ଆଜି ଭାଟିକାନରେ ପୋପ ଫ୍ରାନସିସଙ୍କୁ ଭେଟିବେ ନବୀନ

ଆଜି (ମଙ୍ଗଳବାର) ଖ୍ରୀଷ୍ଟ ଧର୍ମଗୁରୁ ପୋପ୍ ଫ୍ରାନସିସଙ୍କୁ ଭେଟିବେ । ତେବେ ଦେଶର ପ୍ରଥମ ମୁଖ୍ୟମନ୍ତ୍ରୀ ଭାବେ ଏହି ଇତିହାସ ରଚିବେ ନବୀନ ।

Updated: Tuesday, June 21, 2022, 16:29 [IST]

ଭୁବନେଶ୍ୱର: ବିଦେଶ ଗସ୍ତରେ ଅଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ସୋମବାର ଅପରାହ୍ନରେ ଇଟାଲୀର ରୋମ ସହରରେ ପହଞ୍ଚି ଥିଲେ । ଆଜି (ମଙ୍ଗଳବାର) ଖ୍ରୀଷ୍ଟ ଧର୍ମଗୁରୁ ପୋପ୍ ଫ୍ରାନସିସଙ୍କୁ ଭେଟିବେ । ତେବେ ଦେଶର ପ୍ରଥମ ମୁଖ୍ୟମନ୍ତ୍ରୀ ଭାବେ ଏହି ଇତିହାସ ରଚିବେ ନବୀନ ।

ପୋପ୍ ଫ୍ରାନ୍ସିସ ହେଉଛନ୍ତି ଖ୍ରୀଷ୍ଟ ଧର୍ମଗୁରୁ । ୨୦୧୮ର ତଥ୍ୟ ଅନୁସାରେ ବିଶ୍ୱର ପ୍ରାୟ ୧୩୨ କୋଟି ୨୯ ଲକ୍ଷ କ୍ୟାଥୋଲିକ ଚର୍ଚ୍ଚର ମୁଖ୍ୟ ଧର୍ମାନୁଷ୍ଠାନ ହେଉଛି ଭାଟିକାନ ସହର ଓ ଏଠାରେ ରହୁଥିବା ପୋପ ଫ୍ରାନସିସ ଏମାନଙ୍କ ସର୍ବମାନ୍ୟ ଧର୍ମଗୁରୁ । ତେଣୁ ପୋପଙ୍କୁ ଭେଟି ଐତିହାସିକ ରେକର୍ଡ କରିବାକୁ ଯାଉଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଯାହା ତାଙ୍କ ଭାବମୂର୍ତିକୁ ବିଶ୍ୱ ଦରବାରରେ ଆହୁରି ବ୍ୟାପକ କରିପାରିବ ।

ତେବେ ପଟ୍ଟନାୟକ ଏବଂ ପୋପ୍ ଫ୍ରାନ୍ସିସଙ୍କ ଏହି ଭେଟଘାଟ୍ ସୌଜନ୍ୟମୂଳକ ଆହ୍ୱାନ ଭାବରେ ବର୍ଣ୍ଣନା କରାଯାଇଛି। ରାଜନୈତିକ ପର୍ଯ୍ୟବେକ୍ଷକମାନେ ବିଶ୍ୱାସ କରନ୍ତି ଯେ, ଏହି ବୈଠକ ପଟ୍ଟନାୟକଙ୍କ ପୁରା ଭ୍ରମଣର ମୁଖ୍ୟ ଆକର୍ଷଣ ହେବ।

ସମାଜବିଜ୍ଞାନର ଅବସରପ୍ରାପ୍ତ ପ୍ରଫେସର ଶୁକଦେବା ନାୟକ କହିଛନ୍ତି ଯେ, ଯଦିଓ ପୋପଙ୍କୁ ଭେଟିବା ନବୀନଙ୍କ ଆଗାମୀ ଗସ୍ତର ମୁଖ୍ୟ ଏଜେଣ୍ଡା ନୁହେଁ, ତଥାପି ସାରା ବିଶ୍ୱରେ ପୋପଙ୍କୁ ସମ୍ମାନିତ କରାଯାଇଛି। ଏହି ଅର୍ଥରେ, ଏହି ବୈଠକ ନିଶ୍ଚିତ ଭାବରେ ବିଶ୍ୱସ୍ତରୀୟ ନେତା ଭାବରେ ନବୀନଙ୍କ ସ୍ଥିତିକୁ ବଢାଇବ ।

ସେହିପରି ରୋମରେ ମୁଖ୍ୟମନ୍ତ୍ରୀ ଓଡିଶାର ବିପର୍ଯ୍ୟୟ ପରିଚାଳନା ସାଙ୍ଗକୁ କିଭଳି ଓଡିଶାର ଖାଦ୍ୟ ସୁରକ୍ଷା ପାଇଁ ଆନ୍ୟ ଉପରେ ନିର୍ଭରଶୀଳତାକୁ କମାଇ ପାରିଛି ସେନେଇ ଆଲୋକପାତ କରିବେ । ୟୁରୋପୀୟ ଦେଶରେ ଥିବା ପ୍ରବାସୀ ଓଡିଆଙ୍କୁ ଭେଟି ରାଜ୍ୟର କଳା ସଂସ୍କୃତିର ପ୍ରଚାର ପ୍ରାସର ଦିଗରେ ସହଯୋଗ ଲୋଡିବେ । ଫେରିବା ବାଟରେ ମିଡିଲ ଇଷ୍ଟ ଓ ଦିବାଇରେ ପୁଞ୍ଜି ନିବେଶକଙ୍କ ସହ ଆଲୋଚନା କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।