ଓଡ଼ିଆ ବିଧାନସଭା ନିର୍ବାଚନ: କେବେ ସରିବ ଟିକେଟ ଘୋଷଣା ? କୋଉଠୁ କୋଉ ଦଳ ଘୋଷଣା କରିନି ପ୍ରାର୍ଥୀ ?
ରାଜ୍ୟରେ ରାଜନୀତି ତାତି ଭାରି ଜୋରରେ । ନିର୍ବାଚନ ଆଉ କେଇଟା ଦିନ ଥିବା ବେଳେ ପ୍ରାର୍ଥୀ ଘୋଷଣା ହୋଇନାହିଁ । ଏପର୍ଯ୍ୟନ୍ତ ସମସ୍ତ ବିଧାନସଭା ଆସନରେ ତିନି ପ୍ରମୁଖ ଦଳ ସେମାନଙ୍କର ପ୍ରାର୍ଥୀ ଘୋଷଣା କରିନାହାନ୍ତି ।
ଅଧିକାଂଶ ଆସନରେ ପ୍ରାର୍ଥୀ ଦେଇ ସାରିଥିବା ବେଳେ ତଥାପି କେତେକ ଆସନରେ ବାକି ରହିଛି ବିଧାନସଭା ପ୍ରାର୍ଥୀଙ୍କ ନାଁ ଘୋଷଣା ।
କେବେ ସରିବ ଟିକେଟ ଘୋଷଣା ?
ସାଧାରଣ ନିର୍ବାଚନରେ ଟିକେଟ ବଣ୍ଟାକୁ ନେଇ ଉଷ୍ମ ହେଉଛି ରାଜନୀତି । ଓଡ଼ିଶାରେ ଏପର୍ଯ୍ୟନ୍ତ ସମସ୍ତ ବିଧାନସଭା ଆସନରେ ତିନି ପ୍ରମୁଖ ଦଳ ସେମାନଙ୍କର ପ୍ରାର୍ଥୀ ଘୋଷଣା କରିନାହାନ୍ତି ।
୧୪୭ ଆସନରୁ ବିଜେଡି ଆହୁରି ୧୨ ଆସନରେ ପ୍ରାର୍ଥୀ ଘୋଷଣା କରିନି । ସେହିପରି ବିଜେପି ୧୬ ଏବଂ କଂଗ୍ରେସ ୯ ବିଧାନସଭା ଆସନରେ ପ୍ରାର୍ଥୀ ଘୋଷଣା କରିନି ।
ବିଜେଡି ଏହି ୧୨ ଆସନରୁ ବିଧାନସଭା ଆସନ ପାଇଁ ପ୍ରାର୍ଥୀ ଘୋଷଣା କରିନି
- ରଘୁନାଥପାଲି
- ହିନ୍ଦୋଳ
- ଖଣ୍ଡପଡା
- ବେଗୁନିଆ
- ଖୋର୍ଦ୍ଧା
- ବାଙ୍ଗିରିପୋଷି
- ଭୋଗରାଇ
- ନୀଳଗିରି
- ବରି
- କୋରେଇ
- ବାଲିକୁଦା-ଏରସମା
- କାକଟପୁର
ବିଜେପି ଏହି ୧୬ ଆସନରୁ ବିଧାନସଭା ଆସନ ପାଇଁ ପ୍ରାର୍ଥୀ ଘୋଷଣା କରିନି
- ଜୟପୁର
- ତେଲକୋଇ
- ଘଷିପୁରା
- ଚଂପୁଆ
- ହିନ୍ଦୋଳ
- ବାରବାଟୀ-କଟକ
- ବେଗୁନିଆ
- ଖୋର୍ଦ୍ଧା
- ଭୋଗରାଇ
- ବସ୍ତା
- ନୀଳଗିରି
- ଭଣ୍ଡାରୀପୋଖରୀ
- ବାସୁଦେବପୁର
- ବରି
- ସାଲେପୁର
- କେନ୍ଦ୍ରାପଡା
କଂଗ୍ରେସ ଘୋଷଣା କରିନଥିବା ଆସନଗୁଡିକ
- ଛତ୍ରପୁର
- ପାଲଲହଡା
- ବାରବାଟୀ-କଟକ
- ଜଳେଶ୍ୱର
- ବାଲେଶ୍ୱର ସଦର
- ନୀଳଗିରି
- ବଡଚଣା
- ଜଗତସିଂହପୁର
- କାକଟପୁର
ତିନି ପ୍ରମୁଖ ଦଳ ବାକିଥିବା ଆସନରେ କେବେ ପ୍ରାର୍ଥୀ ଘୋଷଣା କରୁଛନ୍ତି ତା'ଉପରେ ସମସ୍ତଙ୍କ ନଜର । ବିଜେପି ଓ ବିଜେଡି ସମସ୍ତ ଲୋକସଭା ପ୍ରାର୍ଥୀ ଘୋଷଣା କରିସାରିଥିବା ବେଳେ କଂଗ୍ରେସର ଆହୁରି ୨ଟି ସିଟ୍ ବାକି ରହିଛି । କଟକ ଓ ମୟୂରଭଞ୍ଜ ଲୋକସଭା ଆସନ ପାଇଁ ଏପର୍ଯ୍ୟନ୍ତ ପ୍ରାର୍ଥୀ ଘୋଷଣା କରିନି କଂଗ୍ରେସ ।
ଆଜି ଆସିପାରେ ବିଜେଡି ଓ ବିଜେପିର ଥିବା ପ୍ରାର୍ଥୀ ତାଲିକା । ବାକି ଥିବା ଆସନ ପାଇଁ ପ୍ରାର୍ଥୀ ଘୋଷଣା କରିପାରେ ଦଳ । ବିଜେପି ୧୬, କଂଗ୍ରେସ ୯ଟି ଏବଂ ବିଜେଡି ୧୨ଟି ଆସନରେ ପ୍ରାର୍ଥୀ ଘୋଷଣା କରିବାକୁ ବାକି ରହିଛି । ତେଣୁ ଏବେବି ତିନି ଦଳର ଏହି ସବୁ ଆଶାୟୀ ନେତାଙ୍କ ମଧ୍ୟରେ ଛକାପଞ୍ଝା ଜାରି ରହିଛି ।
ଟିକେଟ୍ ନମିଳିବାରୁ ଅଭିନବ ପ୍ରତିବାଦ । ଆଦିବାସୀ ପାରମ୍ପରିକ ନୃତ୍ୟ ଗୀତ ମାଧ୍ୟମରେ ପ୍ରତିବାଦ । ସଞ୍ଜଳି ମୁର୍ମୁଙ୍କୁ ଦଳ ବାଙ୍ଗିରିପୋଷିରୁ ଟିକେଟ୍ ଦେଇଥିବାବେଳେ ଏହାକୁ ପରିବର୍ତନ କରିବାକୁ ଦାବି କରିଛନ୍ତି ସମର୍ଥକ ।
Click it and Unblock the Notifications
Sign in with Google