁଯୁମୁରା ଥାନା ମହୁଲପାଲି ଗାଁର ଅଚ୍ୟୁତ ରହନା ନାମକ ବ୍ୟକ୍ତି ଗାଈ ଚରାଉଥିବା ବେଳେ ବଜ୍ରପାତରେ ମୃତ୍ୟୁ ବରଣ କରିଛନ୍ତି । ଯୁଯୁମୁରା ବ୍ଲକ ଛାମୁଣ୍ଡା ପଞ୍ଚାୟତ ବଡ଼ମାଲ ଅଞ୍ଚଳରେ ଶନିବାର ଅପରାହ୍ନ ପ୍ରାୟ ତିନିଟା ୪୫ରେ ବଜ୍ରାଘାତରେ ୮ ଛେଳି ମୃତ ।

English summary

ODISHA LIGHTNING DEATH