ଆସନ୍ତା ୨୦ ବର୍ଷ ଯାଏଁ ଟ୍ୱିନ୍ ସିଟିରେ ଗଡିବନି ମେଟ୍ରୋ ଟ୍ରେନ !

ଆସନ୍ତା ୨୦ ବର୍ଷ ଯାଏଁ ଅର୍ଥାତ 2041 ବର୍ଷ ଯାଏଁ ଟ୍ୱିନ୍ ସିଟିରେ ଗଡି ପାରିବନି ମେଟ୍ରୋ ଟ୍ରେନ । ବିଧାନସଭା ପ୍ରଶ୍ନୋତ୍ତର କାଳରେ ଆଜି ଏହି ସୂଚନା ଦେଇଛନ୍ତି ନଗର ଉନ୍ନୟନ ମନ୍ତ୍ରୀ ପ୍ରତାପ ଜେନା ।

Published: Tuesday, March 30, 2021, 13:51 [IST]

ଭୁବନେଶ୍ୱର: ଏବେ ଟ୍ୱିନ୍ ସିଟିରେ ଗଡି ପାରିବନି ମେଟ୍ରୋ ଟ୍ରେନ । ଖାଳି ଏବେ ନୂହେଁ ଆସନ୍ତା ୨୦ ବର୍ଷ ଯାଏଁ ଅର୍ଥାତ 2041 ବର୍ଷ ଯାଏଁ ଟ୍ୱିନ୍ ସିଟିରେ ଗଡି ପାରିବନି ମେଟ୍ରୋ ଟ୍ରେନ । ବିଧାନସଭା ପ୍ରଶ୍ନୋତ୍ତର କାଳରେ ଆଜି ଏହି ସୂଚନା ଦେଇଛନ୍ତି ନଗର ଉନ୍ନୟନ ମନ୍ତ୍ରୀ ପ୍ରତାପ ଜେନା ।

ଭୁବନେଶ୍ୱର-କଟକରେ ମେଟ୍ରୋ ଟ୍ରେନ ଚାଲିବା ପାଇଁ ଭାରତ ସରକାର ଓ ରାଜ୍ୟ ସରକାରଙ୍କ ମିଳିତ ଉଦ୍ୟମରେ ଏକ ସର୍ଭେ କରାଯାଇଥିଲା । ଯେଉଁଥିରେ କି ୨୦୪୧ ପର୍ଯ୍ୟନ୍ତ ଟ୍ୱିନ୍ ସିଟିରେ ମେଟ୍ରୋ ରେଳ ଗଡ଼ିପାରିବନି ବୋଲି ସର୍ଭେ ରିପୋର୍ଟରୁ ଜଣାପଡିଛି ।

ଜନସଂଖ୍ୟା ଆଧାରରେ ସର୍ଭେ ଅନୁଯାୟୀ ଫିଜିବିଲିଟି ନଥିବାରୁ ଏହାକୁ ଆଗକୁ ବଢା ଯାଇ ପାରୁନି ବୋଲି ମନ୍ତ୍ରୀ କହିଛନ୍ତି । ତେବେ ସଦସ୍ୟଙ୍କ ଦାବି ପରେ ପୁଣିଥରେ ସର୍ଭେ ପାଇଁ କେନ୍ଦ୍ର ପାଖରେ ଦାବି ହେବ, ଏଥିରେ କଟକରୁ ଚଣ୍ଡୀଖୋଲ ଓ ଭୁବନେଶ୍ୱରରୁ ପୁରୀ ପର୍ଯ୍ୟନ୍ତ ଏହାକୁ ସମ୍ପ୍ରସାରଣର ପ୍ରସ୍ତାବ ରହିବ ବୋଲି ମନ୍ତ୍ରୀ ସୂଚନା ଦେଇଛନ୍ତି ।

Published On March 30, 2021