ଛୋଟିଆ ଭୁଲ ପାଇଁ ଜରିମାନା ଦେଲେ ଓକଲି
କୋର୍ଟଙ୍କ ଶୁଣାଣି ବେଳେ ନେକବାଣ୍ଡ ପିନ୍ଧି ନଥିବାରୁ ଓଡ଼ିଶା ହାଇକୋର୍ଟ ଜଣେ ଆଇନଜୀବୀଙ୍କୁ ୫୦୦ ଟଙ୍କା ଜରିମାନା କରିଛନ୍ତି ।
କଟକ: ୱାର୍କ ଫର୍ମ ହୋମ କିମ୍ବା ଭିଡିଓ କନଫରେସିଂରେ ବୈଠକ, ଏହି ସବୁ ଥିରେ କିଛି କିଛି ନିୟମ କାନୁନର ଉଲ୍ଲଙ୍ଘନ ତ ହେଉଛି ନିଶ୍ଚୟ । କେହି ଧରା ପଡି ଦଣ୍ଡ ଭୋଗୁଛନ୍ତି ଆଉ କେହି ଖସି ଯାଉଛନ୍ତି । ମାତ୍ର ଏହି ଘଟଣାରେ ସାମାନ୍ୟ ଭୁଲ ପାଇଁ ଜଣେ ଓକିଲଙ୍କୁ ଦଣ୍ଡ ଭୋଗିବାକୁ ପଡିଛି ।
କୋର୍ଟଙ୍କ ଶୁଣାଣି ବେଳେ ନେକବାଣ୍ଡ ପିନ୍ଧି ନଥିବାରୁ ଓଡ଼ିଶା ହାଇକୋର୍ଟ ଜଣେ ଆଇନଜୀବୀଙ୍କୁ ୫୦୦ ଟଙ୍କା ଜରିମାନା କରିଛନ୍ତି । ଭିଡିଓ କନଫରେନ୍ସିଂ ଅର୍ଥାତ ଭର୍ଚୁଆଲ୍ ଶୁଣାଣି ବେଳେ ଆଇନଜୀବୀ ଜଣଙ୍କ ନେକବ୍ୟାଣ୍ଡ ପିନ୍ଧି ନଥିଲେ । ଏହାକୁ ଭିତ୍ତି କରି ଫେବ୍ରୁଆରୀ ୧୫ ତାରିଖରେ କୋର୍ଟ ଆଇନଜୀବୀଙ୍କୁ ଜରିମାନା ଦେବାକୁ ନିର୍ଦ୍ଦେଶ ଦେଇଛନ୍ତି । ହାଇକୋର୍ଟ ବାର୍ ଆସୋସିଏସନର ୱେଲଫେୟାର ଫଣ୍ଡରେ ଟଙ୍କା ଜମା କରିବାକୁ ନିର୍ଦ୍ଦେଶ ରହିଛି ।
ଉଲ୍ଲେଖଥାଉ କି, ଓକିଲ ପିନ୍ଧୁଥିବା ପୋଷାକ ନେଇ ଆଡଭୋକେଟ୍ ଆକ୍ଟ-୧୯୬୧ ସେକ୍ସନ୍ ୪୯ (୧)(ଜିଜି)ରେ ଉଲ୍ଲେଖ ରହିଛି । ଯେଉଁଥିରେ ଆଇନଜୀବୀ ଧଳା ସାର୍ଟ ଉପରେ କଳା କୋର୍ଟ ଓ ଧଳା ନେକ୍ ବ୍ୟାଣ୍ଡ ପିନ୍ଧିବାର ନିୟମ ରହିଛି ।
Click it and Unblock the Notifications
Sign in with Google