ରାଜ୍ୟ ବଜେଟ: କେଉଁ ବିଭାଗକୁ ମିଳିଲା କେତେ ?

ବିଧାନସଭାରେ ଆର୍ଥିକ ବର୍ଷ ୨୦୨୩-୨୪ ପାଇଁ ପୂର୍ଣ୍ଣାଙ୍ଗ ବଜେଟ୍ ଉପସ୍ଥାପନା କରିଛନ୍ତି ଅର୍ଥମନ୍ତ୍ରୀ ନିରଞ୍ଜନ ପୂଜାରୀ । ଏଥର ବଜେଟର ମୋଟ୍ ୨ ଲକ୍ଷ ୩୦ ହଜାର କୋଟି ବ୍ୟୟ ଅଟକଳ ହୋଇଛି ।

Updated: Friday, February 24, 2023, 17:32 [IST]

ଭୁବନେଶ୍ୱର: ଆଜି (ଶୁକ୍ରବାର) ବିଧାନସଭାରେ ଆର୍ଥିକ ବର୍ଷ ୨୦୨୩-୨୪ ପାଇଁ ପୂର୍ଣ୍ଣାଙ୍ଗ ବଜେଟ୍ ଉପସ୍ଥାପନା କରିଛନ୍ତି ଅର୍ଥମନ୍ତ୍ରୀ ନିରଞ୍ଜନ ପୂଜାରୀ । ଏଥର ବଜେଟର ମୋଟ୍ ୨ ଲକ୍ଷ ୩୦ ହଜାର କୋଟି ବ୍ୟୟ ଅଟକଳ ହୋଇଛି । ଗତବର୍ଷ ତୁଳନାରେ ଏବର୍ଷ ପ୍ରାୟ ୧୫ ପ୍ରତିଶତ ବଜେଟ୍ ବଢିଛି । ଗତ ବର୍ଷ ବଜେଟ ୨ ଲକ୍ଷ କୋଟି ଟଙ୍କା ଥିଲା ।

ତେବେ ଚଳିତ ବଜେଟରେ କାର୍ଯ୍ୟକ୍ରମ ପାଇଁ ବ୍ୟୟବରାଦ ୧ ଲକ୍ଷ ୨୫ ହଜାର କୋଟି ରହିଛି । ରାଜସ୍ୱ ପ୍ରାପ୍ତି ୧ ଲକ୍ଷ ୮୪ ହଜାର ୫ଶହ କୋଟି ଓ ଋଣ ଓ ଅନ୍ୟାନ୍ୟ ବାବଦକୁ ମିଳିବ ୪୫ ହଜାର ୫ ଶହ କୋଟି । ରାଜ୍ୟର ନିଜସ୍ୱ ଟିକସ ୫୩ ହଜାର କୋଟି ଟଙ୍କାର ରହିଛି । ଅଣ ଟିକସ ରାଜସ୍ୱ ୫୨ ହଜାର ୫୦୦ କୋଟି ରହିଛି । ତେବେ ଆସନ୍ତୁ ନଜର ପକାଇବା ରାଜ୍ୟ ବଜେଟ୍ ୨୦୨୩-୨୪ କେଉଁ ବିଭାଗ ପାଇଁ କେତେ ଟଙ୍କା ବ୍ୟୟବରାଦ ହୋଇଛି ।

କେଉଁ ବିଭାଗକୁ କେତେ ?

କୃଷି ବିଭାଗ - ୨୪, ୮୨୯ କୋଟି
ସ୍ୱାସ୍ଥ୍ୟ ବିଭାଗ - ୧୬,୦୪୮ କୋଟି
ପାନୀୟ ଜଳ - ୧୩,୨୧୫ କୋଟି
ରାସ୍ତା-ବ୍ରିଜ୍-ରେଳ-ଏୟାରପୋର୍ଟ ବିକାଶ - ୧୯, ୪୫୨ କୋଟି
ସହରାଞ୍ଚଳ ବିକାଶ - ୭,୯୧୯ କୋଟି
କ୍ରୀଡା- ୧୨୧୭ କୋଟି
ଶିକ୍ଷା ଓ ଦକ୍ଷତା ବିକାଶ- ୩୦, ୦୩୦ କୋଟି
SC ST ବିକାଶ - ୩୮, ୪୩୭ କୋଟି
ଇଲୋକ୍ଟ୍ରୋନିକ୍ସ ଓ ଆଇଟ୍- ୩୬୫ କୋଟି
ମିଶନ ଶକ୍ତି - ୨୫୪୯ କୋଟି
ଶକ୍ତି ବିଭାଗ - ୫୯୫୪ କୋଟି
ଗୃହ ବିଭାଗ - ୭୩୧୩ କୋଟି
ମହିଳା ଓ ଶିଶୁ ବିକାଶ - ୩୬୭୦ କୋଟି
ଉଚ୍ଚଶିକ୍ଷା - ୩୧୭୨ କୋଟି
ବିପର୍ଯ୍ୟୟ ପରିଚାଳନା ଓ ପ୍ରଶମନ - ୩୭୬୪ କୋଟି
ଶିଳ୍ପ ଓ MSME- - ୬୪୭ କୋଟି
ଭାଷା ସାହିତ୍ୟ ଓ ସଂସ୍କୃତି - ୨୦୦ କୋଟି
ମତ୍ସ୍ୟ ଓ ପଶୁପାଳନ - ୧୭୬୯ କୋଟି
ପର୍ଯ୍ୟଟନ - ୬୮୦ କୋଟି
ଜନସ୍ୱାସ୍ଥ୍ୟ ସେବା - ୧୬୪୮ କୋଟି

ସେହିପରି ବଜେଟରେ ଅନେକ ନୂଆ ଯୋଜନା ଘୋଷଣା କରିଛନ୍ତି ଅର୍ଥମନ୍ତ୍ରୀ । ଶିକ୍ଷା କ୍ଷେତ୍ରରେ ମୁଖ୍ୟମନ୍ତ୍ରୀ ପୁରସ୍କାର ପାଇଁ ୧୩୯ କୋଟି ଟଙ୍କାର ବ୍ୟୟବରାଦ ହୋଇଛି । ସେହିପରି ମୁଖ୍ୟମନ୍ତ୍ରୀ ଜନଜାତି ଜୀବିକା ମିଶନ ପାଇଁ ୧୨୦ କୋଟି ବ୍ୟୟବରାଦ ହୋଇଛି ।