Odisha Budget 2022-23 Live: ଶେଷ ହେଲା ବଜେଟ୍ ଅଧବେଶନ, ଅନିର୍ଦ୍ଦିଷ୍ଟ କାଳ ପାଇଁ ଗୃହ ମୁଲତବୀ

ଆସନ୍ତାକାଲିଠୁ ବିଧାନସଭାର ବଜେଟ ଅଧିବେଶନ । ଚଳିତ ବଜେଟ ଅଧିବେଶନ ବି ସଂପୂର୍ଣ୍ଣ କୋଭିଡ କଟକଣାରେ ବିଧାନସଭା ଚାଲିବ । ବିଧାନସଭାର କାର୍ଯ୍ୟସୂଚୀ ଅନୁସାରେ ମୁଖ୍ୟ ବିରୋଧି ବିଜେପି ୩ଟି ମୁଲତବୀ ପ୍ରସ୍ତାବ ଓ କଂଗ୍ରେସ ୨ଟି ମୁଲତବୀ ପ୍ରସ୍ତାବ ଆଣିପାରିବେ ।

| Updated: Thursday, March 31, 2022, 22:55 [IST]

ଭୁବନେଶ୍ୱର: ଶେଷ ହେଲା ବଜେଟ୍ ଅଧବେଶନ, ଅନିର୍ଦ୍ଦିଷ୍ଟ କାଳ ପାଇଁ ଗୃହ ମୁଲତବୀ । ରାଜ୍ୟପାଳଙ୍କ ଅଭିଭାଷଣ ଉପରେ ୨୫, ୨୬ ଓ ୨୮ ତାରିଖ ୩ ଦିନ ଧରି ଗୃହରେ ଆଲୋଚନା କରାଯାଇଛି । ୩୦ ତାରିଖ ଦିନ ଅର୍ଥମନ୍ତ୍ରୀ ନିରଞ୍ଜନ ପୂଜାରୀ ୨୦୨୨-୨୩ ଆର୍ଥିକ ବର୍ଷର କାମଚଳା ବଜେଟ ଉପସ୍ଥାପନ କରିଛନ୍ତି । ୩୧ ତାରିଖରେ ଅର୍ଥାତ ଆଜି ଭୋଟ ଅନ୍ ଆକାଉଣ୍ଟ ଜରିଆରେ ଗୃହରେ ବ୍ୟୟ ମଞ୍ଜୁର ବିଲ ପାରିତ କରାଯିବ ।

Newest First Oldest First

10:54 PM, 31 Mar

ଶେଷ ହେଲା ବଜେଟ୍ ଅଧବେଶନ, ଅନିର୍ଦ୍ଦିଷ୍ଟ କାଳ ପାଇଁ ଗୃହ ମୁଲତବୀ

5:28 PM, 31 Mar

ବିଧାନସଭାରେ ସିଏଜି ରିପୋର୍ଟ

ବିଧାନସଭାରେ ଉପସ୍ଥାପିତ ହେଲା ସିଏଜି ରିପୋର୍ଟ । ଆର୍ଥିକ ସ୍ଥିତି ଓ ଭୂପୃଷ୍ଠ ଜଳସେଚନ ସମ୍ପର୍କିତ ସିଏଜି ରିପୋର୍ଟ ଉପସ୍ଥାପିତ । ସିଏଜି ରିପୋର୍ଟ ଉପସ୍ଥାପନ କଲେ ଅର୍ଥ ମନ୍ତ୍ରୀ ନିରଞ୍ଜନ ପୂଜା ।

1:28 PM, 31 Mar

ବିଧାନସଭାର ଶୁନ୍ୟକାଳରେ ସାମ୍ବାଦିକ ମାନଙ୍କୁ ବିଧାନସଭାର ପ୍ରେସ ଗ୍ୟାଲେରି ଓ ଲୋକସେବା ଭବନକୁ ନ ଛଡ଼ାଯିବାକୁ ନେଇ ବିରୋଧୀ ଦଳ ମୁଖ୍ୟ ସଚେତକ ମୋହନ ମାଝୀଙ୍କ ଉଦବେଗ । ତୁରନ୍ତ ସାମ୍ବାଦିକଙ୍କୁ ଲୋକସେବା ଭବନ ଛାଡ଼ନ୍ତୁ । ସବୁ କିଛି ସ୍ୱାଭାବିକ ହେଲାଣି, କୋରନା ଗଲାଣି : ମୋହନ ମାଝୀ

1:25 PM, 31 Mar

ବିଧାନସଭା ଶୂନ୍ୟକାଳରେ ଦରଦାମ ଵୃଦ୍ଧି ପ୍ରସଙ୍ଗ ଉଠାଇଲେ କଂଗ୍ରେସ ବିଧାୟକ ନରସିଂହ ମିଶ୍ର ଏବଂ ବିଧାୟକ ସନ୍ତୋଷ ସିଂ ସାଲୁଜା । ଯେଉଁଭଳି ଭାବେ ତେଲ ଦର ବଢୁଛି ତୁରନ୍ତ ସରକାର ନିୟନ୍ତ୍ରଣକୁ ଆଣନ୍ତୁ । ନଚେତ ଆଗାମୀ ଦିନରେ ନିଆଁ ଜଳିବ କହିଲେ ନରସିଂହ ମିଶ୍ର ।

1:23 PM, 31 Mar

ଦରରଦାମ ବୃଦ୍ଧି, ରନ୍ଧନ ଗ୍ୟାସ ଦାମ ବୃଦ୍ଧି ପାଉଛି । ଗରିବ ଓ ମଧ୍ୟବିତ୍ତ ଲୋକେ ଯାହା ଫଳରେ ଖାଇବାକୁ ପାଉନାହାନ୍ତି, ଚାଷୀ ପମ୍ପ ଚଳାଇବା ଡିଜେଲ କିଣିପାରୁନାହାନ୍ତି । ତେଣୁ ତୁରନ୍ତ ରାଜ୍ୟସରକାର ତେଲ ଉପରୁ ଭାଟ ଛାଡ଼ କରନ୍ତୁ ବୋଲି ଦାବି କଲେ ସନ୍ତୋଷ ସିଂ ସାଲୁଜା ।

1:11 PM, 31 Mar

ଭୁବନେଶ୍ୱରରେ ପେଟ୍ରୋଲ ଦର ଲିଟର ପିଛା ୧୦୭ ତାଙ୍କ ଏବଂ ଡିଜେଲ ୯୭ ଟଙ୍କା ଉପରେ ଛୁଇଁଲାଣି । ରାଜ୍ୟସରକାର ପେଟ୍ରୋଲ ଉପରେ ୨୮ ପ୍ରତିଶତ ଭାଟ ଏବଂ ଡିଜେଲ ଉପରେ ୨୪ ପ୍ରତିଶତ ଭାଟ ନେଉଛନ୍ତି: ବିଧାୟକ ସନ୍ତୋଷ ସିଂ ସାଲୁଜା

1:05 PM, 31 Mar

ବିଧାନସଭା ଶୂନ୍ୟ କାଳରେ ବାଚସ୍ପତିଙ୍କଠାରୁ ସୁରକ୍ଷା ଲୋଡ଼ିଲେ ବିରୋଧୀ ଦଳର ମୁଖ୍ୟ ସଚେତକ ମୋହନ ମାଝୀ, କହିଲେ- ଖଣି ମାଫିଆଙ୍କ ଟାର୍ଗେଟରେ ବିରୋଧୀ ଦଳର ୨୭ ବିଧାୟକ ଅଛନ୍ତି, କେତେବେଳେ କଣ ଘଟିବ କିଏ ସୁରକ୍ଷା ଦେବ ବୋଲି କହିଲେ, ବାଲି, ଲୁହାପଥର, ମୋରମ୍, ମାଟି ବେଆଇନ ଭାବେ ଚାଲାଣ ହେଉଛି ।

1:02 PM, 31 Mar

ଚିଲିକା ବୁଲିବେ ମନ୍ତ୍ରୀ-ବିଧାୟକ

ଚିଲିକା ବୁଲିବେ ବିଧାୟକ, ମନ୍ତ୍ରୀ ଓ ବାଚସ୍ପତି । ଏପ୍ରିଲ ୧୫ ତାରିଖରେ ସମସ୍ତେ ଚିଲିକା ଭ୍ରମଣରେ ଯିବେ । ଆଇଏନଏସ ଚିଲିକା ଓ କାଳିଜାଈ ପୀଠ ବୁଲିବେ । ଆଇଏନଏସ ଚିଲିକାରେ କେମିତି ଯୁଦ୍ଧ ପ୍ରାକ୍ଟିସ ହେଉଛି ଦେଖିବେ । ଏନେଇ ବିଧାନସଭା ପକ୍ଷରୁ ସମସ୍ତ ବ୍ୟବସ୍ଥା ହୋଇଥିବା କହିଲେ ।

12:57 PM, 31 Mar

କେଉଁ କଥା ଲୁଚାଇବା ପାଇଁ ଛଡାଯାଉନି ପ୍ରଶ୍ନ କଲେ ମୋହନ ମାଝୀ ।

12:51 PM, 31 Mar

ଖାଲି ମୋ ପାଣି , ମୋ ନଦୀ , ମୋ ଜମି ସିନା ହେଉଛି ବାସ୍ତବ କ୍ଷେତ୍ରରେ କାମ କିଛି ହେଉନି । କୋଲାବ୍ କେନାଳ କେତେ ଥର ଭୁସୁଡ଼ିଲାଣି ସରକାର କି ପଦକ୍ଷେପ ନେଇଛନ୍ତି? : ତାରା ବାହିନୀପତି

12:49 PM, 31 Mar

ଆଗରୁ ହେଉଥିଲା ଜମି ଅପହରଣ, ଏବେ କରାଯାଉଛି ନଦୀ ଅପହରଣ । ବିଧାନସଭାରେ ଜଳନୀତିର କାର୍ଯ୍ୟକାରିତାକୁ ନେଇ ପ୍ରଶ୍ନ ଉଠାଇଲେ ଖଣ୍ଡପଡା ବିଧାୟକ ।

12:46 PM, 31 Mar

ସାମ୍ବାଦିକଙ୍କୁ ନ ଛାଡିବା ଗଣତନ୍ତ୍ର ପାଇଁ ଶୁଭଙ୍କର ନୁହେଁ । ତୁରନ୍ତ ଲୋକସେବା ଭବନକୁ ସାମ୍ବାଦିକଙ୍କୁ ଛାଡ଼ନ୍ତୁ: ନରସିଂହ ମିଶ୍ର

12:44 PM, 31 Mar

ଗଣମାଧ୍ୟମକୁ ଲୋକସେବା ଭବନ ଓ ବିଧାନସଭା ପ୍ରେସ ଗ୍ୟାଲେରୀକୁ ନ ଛଡ଼ାଯିବା ପ୍ରସଙ୍ଗ: ସାମ୍ବାଦିକଙ୍କୁ ନ ଛାଡ଼ିବା ଗଣତନ୍ତ୍ର ପ୍ରତି ଶୁଭଙ୍କର ନୁହେଁ କହିଲେ ନରସିଂହ । ତୁରନ୍ତ ଲୋକସେବା ଭବନକୁ ସାମ୍ବାଦିକଙ୍କୁ ଛାଡ଼ନ୍ତୁ ଓ ଏ ଦିଗରେ ସରକାର ବିଶେଷ ଦୃଷ୍ଟି ଦିଅନ୍ତୁ: ନରସିଂହ ମିଶ୍ର

12:41 PM, 31 Mar

ସାମ୍ବାଦିକଙ୍କୁ ଲୋକସେବା ଭବନ ନ ଛଡାଯିବା ପ୍ରସଙ୍ଗ । ଶୂନ୍ୟକାଳରେ ପ୍ରସଙ୍ଗ ଉଠାଇଲେ ବିରୋଧୀ ବିଜେପି ଓ କଂଗ୍ରେସ । ତୁରନ୍ତ ସାମ୍ବାଦିକଙ୍କୁ ଲୋକସେବା ଭବନକୁ ଛଡାଯାଉ । କରୋନା କମିଛି, ରାଜନୈତିକ କାର୍ଯ୍ୟକ୍ରମ ଚାଲିଛି । ଏଭଳି ସ୍ଥିତିରେ କାହିଁକି ସାମ୍ବାଦିକଙ୍କୁ ଛଡାଯିବନି ।

12:40 PM, 31 Mar

ସିଏଜି ରିପୋର୍ଟ

ଗୃହରେ ଉପସ୍ଥାପିତ ହେଲା ସିଏଜି ରିପୋର୍ଟ। ଗୋଟିଏ ହେଲା ରାଜ୍ୟର ଆର୍ଥିକ ସ୍ଥିତି ଓ ଅନ୍ୟଟି ଭୂପୃଷ୍ଠ ଜଳସେଚନ ସମ୍ପର୍କିତ ସିଏଜି ରିପୋର୍ଟ ଉପସ୍ଥାପନ କରିଛନ୍ତି ଅର୍ଥମନ୍ତ୍ରୀ ନିରଞ୍ଜନ ପୂଜାରୀ

6:22 PM, 30 Mar

WODC ପାଇଁ କେତେ ?

ପଶ୍ଚିମ ଓଡ଼ିଶାର ବିକାଶ ପାଇଁ ବଜେଟ୍‌ରେ ସ୍ବତନ୍ତ୍ର ବ୍ୟୟବରାଦ । ବିଜୁ କେବିକେ ଯୋଜନା ପାଇଁ ୨୫୦ କୋଟି ଟଙ୍କା ବ୍ୟୟବରାଦ । WODC ପାଇଁ ୧୮୦ କୋଟି ଟଙ୍କା ବ୍ୟୟବରାଦ ।

6:21 PM, 30 Mar

ସ୍ବାଭିମାନ ଅଞ୍ଚଳ ପାଇଁ କେତେ ?

ସ୍ବାଭିମାନ ଅଞ୍ଚଳର ବିକାଶ ପାଇଁ ବଜେଟ୍‌ରେ ସ୍ବତନ୍ତ୍ର ବ୍ୟବସ୍ଥା । ୧୫୧ଟି ଗ୍ରାମର ବିକାଶ ପାଇଁ ସେତୁ ଯୋଜନାରେ ୫୦ କୋଟି ବ୍ୟୟବରାଦ ।

6:19 PM, 30 Mar

ପର୍ଯ୍ୟଟନ ପାଇଁ ବଜେଟରେ କେତେ?

ପର୍ଯ୍ୟଟନ ଭିତ୍ତିଭୂମି ବିକାଶ- ୩୭୫ କୋଟି, ପ୍ରଚାର ପ୍ରସାର- ୧୫୫ କୋଟି । ପ୍ରସାଦ ଯୋଜନା ପାଇଁ ୩୯ କୋଟି ବ୍ୟୟବରାଦ ।

6:11 PM, 30 Mar

କାହା ପାଇଁ କେତେ ?

6:04 PM, 30 Mar

ଅଣୁ କ୍ଷୁଦ୍ର ଓ ମଧ୍ୟମ ଶିଳ୍ପ ପାଇଁ ୧୬୩୫କୋଟି

ଅଣୁ, କ୍ଷୁଦ୍ର ଓ ମଧ୍ୟମ ଉଦ୍ୟୋଗ ଏବଂ ଷ୍ଟାର୍ଟ-ଅପ୍ ଗୁଡିକୁ ପ୍ରୋତ୍ସାହିତ ପାଇଁ ୧୬୩୫ କୋଟି ଟଙ୍କାର ବ୍ୟୟବରାଦ । ଦେଖନ୍ତୁ ଆଉ କେଉଁ କ୍ଷେତ୍ର ପାଇଁ ବଜେଟରେ କେତେ ଟଙ୍କାର ଅନୁଦାନ ଘୋଷଣା କଲେ ସରକାର । ସ୍ମାର୍ଟସିଟି ଅଧିନରେ ୨୦୦ କୋଟି, ଅମୃତ ଯୋଜନାରେ ୨ ଶହ କୋଟି ଟଙ୍କା ବ୍ୟୟବରାଦ କରାଯାଇଛି ।

6:04 PM, 30 Mar

ଓଡ଼ିଶା ବଜେଟ

ଦରମା, ପେନସନ, ସୁଧ,ଋଣ, ପରିଶୋଧ, ରିଲିଫ, ବାର୍ଦ୍ଧକ୍ୟ ଭତ୍ତା, ଅନୁସୂଚିତ ଜାତି ଓ ଜନଜାତି ଛାତ୍ରଛାତ୍ରୀଙ୍କ ବୃତ୍ତି, ପ୍ରଚଳିତ ଯୋଜନା ଓ କାର୍ଯ୍ୟକ୍ରମ ନିମେନ୍ତ ଆର୍ଥିକ ବର୍ଷର ପ୍ରଥମ ୪ ମାସ ପାଇଁ ୧ ଲକ୍ଷ ୬ ହଜାର ୪୯୮ କୋଟି ଟଙ୍କାର ବ୍ୟୟବରାଦ ହୋଇଛି ।

6:03 PM, 30 Mar

କ୍ରୀଡ଼ା ପାଇଁ କେତେ ?

ଯୁବ କଲ୍ୟାଣ ଓ କ୍ରୀଡ଼ାର ପ୍ରୋତ୍ସାହନ- ୬୦୨ କୋଟି ବ୍ୟୟବରାଦ । କ୍ରୀଡ଼ାର ଭିତ୍ତିଭୂମି ବିକାଶ- ୪୧୧ କୋଟି ଟଙ୍କା ବ୍ୟୟବରାଦ । ଖେଲୋ ଇଣ୍ଡିଆ ପାଇଁ ରାଜ୍ୟ ତରଫରୁ ୧୧ କୋଟି ଟଙ୍କା ବ୍ୟୟବରାଦ ।

5:49 PM, 30 Mar

ବିଧାନସଭାରେ ମୁଲତବୀ ପ୍ରସ୍ତାଵ ଆଲୋଚନା ସମୟରେ ଗୃହରାଷ୍ଟ୍ର ମନ୍ତ୍ରୀ ଉତ୍ତର ନ ଦିଅନ୍ତୁ ବୋଲି କଂଗ୍ରେସର ଦାବିକୁ ବାଚସ୍ପତି ଆଗ୍ରହ୍ୟ କରିଦେଇ ଥିବାରୁ ଗାନ୍ଧୀ ମୂର୍ତ୍ତି ତଳେ କଂଗ୍ରେସର ଧାରଣା ।

5:46 PM, 30 Mar

କେଉଁ ବିଭାଗ ପାଇଁ କେତେ ?

କାଳିଆ ଯୋଜନା- ୧ ହଜାର ୮୭୪ କୋଟି ମୋ ସ୍କୁଲ ଏବଂ ମୋ କଲେଜ- ୨୬ ହଜାର ୪୯୨ କୋଟି ଜାତୀୟ ଗ୍ରାମୀଣ ଜୀବିକା ମିଶନ- ୧ ହଜାର ୩୯ କୋଟି ମୁଖ୍ୟମନ୍ତ୍ରୀ ସ୍ବାସ୍ଥ୍ୟସେବା ମିଶନ - ୨ ହଜାର ୩୩୫ କୋଟି ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନା- ୧ ହଜାର ୮୬୪ କୋଟି ଅବଢ଼ା ଯୋଜନା- ୧ ହଜାର ୪୦୮ କୋଟି ଟଙ୍କିକିଆ ଚାଉଳ- ୧ ହାଜାର ୦୨୩ କୋଟି ସହରାଞ୍ଚଳ ବାସଗୃହ ଯୋଜନା- ୪୬୩ କୋଟି ବିଜୁ ପକ୍କା ଘର ଯୋଜନା- ୫ ହଜାର ୯୦୬ କୋଟି ମମତା ଯୋଜନା- ୨୪୭ କୋଟି

5:18 PM, 30 Mar

ବିକାଶ ଦିଗରେ କାର୍ଯ୍ୟ ହେତୁ କେନ୍ଦ୍ର ଅନୁଦାନ ଉପରେ ନିର୍ଭର କମିଛି: ଅର୍ଥମନ୍ତ୍ରୀ

5:17 PM, 30 Mar

ଗତ ୨ ବର୍ଷରେ ଓଡ଼ିଶା ଅର୍ଥନୈତିକ ଓ ସାମାଜିକ କ୍ଷେତ୍ରରେ ବିକାଶ କରୁଛି ।୨୦୦୫-୨୦୦୬ ଆର୍ଥିକ ବର୍ଷ ପରଠାରୁ କ୍ରମାଗତ ଭାବେ ରାଜସ୍ବ ବଳକା ହୋଇଆସୁଛି: ଅର୍ଥମନ୍ତ୍ରୀ

5:17 PM, 30 Mar

ପୁଞ୍ଜିନିବେଶ ହିଁ ଓଡ଼ିଶା ବିକାଶର ପରିଚାଳକ: ଅର୍ଥମନ୍ତ୍ରୀ

5:15 PM, 30 Mar

୨୦୨୪ ସୁଦ୍ଧା ସବୁ ଗାଁକୁ ଟ୍ୟାପ ଯୋଗେ ପାଣି

୨୦୨୪ ସୁଦ୍ଧା ସବୁ ଗାଁରେ ମିଳିବ ଟ୍ୟାପ୍ ଯୋଗେ ପିଇବା ପାଣି । ବସୁଧା ଯୋଜନାରେ ଗ୍ରାମାଞ୍ଚଳ ଓ ସହରାଞ୍ଚଳ ପିଇବା ପାଣି ପାଇଁ ବଜେଟ୍‌ରେ ବ୍ୟବସ୍ଥା । ଜଳଜୀବନ ମିଶନ ପାଇଁ ୬ ହଜାର କୋଟି ଟଙ୍କା । ବସୁଧା ଯୋଜନାରେ ୨ ହଜାର ୨୫୫ କୋଟି ଟଙ୍କାର ବ୍ୟବସ୍ଥା

5:14 PM, 30 Mar

ମମତା ଯୋଜନା ପାଇଁ ୨୪୭ କୋଟି

ମହିଳା ଓ ଶିଶୁ ବିକାଶ ବିଭାଗ ପାଇଁ ୩ ହଜାର ୫୬୭ କୋଟି ବ୍ୟୟବରାଦ । ମମତା ଯୋଜନା ପାଇଁ ୨୪୭ କୋଟି ବ୍ୟୟବରାଦ । ICDS ଯୋଜନା ପାଇଁ ରାଜ୍ୟ ପକ୍ଷରୁ ୪୧୬ କୋଟି ବ୍ୟୟବରାଦ ।

5:12 PM, 30 Mar

ବିଧାନସଭାରେ ଆଗତ ହେଲା ଚଳିତ ବର୍ଷର କାମଚଳା ବଜେଟ୍ । ଶିକ୍ଷା ପାଇଁ ୨୬ ହଜାର ୪୯୨ କୋଟି ବ୍ୟୟବରାଦ ।

9:57 PM, 24 Mar

ଆସନ୍ତାକାଲିଠୁ ବିଧାନସଭାର ବଜେଟ ଅଧିବେଶନ । ଚଳିତ ବଜେଟ ଅଧିବେଶନ ବି ସଂପୂର୍ଣ୍ଣ କୋଭିଡ କଟକଣାରେ ବିଧାନସଭା ଚାଲିବ ।

9:58 PM, 24 Mar

ଅଧିବେଶନ ପୂର୍ବରୁ ସମସ୍ତ ବିଧାୟକ, ବିଧାନସଭା କର୍ମଚାରୀ, ସୁରକ୍ଷା କର୍ମୀ ଓ ସାମ୍ବାଦିକମାନଙ୍କର କରୋନା ଟେଷ୍ଟକୁ ବାଧ୍ୟତାମୂଳକ କରାଯାଇଛି । ଗତକାଲିଠାରୁ ସମସ୍ତଙ୍କର କରୋନା ଟେଷ୍ଟିଂ କରାଯାଉଛି ।

9:58 PM, 24 Mar

ଯେଉଁମାନଙ୍କର ରିପୋର୍ଟ ନେଗେଟିଭ୍ ଆସିବ ସେମାନଙ୍କୁ ପ୍ରବେଶ ପାଇଁ ଅନୁମତି ମିଳିବ । ପୂର୍ବ ଅଧିବେଶନ ପରି ଦୁଇଟି ପର୍ଯ୍ୟାୟରେ ମୋଟ ୫ ଘଣ୍ଟା ଗୃହ କାର୍ଯ୍ୟ ଚାଲିବ ।

9:58 PM, 24 Mar

ରାଜ୍ୟ ପୋଲିସ ପକ୍ଷରୁ ହୋଇଛି ବ୍ୟାପକ ସୁରକ୍ଷା ବ୍ୟବସ୍ଥା କରାଯାଇଛି । ବିଧାନସଭା ତ୍ରିସ୍ତରିୟ ସୁରକ୍ଷା ବଳୟରେ ରହିବ ।

9:59 PM, 24 Mar

ବିଧାନସଭା ସୁରକ୍ଷା ଦାୟିତ୍ବରେ ଭୁବନେଶ୍ୱର ଡିସିପିଙ୍କ ନେତୃତ୍ବରେ ୬ ଅତିରିକ୍ତ ଡିସିପି, ୧୧ ଜଣ ଏସିପି ସହ ୧୩ ଇନସ୍ପେକ୍ଟର ୬୨ ଅଧିକାରୀ ରହିବେ । ଏଥିସହ ବିଧାନସଭା ଭିତରେ ବାହାରେ ୩୦ ପ୍ଲାଟୁନ ଫୋର୍ସ ମୁତୟନ ରହିବେ । ଅପ୍ରୀତିକର ପରିସ୍ଥିତି ଏଡ଼ାଇବା ପାଇଁ ୨ଟି ସ୍ପେଶାଲ ଟାକ୍ଟିକାଲ ୟୁନିଟ ଜଗିବେ । ବମ୍‌ ସ୍କ୍ବାଡ ଡଗ୍‌ ସ୍କ୍ବାଡ ସହ ଅଗ୍ନିଶମ ଟିମ୍‌ ଓ ଆମ୍ବୁଲାନ୍ସ ସେବା ମଧ୍ୟ ପ୍ରସ୍ତୁତ ରହିବ ।

8:35 AM, 25 Mar

ଆଜିଠାରୁ ଆରମ୍ଭ ବିଧାନସଭାର ବଜେଟ ଅଧିବେଶନ

ଓଡିଶା ବିଧାନସଭାର ବଜେଟ ଅଧିବେଶନ ଆଜି ଠାରୁ ଆରମ୍ବ ହେଉଛି। ମାର୍ଚ୍ଚ 31 ପର୍ଯ୍ୟନ୍ତ ଅଧିବେଶନ ଚାଲିବ।

11:25 AM, 25 Mar

ବିଧାନସଭା ବଜେଟ୍ ଅଧିବେଶନ ଆରମ୍ଭ ।

11:26 AM, 25 Mar

ବିଧାନସଭା ବଜେଟ ଅଧିବେଶନ ; ଅଧିବେଶନ ଆରମ୍ଭରେ ରାଜ୍ୟପାଳ ଗଣେଣୀ ଲାଲଙ୍କ ଅଭିଭାଷଣ, କହିଲେ; ୩୦ ଜିଲ୍ଲାକୁ ରେଳ ସଂଯୋଗ ଦେବା ପାଇଁ ସରକାର ପ୍ରତିଶ୍ରୁତିବଦ୍ଧ, ସଡ଼କ ନିର୍ମାଣ ଓ ପରିବହନ କ୍ଷେତ୍ରରେ ବ୍ୟାପକ କାର୍ଯ୍ୟକ୍ରମ କରାଯାଉଛି ।

11:27 AM, 25 Mar

ବିଧାନସଭା ବଜେଟ ଅଧିବେଶନ; ଅଧିବେଶନ ଆରମ୍ଭରେ ରାଜ୍ୟପାଳ ଗଣେଣୀ ଲାଲଙ୍କ ଅଭିଭାଷଣ, କହିଲେ; କରୋନା ମୁକାବିଲା ପାଇଁ ୫ କୋଟିରୁ ଅଧିକ ଟିକା ଦିଆଗଲାଣି, କରୋନା ଟେଷ୍ଟିଂ ପାଇଁ ବ୍ଲକ ସ୍ତରରେ ବି ବ୍ୟବସ୍ଥା କରାଯାଇଛି ।

11:27 AM, 25 Mar

ଆଜିଠୁ ବିଧାନସଭାର ବଜେଟ୍ ଅଧିବେଶନ; ବିଧାନସଭା ଆସିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ଦୀର୍ଘ ଦିନ ପରେ ବିଧାନସଭା ଆସିଲେ ମୁଖ୍ୟମନ୍ତ୍ରୀ । କୋଭିଡ୍ ପରଠୁ ଭର୍ଚୁଆଲ୍ ମୋଡରେ ଉପସ୍ଥିତ ରହୁଥିଲେ ନବୀନ ।

11:27 AM, 25 Mar

ବିଧାନସଭା ପରିସରରେ ବିଜେଡି ବିଧାୟକ ଦଳ ବୈଠକ ଆରମ୍ଭ; ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ବୈଠକ ।

11:58 AM, 25 Mar

ରାଜ୍ୟର ପ୍ରତି ଲୋକକୁ ଉନ୍ନତ ମାନର ସ୍ୱାସ୍ଥ୍ୟ ସେବା ଦିଆଯାଉଛି। ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା ଜରିଆରେ ମାଗଣାରେ ସେବା ଦିଆଯାଉଛି। କ୍ୟାପିଟାଲ ହସ୍ପିଟାଲରେ ପିଜିଆଇ ପାଇଁ ସରକାର ମଞ୍ଜୁର କରିଛନ୍ତି। କରୋନା ମୁକାବିଲା ପାଇଁ ୫ କୋଟିରୁ ଅଧିକ ଟିକା ଦିଆଗଲାଣି। କରୋନା ଟେଷ୍ଟିଂ ପାଇଁ ବ୍ଲକ ସ୍ତରରେ ବି ବ୍ୟବସ୍ଥା କରାଯାଇଛି: ରାଜ୍ୟପାଳ

11:58 AM, 25 Mar

ସିଡିଏସ୍ ବିପିନ ରାୱତଙ୍କ ସମେତ ଦିବଙ୍ଗତ ସଦସ୍ୟଙ୍କୁ ଶ୍ରଦ୍ଧାଞ୍ଜଳି ଜଣାଇଲେ।ଶୋକସନ୍ତପ୍ତ ପରିବାର ବର୍ଗଙ୍କୁ ସମବେଦନା ଜଣାଇବା ସହ କରୋନା କାଳରେ ଲଢ଼ିଥିବା ଯୋଦ୍ଧାଙ୍କୁ ଧନ୍ୟବାଦ ଜଣାଇଲେ ରାଜ୍ୟପାଳ ।

11:59 AM, 25 Mar

୩୦ ତାରିଖରେ ଆଗତ ହେବ କାମଚଳା ବଜେଟ୍ । ୩୧ ତାରିଖ ପର୍ଯ୍ୟନ୍ତ ଚାଲିବ ଅଧିବେଶନ ।

12:04 PM, 25 Mar

୨୦୨୧-୨୨ ବର୍ଷ ଅଧିକ ଖଣି ରାଜସ୍ୱ ସଂଗ୍ରହର ବର୍ଷ ଅଟେ । ଗତ ପାଞ୍ଚ ବର୍ଷ ମଧ୍ୟରେ ୨୦୨୦-୨୧ ପର୍ଯ୍ୟନ୍ତ ମୋଟ ଖଣି ରାଜସ୍ୱ ସଂଗ୍ରହ ୪୬,୩୪୭ କୋଟି ଟଙ୍କା ତୁଳନାରେ ଚଳିତ ବର୍ଷର ସଂଗ୍ରହ ଡିସେମ୍ବର ୨୦୨୧ ପର୍ଯ୍ୟନ୍ତ ୩୧,୦୪୯ କୋଟି ଟଙ୍କାରେ ପହଞ୍ଚିଛି, ଯାହା ଏକ ସର୍ବକାଳୀନ ରେକର୍ଡ ଅଟେ ।

12:07 PM, 25 Mar

ମହାମହୀମ ରାଜ୍ୟପାଳଙ୍କ ଅଭିଭାଷଣ

ଚଳିତ ଆର୍ଥିକ ବର୍ଷ ପାଇଁ ଲଘୁ ଖଣିଜ ପଦାର୍ଥରୁ ଧାର୍ଯ୍ୟ ବାର୍ଷିକ ୧,୩୦୦ କୋଟି ରାଜସ୍ୱ ଆଦାୟ ଲକ୍ଷ୍ୟରୁ ୪୪୮.୩୬ କୋଟି ଟଙ୍କା ଆଦାୟ କରାଯାଇଛି । ସେହିଭଳି ଏହି ଅବଧି ମଧ୍ୟରେ ୧,୭୬୫ କୋଟି ଟଙ୍କାର ମୋଟର ଯାନ ଟିକସ ଆଦାୟ ଲକ୍ଷ୍ୟ ଥିବା ବେଳେ ୧,୧୧୭ କୋଟି ଟଙ୍କା ଆଦାୟ କରାଯାଇଛି ।

12:08 PM, 25 Mar

ରାଜ୍ୟପାଳଙ୍କ ଅଭିଭାଷଣ

୨୦୨୦-୨୧ ବର୍ଷରେ ପ୍ରାୟ ୫୪ ଲକ୍ଷ କ୍ଷୁଦ୍ର ଓ ନାମମାତ୍ର ଚାଷୀ ଏବଂ ଭୂମିହୀନ ଚାଷୀ ପରିବାରକୁ କାଳିଆ ଯୋଜନା ମାଧ୍ୟମରେ ସହାୟତା ଯୋଗାଇ ଦିଆଯାଇଛି । ୨୦୨୧-୨୨ ବର୍ଷରେ ଡ଼ିସେମ୍ବର ୨୦୨୧ ସୁଦ୍ଧା ୫୭ ଲକ୍ଷ କ୍ଷୁଦ୍ର ଓ ନାମମାତ୍ର ଚାଷୀ ଏବଂ ଭୂମିହୀନ ଚାଷୀ ପରିବାରକୁ ଏହି ସହାୟତା ଯୋଗାଇ ଦିଆଯାଇଛି ।

12:10 PM, 25 Mar

ରାଜ୍ୟପାଳଙ୍କ ଅଭିଭାଷଣ

୧୯୪ ଜଣଙ୍କୁ ଗିରଫ କରାଯାଇଛି ଏବଂ ସେହି ସମୟରେ ୧୦୮ ଜଣ ଆତ୍ମସମର୍ପଣ କରିଛନ୍ତି । ଏକଦା ମାଓବାଦୀଙ୍କ ଗଡ଼ ଥିବା ମାଲକାନଗିରିର ‘ସ୍ଵାଭିମାନ ଅଞ୍ଚଳ’ର ସଂପୂର୍ଣ୍ଣ ପରିବର୍ତ୍ତିତ ବାତାବରଣ ରାଜ୍ୟରେ ବାମପନ୍ଥୀ ଉଗ୍ରବାଦ ପ୍ରଶମନ କ୍ଷେତ୍ରରେ ଗ୍ରହଣ କରାଯାଇଥିବା ପଦକ୍ଷେପର ସୁପରିଣାମ ଅଟେ ।

12:15 PM, 25 Mar

ରାଜ୍ୟପାଳଙ୍କ ଅଭିଭାଷଣ

‘ଆଦର୍ଶ ବରପୁତ୍ର ଗ୍ରାମ’ ପ୍ରତିଷ୍ଠା ପାଇଁ ୧୧୭ ଜଣ ବିଶିଷ୍ଟ ବ୍ୟକ୍ତିଙ୍କ ଗୋଟିଏ ତାଲିକା ସଂକଳିତ ହୋଇଛି । ରାଜ୍ୟର ସୁଯୋଗ୍ୟ ସନ୍ତାନମାନଙ୍କର ଗ୍ରାମଗୁଡ଼ିକୁ ଆଦର୍ଶ ଗ୍ରାମ ଭାବରେ ଘୋଷଣା ନିମନ୍ତେ ଗଠିତ ଅନ୍ତଃ ମନ୍ତ୍ରୀସ୍ତରୀୟ କମିଟି ଦ୍ୱାରା ପ୍ରସ୍ତୁତ ତାଲିକାରୁ ଏହା ଚୟନ କରାଯିବ ।

12:16 PM, 25 Mar

ବିଶିଷ୍ଟ ଲେଖକ ମନୋଜ ଦାସ ଓ ଐତିହାସିକ ମନ୍ମଥ ନାଥ ଦାସଙ୍କ ବାଲେଶ୍ୱର ଜିଲ୍ଲାର ଶଂଖାରୀ ଗ୍ରାମସ୍ଥିତ ଗୃହକୁ ‘ମନ୍ମଥ–ମନୋଜ ସ୍ମାରକ’ ପୀଠରେ ପରିଣତ କରିବାକୁ ଘୋଷଣା କରିଛନ୍ତି ସରକାର: ରାଜ୍ୟପାଳ

12:16 PM, 25 Mar

୨୦୨୧-୨୦୨୨ ଆର୍ଥିକ ବର୍ଷ ପାଇଁ ୫୫୦୦ କୋଟି ଟଙ୍କାର ଅବକାରୀ ରାଜସ୍ୱ ଆଦାୟ ଲକ୍ଷ୍ୟ ଧାର୍ଯ୍ୟ କରାଯାଇଥିବା ବେଳେ ବର୍ତ୍ତମାନ ସୁଦ୍ଧା ୩,୬୫୩ କୋଟି ଟଙ୍କାର ରାଜସ୍ୱ ସଂଗ୍ରହ କରାଯାଇଛି ।

12:59 PM, 25 Mar

ଗୃହରେ ଶୋକପ୍ରସ୍ତାବ ଆଗତ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।

11:55 AM, 28 Mar

ବିଧାନସଭାରେ ଆରମ୍ଭ ହେଲା ବଜେଟ ଅଧିବେଶନ । ବାଚସ୍ପତି ସୂର୍ଯ୍ୟ ନାରାୟଣ ପାତ୍ରଙ୍କ ଅଧ୍ୟକ୍ଷତାରେ ଚାଲିଛି ଅଧିବେଶନ ।

11:56 AM, 28 Mar

ବର୍ତ୍ତମାନ ରାଜ୍ୟର ମୁଣ୍ଡ ପିଛା ଋଣ ଭାର ୨୨ ହଜାର ୮୨୭ ଟଙ୍କା ; ରାଜ୍ୟ ସରକାର ଯାହା ଋଣ କରୁଛନ୍ତି ତାହା କେବଳ ବିକାଶ କାମରେ ଲାଗୁଛି ; ବର୍ତ୍ତମାନ ସୁଦ୍ଧା ସରକାର ୧ ଲକ୍ଷ ୬ ହଜାର କୋଟି ଋଣ କରିଛନ୍ତି ; ବିଧାନସଭାରେ ତାରା ବାହିନୀପତିଙ୍କ ପ୍ରଶ୍ନରେ ଉତ୍ତର ଦେଲେ ଅର୍ଥମନ୍ତ୍ରୀ

12:01 PM, 28 Mar

ବର୍ତ୍ତମାନ ରାଜ୍ୟର ମୁଣ୍ଡ ପିଛା ଋଣ ଭାର ୨୨ ହଜାର ୮୨୭ ଟଙ୍କା । ବିଧାୟକ ତାରା ବାହିନୀପତିଙ୍କ ପ୍ରଶ୍ନରେ ଅର୍ଥମନ୍ତ୍ରୀ ନିରଞ୍ଜନ ପୂଜାରୀଙ୍କ ଉତ୍ତର । ସରକାର ଯେତିକି ଋଣ କରୁଛନ୍ତି ବିକାଶମୂଳକ କାର୍ଯ୍ୟ ପାଇଁ ବ୍ୟବହାର କରାଯାଉଛି । ଋଣ ଟଙ୍କାରେ ସରକାରୀ କର୍ମଚାରୀଙ୍କୁ ଦରମା ଦିଆଯାଉନାହିଁ ।

12:01 PM, 28 Mar

ବର୍ତ୍ତମାନ ସୁଦ୍ଧା ରାଜ୍ୟ ସରକାର ୧ ଲକ୍ଷ ୬ ହଜାର କୋଟି ଋଣ କରିଛନ୍ତି ।

12:06 PM, 28 Mar

ଅର୍ଥନୀତି ପରିଚାଳନା କ୍ଷେତ୍ରରେ ଦେଶରେ ଏକ ନମ୍ବର ରାଜ୍ୟ ଓଡ଼ିଶା । ଗୃହରେ ଅର୍ଥମନ୍ତ୍ରୀ ନିରଞ୍ଜନ ପୂଜାରୀଙ୍କ ଉତ୍ତର । ଋଣ କରି କେବଳ ବିକାଶମୂଳକ କାର୍ଯ୍ୟରେ ବିନିଯୋଗ କରାଯାଉଛି । ସବୁଠୁ କମ ଋଣ ନେବାରେ ଓଡ଼ିଶା ଆଗକୁ ଏକ ନମ୍ବର ରାଜ୍ୟ ହେବ । ମାର୍ଚ୍ଚ ୩୧ରେ କର୍ଣ୍ଣାଟକକୁ ପଛରେ ପକାଇ ଓଡ଼ିଶା ଏକ ନମ୍ବର ହେବ ।

12:32 PM, 29 Mar

ବିଧାନସଭାର ଶୂନ୍ୟକାଳରେ ଉଠିଲା ମୁଖ୍ୟମନ୍ତ୍ରୀଙ୍କୁ ଅଫିସରମାନେ ଶୁଭେଚ୍ଛା ଜଣାଇବା ପ୍ରସଙ୍ଗ। ଗଣତନ୍ତ୍ର ପ୍ରତି ବିପଦ କହିଲେ ବିରୋଧୀ ଦଳ ମୁଖ୍ୟ ସଚେତକ । ନିରପେକ୍ଷତା ଅବଲମ୍ବନ କରିବା ସରକାରୀ ଅଧିକାରୀଙ୍କ କର୍ତ୍ତବ୍ୟ, ଏହାର ପୁନରାବୃତ୍ତି ନ ହେବା ଲାଗି ବାଚସ୍ପତିଙ୍କ ରୁଲିଂ ଦାବି କଲେ ମୋହନ ମାଝୀ ।

12:34 PM, 29 Mar

ବିଧାନସଭା ବଜେଟ ଅଧିବେଶନର ଆଜି ଚତୁର୍ଥ ଦିନ

12:38 PM, 29 Mar

ପାନୀୟଜଳ ପ୍ରକଳ୍ପ କାର୍ଯ୍ୟକ୍ଷମରେ ବିଳମ୍ବ ନେଇ ବିଧାନସଭାରେ ଉଦବେଗ । ପ୍ରସଙ୍ଗ ଉଠାଇ ଅସନ୍ତୋଷ ପ୍ରକାଶ କଲେ ଉଭୟ ଶାସକ ଓ ବିରୋଧୀ । ମେଗା ପାଇପ୍ ପାଣି ପହଞ୍ଚିବା ଯାଏଁ ଟ୍ୟୁବୱେଲ ଯୋଗେ ପାଣି ଯୋଗାଣ ଦାବି । ୨୨ ବର୍ଷରେ ମାତ୍ର ୯ଟି ପ୍ରକଳ୍ପ କାର୍ଯ୍ୟକ୍ଷମ ହୋଇଥିବା କହିଲେ ମୋହନ ମାଝୀ ।

ଆମକୁ ଫୋଲୋ କରନ୍ତୁ