ପ୍ରକାଶ ପାଇଲା ରାଜ୍ୟ ଗୃହ ବିଭାଗର ଶ୍ବେତପତ୍ର; ଜାଣନ୍ତୁ, କେମିତି ରହିଛି ରାଜ୍ୟରେ ଆଇନଶୃଙ୍ଖଳା ପରିସ୍ଥିତି
ପ୍ରକାଶ ପାଇଲା ରାଜ୍ୟ ଗୃହ ବିଭାଗର ଶ୍ବେତପତ୍ର। ରାଜ୍ୟ ସରକାର ୨୦୨୦ର ଶ୍ବେତପତ୍ର ପ୍ରକାଶ କରିଛନ୍ତି। ୨୦୨୦ ମସିହାରେ ରାଜ୍ୟରେ ୧ ଲକ୍ଷ ୩୪ ହଜାର ୨୩୦ ଅପରାଧିକ ମାମଲା ପଞ୍ଜୀକୃତ ହୋଇଥିଲା।
ଭୁବନେଶ୍ୱର: ପ୍ରକାଶ ପାଇଲା ରାଜ୍ୟ ଗୃହ ବିଭାଗର ଶ୍ବେତପତ୍ର। ରାଜ୍ୟ ସରକାର ୨୦୨୦ର ଶ୍ବେତପତ୍ର ପ୍ରକାଶ କରିଛନ୍ତି। ୨୦୨୦ ମସିହାରେ ରାଜ୍ୟରେ ୧ ଲକ୍ଷ ୩୪ ହଜାର ୨୩୦ ଅପରାଧିକ ମାମଲା ପଞ୍ଜୀକୃତ ହୋଇଥିଲା। ଆଉ ଏଥିମଧ୍ୟରୁ ଭାରତୀୟ ପିଙ୍ଗଳ କୋଡ୍ ବା ଆଇପିସିର ବିଭିନ୍ନ ଦଫାରେ ୧ ଲକ୍ଷ ୧୦ ହଜାର ୭୪୧ଟି ମାମଲା ପଞ୍ଜୀକୃତ ହୋଇଛି।
ସେହିପରି ୧ଲକ୍ଷ ୩୪ ହଜାର ୨୩୦ଟି ଧର୍ତ୍ତବ୍ୟ ଅପରାଧରୁ ୧ ଲକ୍ଷ ୨୯ ହଜାର ୩୦୫ଟି ସତ୍ୟ ଅଟେ। ଆଉ ଏଥିରୁ ୯୩ ହଜାର ୨୨୯ ମାମଲାରେ ଦୋଷାରୋପ ଫର୍ଦ୍ଦ ଦାଖଲ କରାଯାଇଛି ବୋଲି ଶ୍ୱେତପତ୍ରରେ ଉଲ୍ଲେଖ ରହିଛି । ସେହିପରି ରାଜ୍ୟରେ କୌଣସି ଛାତ୍ର ଅଶାନ୍ତି ଦେଖାଯାଇ ନଥିବା ବେଳେ ୨୦୨୦ରେ ରୁଜୁ ହୋଇଥିବା ୫୧୪ଟି ଡକାୟତି ମାମଲା ମଧ୍ୟରୁ ୨୫୪ଟି ମାମଲାରେ ପୋଲିସ ଚାର୍ଜସିଟ୍ ଦାଖଲ କରିଛି ।
ସେହିପରି ୧୨ଜଣ ଆନ୍ତଃରାଜ୍ୟ ଡକାୟତଙ୍କ ସମେତ ୧ ହଜାର ୮୭୬ ଜଣଙ୍କ ଡକାୟତଙ୍କୁ ଗିରଫ କରାଯାଇଛି। ୨୦୨୦ ବର୍ଷରେ ୨ ହଜାର ୧୬୬ଟି ଲୁଣ୍ଠନ ମାମଲା ରୁଜୁ ହୋଇଥିଲା। ସିନ୍ଧିଚୋରି ୪ ହଜାର ୫୦୦ ଓ ଦୁଷ୍କର୍ମ ମାମଲା୨ ହଜାର ୯୮୪ଟି ରୁଜୁ ହୋଇଛି। ସେହିପରି ୯ ହଜାର ୮୧୭ଟି ମୋଟରଯାନ ଦୁର୍ଘଟଣା ଘଟିଥିବା ଶ୍ବେତପତ୍ରରେ ଉଲ୍ଲେଖ ଅଛି। ଗଞ୍ଜେଇ ଓ ବ୍ରାଉନସୁଗାର ଜବତରେ ରାଜ୍ୟକୁ ବଡ଼ ସଫଳତା ମିଳିଛି। ନିଶା ଦ୍ରବ୍ୟ କାରବାର ରୋକିବାରେ ସରକାରଙ୍କୁ ମିଳିଛି ବଡ ସଫଳତା।
ବର୍ଷକ ମଧ୍ୟରେ ୧ହଜାର ୩୭୪ କୁଇଣ୍ଟାଲ ଗଞ୍ଜେଇ ଓ ୩୪ କେଜି ବ୍ରାଉନସୁଗାର ଜବତ ସହିତ ୧୮ହଜାରରୁ ଅଧିକ ଏକର ଜମିରେ ବେଆଇନ ଗଞ୍ଜେଇ ଚାଷ ନଷ୍ଟ କରାଯାଇଛି । ୩୧୩କୋଟି ୯୬ଲକ୍ଷ ୨୪ ହଜାର ୯୦୦ଟଙ୍କା ମୂଲ୍ୟର ସମ୍ପତ୍ତି ନିଆଁ କବଳରୁ ରକ୍ଷା କରାଯାଇଛି । ୨୦୨୦ ବାତ୍ୟା ଅମ୍ପାନକୁ ମଧ୍ୟ ସଫଳତାର ସହିତ ମୁକାବିଲା କରାଯାଇଛି । ଯାହା ଶ୍ବେତପତ୍ରରେ ପ୍ରତିଫଳିତ ହୋଇଛି ।
ତେବେ ରାଜ୍ୟର ଆଇନଶୃଙ୍ଖଳା ବ୍ୟବସ୍ଥାକୁ ନେଇ ସରକାରଙ୍କୁ ପୂର୍ବରୁ ମଧ୍ୟ ବିରୋଧୀ ନିଶାନା କରିଛନ୍ତି। ଆଜି ଶ୍ୱେତପତ୍ର ପ୍ରକାଶ ପାଇବା ପରେ ବିରୋଧୀ ସରକାରଙ୍କ ଉପରେ ବର୍ଷିଛନ୍ତି।
Click it and Unblock the Notifications
Sign in with Google