Odisha Assembly Election 2024: ଭୋଟର ପରିଚୟ ପତ୍ର ବଦଳରେ କେମିତି ଦେବ ଭୋଟ୍ ?
ରାଜ୍ୟରେ କାଲି ପଡିବ ଭୋଟ୍। ମୋଟ ୬୨ ଲକ୍ଷ ୮୭ ହଜାର ଭୋଟର ମତଦାନ କରିବେ । ୩୦ ଲକ୍ଷ ୯୭ ହଜାର ପୁରୁଷ ଭୋଟର, ୩୧ ଲକ୍ଷ ୮୯ ହଜାର ମହିଳା ଭୋଟର, ୧ ଲକ୍ଷ ୭୫ ହଜାର ଯୁବ ଭୋଟର ଓ ୧୪ ଲକ୍ଷ ୬୮ ହଜାର ୨୦ ବର୍ଷରୁ ୨୯ ବର୍ଷ ମଧ୍ଯରେ ଭୋଟର ଅଛନ୍ତି ।
୭ ହଜାର ୩୦୩ କେନ୍ଦ୍ରରେ ଭୋଟର ମତଦାନ କରିବେ ।
୧୨୯୪ ଜଣ ଶତାୟୁ ଭୋଟର ଥିବାବେଳେ ୬୨୯୬ ସର୍ଭିସ ଭୋଟର ଅଛନ୍ତି । ୭୧୫ ବୁଥ ମହିଳାଙ୍କ ଦ୍ୱାରା ପରିଚାଳିତ ହେବ । ସଂସଦୀୟ କ୍ଷେତ୍ର ପାଇଁ ୩୭ ଜଣ ପ୍ରାର୍ଥୀ, ବିଧାନସଭା ପାଇଁ ୨୪୩ ପ୍ରାର୍ଥୀ ମୈଦାନରେ ଅଛନ୍ତି । କୋରାପୁଟରେ ୧୧ ଜଣ, ନବରଙ୍ଗପୁରରେ ୪, କଳାହାଣ୍ଡିରେ ୧୧, ବ୍ରହ୍ମପୁରରେ ୧୧ ଜଣ ପ୍ରାର୍ଥୀ ନିଜର ଭାଗ୍ଯ ପରୀକ୍ଷା କରିବେ ।
ଭୋଟର ପରିଚୟ ପତ୍ର ବଦଳରେ ଏହି ୧୨ ପ୍ରକାରର ପରିଚୟପତ୍ର ନେଇ ଦେଇପାରିବେ ଭୋଟ୍
ଓଡିଶାରେ ଚାରିଟି ପର୍ଯ୍ୟାୟରେ ହେବ ଭୋଟ । ମେ'୧୩ ତାରିଖରେ ଓଡ଼ିଶାରେ ପଡିବ ଭୋଟ । ମେ' ୧୩, ମେ' ୨୦, ମେ' ୧୫ ଓ ଜୁନ ୧ ତାରିଖରେ ମତଦାନ କରିବେ ଓଡ଼ିଶାବାସୀ ।
ଭାରତର ନିର୍ବାଚନ ଆୟୁକ୍ତଙ୍କର ନିର୍ଦ୍ଦେଶ ଅନୁଯାୟୀ, ଭୋଟରଙ୍କୁ ଭୋଟ୍ ଦେବା ପୂର୍ବରୁ ମତଦାନ କେନ୍ଦ୍ରରେ ସେମାନଙ୍କର ଭୋଟର ପରିଚୟପତ୍ର କିମ୍ବା ନିମ୍ନରେ ଉଲ୍ଲେଖ କରାଯାଇଥିବା ୧୨ (ବାର) ପ୍ରକାର ଫଟୋ ପରିଚୟପତ୍ର ମଧ୍ୟରୁ କୌଣସି ଗୋଟିଏ ଆଣିବାକୁ ପଡିବ ।
- ଆଧାର କାର୍ଡ, ପାନ୍ କାର୍ଡ
- ସ୍ୱତନ୍ତ୍ର ଭିନ୍ନକ୍ଷମ ପରିଚୟ ପତ୍ର
- କେନ୍ଦ୍ର/ରାଜ୍ୟ ସରକାର / ସରକାରୀ ଉଦ୍ୟୋଗ/ ଘରୋଇ କମ୍ପାନୀମାନଙ୍କଠାରୁ ପ୍ରାପ୍ତ ଫଟୋ ସହିତ ସେବା ପରିଚୟ କାର୍ଡ
- ବ୍ୟାଙ୍କ, ପୋଷ୍ଟ ଅଫିସ୍ ଦ୍ଵାରା ଦିଆଯାଇଥିବା ଫଟୋ ସହିତ ପାସବୁକ୍
- ଶ୍ରମ ମନ୍ତ୍ରଣାଳୟର ଯୋଜନା ଅଧ୍ଵନରେ ମିଳିଥିବା ସ୍ଵାସ୍ଥ୍ୟ ବୀମା ସ୍ମାର୍ଟ କାର୍ଡ
- ଡ୍ରାଇଭିଂ ଲାଇସେନ୍ସ
- ମୁଁ ଭାରତୀୟ ପାସପୋର୍ଟ
- ମୁଁ ଆର୍ଜିଆଇ ଅଧୀନରେ ଏନ୍ପିଆର୍ ଦ୍ଵାରା ଜାରି ସ୍ମାର୍ଟ କାର୍ଡ
- ଫଟୋଗ୍ରାଫ୍ ସହିତ ପେନ୍ସନ୍ ଡକ୍ୟୁମେଣ୍ଟ୍,
- ସାଂସଦ/ ବିଧାୟକ/ ଏମଏଲସି ମାନଙ୍କୁ ଦିଆଯାଇଥିବା ସରକାରୀ ପରିଚୟ ପତ୍ର
- ମନରେଗା କାର୍ଡ
Click it and Unblock the Notifications
Sign in with Google