ମାର୍ଚ୍ଚ ପାଇଁ ରାଜ୍ୟ ସରକାରଙ୍କ ଗାଇଡଲାଇନ୍ : ଜାଣନ୍ତୁ କାହାକୁ ମିଳିଲା ଅନୁମତି ଏବଂ ପରୀକ୍ଷା ନେଇ କ'ଣ କହିଲେ ସରକାର ?
ମାର୍ଚ୍ଚ ମାସ ପାଇଁ ଗାଇଡଲାଇନ୍ ଜାରି କରିଛନ୍ତି ରାଜ୍ୟ ସରକାର
ଭୁବନେଶ୍ୱର : ମାର୍ଚ୍ଚ ମାସ ପାଇଁ ଗାଇଡଲାଇନ୍ ଜାରି କରିଛନ୍ତି ରାଜ୍ୟ ସରକାର । କରୋନା ଦୃଷ୍ଟିରେ ରଖି ରାଜ୍ୟ ଜିଲ୍ଲାପାଳ ଓ ସ୍ଥାନୀୟ ଅଧିକାରୀ ସତର୍କତାର ସହ କଣ୍ଟେନମେଣ୍ଟ୍ କରିପାରିବେ । ସେହିପରି ଯାତ୍ର ପାଇଁ ରାଜ୍ୟ ସରକାର କଟକଣା କୋହଳ କରିଛନ୍ତି । ସର୍ବାଧିକ 2 ହଜାର ଦର୍ଶକଙ୍କୁ ନେଇ ଯାତ୍ର କିମ୍ବା ଅପେରା ପରିବେଷଣ କରାଯାଇ ପାରିବ ।
ଯାତ୍ରା ପାଇଁ ଅନଲାଇନରେ ବିକ୍ରି ହେବ ଟିକେଟ୍
ଦୀର୍ଘମାସ ପରେ ଏବେ ପୁଣି ମଞ୍ଚ ହସିବ । ଶେଷରେ ଯାତ୍ରା କଳାକାର ଓ ସେମାନଙ୍କ ପରିବାରର କଥାକୁ ଶୁଣିଛନ୍ତି ସରକାର । ମାର୍ଚ୍ଚ ମାସ ପାଇଁ ଜାରି ହୋଇଥିବା ମାର୍ଗଦର୍ଶିକାରେ ଯାତ୍ରାକୁ ଅନୁମତି ଦେଇଛନ୍ତି ରାଜ୍ୟ ସରକାର । ତେବେ ଏଥିପାଇଁ ସ୍ଥାନୀୟ ପ୍ରଶାସନ ନିଷ୍ପତି ନେବେ । ସାମାଜିକ ଦୂରତା, ମାସ୍କ ପରିଧାନ, ଥର୍ମାଲ ସ୍କାନିଂ ବାଧ୍ୟତାମୂଳକ କରାଯାଇଛି ।
ଅପେରା ପାଇଁ ସର୍ବାଧିକ 2 ହଜାର ଦର୍ଶକଙ୍କୁ ସରକାର ଅନୁମତି ପ୍ରଦାନ କରିଛନ୍ତି । ତେବେ କରୋନା ଗାଇଡ୍ଲାଇନ୍ ଅନୁସାରେ ଯାତ୍ରା ପରିବେଷଣ ହୋଇ ପାରିବ । ସିଟ୍ ମଧ୍ୟରେ 6 ଫୁଟ୍ ଦୂରତା ରହିବ । ରୋଗାକ୍ରାନ୍ତଙ୍କୁ ଯାତ୍ରା ପାଇଁ ବାରଣ କରାଯାଇଛି । ଲକ୍ଷଣ ଥିବା ଦର୍ଶକଙ୍କୁ ଯାତ୍ରା ଦେଖିବାକୁ ଅନୁମତି ମିଳିବ ନାହିଁ ବୋଲି ଗାଇଡ୍ଲାଇନ୍ରେ କୁହାଯାଇଛି । ସେହିପରି ଅନଲାଇନ୍ ଟିକେଟ୍ ବ୍ୟବସ୍ଥା କରିବାକୁ ଆୟୋଜକଙ୍କୁ ପରାମର୍ଶ ଦିଆଯାଇଛି । ଅଧିକରୁ ଅଧିକ ଟିକେଟ୍ କାଉଣ୍ଟର କରିବାକୁ ଆୟୋଜକଙ୍କୁ ନିର୍ଦ୍ଦେଶ ଦେଇଛନ୍ତି ରାଜ୍ୟ ସରକାର । ଯାତ୍ରାରେ କଟକଣା ଉଲ୍ଲଂଘନ କଲେ ଆୟୋଜକ ଦାୟୀ ରହିବେ ବୋଲି ଗାଇଡ୍ଲାଇନ୍ରେ ସ୍ପଷ୍ଟ ଭାବେ କୁହାଯାଇଛି ।
ବାହାଘର ପାଇଁ ସର୍ତ୍ତମୂଳକ ଅନୁମତି
ମାର୍ଚ୍ଚ ମାସ ପାଇଁ ଜାରି ହୋଇଥିବା ମାର୍ଗଦର୍ଶୀକା ଅନୁସାରେ ବାହାଘର ଏବଂ ଶୁଦ୍ଧିକ୍ରିୟାରେ ସର୍ବାଧିକ 5 ଶହ ଲୋକଙ୍କୁ ସର୍ତ୍ତମୂଳକ ଅନୁମତି ଦିଆଯାଇଛି। ଏଥିରେ ମାସ୍କ ପରିଧାନ, ସାମାଜିକ ଦୂରତା ଏବଂ ସାନିଟାଇଜ୍ ବାଧ୍ୟତାମୂଳକ କରାଯାଇଛି । ବାହାଘର, ଶୁଦ୍ଧିକ୍ରିୟାରେ ଆୟୋଜକମାନେ ଗାଇଡଲାଇନ ମାନିବେ , ନେହେଲେ କଡ଼ା ଦଣ୍ଡବିଧାନ ରହିଛି । ସେହିପରି ବାହାଘରରେ ଆୟୋଜକ ସମସ୍ତ ପ୍ରବେଶ ପଥରେ ଉପସ୍ଥିତ ରହି ମାସ୍କ ପରିଧାନ ଯାଞ୍ଚ କରିବାକୁ ନିର୍ଦ୍ଦେଶ ଦିଆଯାଇଛି । ଯଦି କେହି ମାସ୍କ ପରିଧାନ କରିଥାନ୍ତି ତାହେଲେ ଆୟୋଜକ ମାସ୍କ ଦେବେ ବୋଲି ମାର୍ଗଦର୍ଶୀକାରେ କୁହାଯାଇଛି ।
ଅନଲାଇନରେ ହେବ ପରୀକ୍ଷା
Click it and Unblock the Notifications
Sign in with Google