ତାତି ସାଙ୍ଗକୁ ବିଦ୍ୟୁତ୍ କାଟ କଲବଲ ହେଉଛନ୍ତି ରାଜ୍ୟବାସୀ:ଆଜି ବୈଠକ କରିବେ ମୁଖ୍ୟ ଶାସନ ସଚିବ

Updated: Monday, June 12, 2023, 14:51 [IST]

ଭୁବନେଶ୍ୱର:ରାଜ୍ୟରେ ଜାରିରହିଥିବା ଅସହ୍ୟ ଗରମ ସାଙ୍ଗକୁ ବିଦ୍ୟୁତ୍ କାଟ ପାଇଁ ହନ୍ତସନ୍ତ ହେଉଛନ୍ତି ରାଜ୍ୟବାସୀ । ଯାହାକୁ ବେଶ୍ ଗମ୍ଭୀରତାର ସହ ନେଇଛନ୍ତି ରାଜ୍ୟ ସରକାର । ସମସ୍ୟାର ସମାଧାନ ପାଇଁ ଆଜି ଟାଟା ପାୱାର ସହ ମୁଖ୍ୟ ଶାସନ ସଚିବ ବୈଠକ କରିବେ ।

ଦିନର ଟାଣ ଖରା ସାଙ୍ଗକୁ ଗରମ ଓ ଗୁଳୁଗୁଳିରେ ମୁଣ୍ତବିନ୍ଧାର କାରଣ ସାଜିଛି ବିଦ୍ୟୁତ୍ କାଟ । ରାଜଧାନୀ ଭୁବନେଶ୍ୱରରେ ବେଟାଇମରେ ହେଉଥିବା ପାୱାର କଟ୍ ବର୍ତ୍ତମାନ ରାଜଧାନୀବାସୀଙ୍କୁ ଚିନ୍ତାରେ ପକାଇଛି । ସେହିପରି ଗ୍ରାମାଞ୍ଚଳରେ ମଧ୍ୟ ବିଦ୍ୟୁତ କାଟ ଓ ଲୋଭୋଲଟେଜ ସମସ୍ୟା ଲୋକଙ୍କୁ ହନ୍ତସନ୍ତ କରୁଛି ।

ଅନ୍ୟପଟେ କାଳବୈଶାଖୀ ପରେ ରାଜଧାନୀ ଭୁବନେଶ୍ୱରରେ କରେଣ୍ଟ ଆସିବା ପାଇଁ ପ୍ରାୟ ୩ ଘଣ୍ଟା ସମୟ ଲାଗୁଛି ତେବେ ବାତ୍ୟା ପରେ ବିଦ୍ୟୁତ ଆସିବା ପାଇଁ କେତେ ସମୟ ଲାଗିବ ବୋଲି ପ୍ରଶ୍ନ କରିଛନ୍ତି ମୁଖ୍ୟ ଶାସନ ସଚିବ ପ୍ରଦୀପ ଜେନା । ଏନେଇ ଆଜି ଏକ ଗୁରୁତ୍ୱପୂର୍ଣ୍ଣ ବୈଠକ ଡାକିଛନ୍ତି ମୁଖ୍ୟ ଶାସନ ସଚିବ । ଲୋକସେବା ଭବନରେ ବସିବା ପାଇଁ ଯାଉଥିବା ଏହି ବୈଠକରେ ଯୋଗ ଦେବେ ରାଜ୍ୟର ୪ ବିଦ୍ୟୁତ ବିକରଣ କମ୍ପାନୀ ସିଇଓ ।