ପୋଲିସ ବ୍ୟବସ୍ଥା ନେଇ ଡିଜିପିଙ୍କ ସୂଚନା: ମୁତୟନ ରହିବେ ୩୫ ହଜାର ପୋଲିସ, ୨୬ ବର୍ଷ ପରେ ନକ୍ସଲ ହିଂସାମୁକ୍ତ ନିର୍ବାଚନ
ତୃତୀୟ ପର୍ଯ୍ୟାୟ ନିର୍ବାଚନ ପୋଲିସ ବ୍ୟବସ୍ଥା ନେଇ ଡିଜିପିଙ୍କ ସୂଚନା। ତୃତୀୟ ପର୍ଯ୍ୟାୟରେ ୧୦, ୫୫୧ ବୁଥ୍ ରହିଛି ସେଥିମଧ୍ୟରୁ ୨୦% ସମ୍ବେଦନଶୀଳ ବୁଥ । ନିର୍ବାଚନ ହେଉଥିବା ୧୨ ଜିଲ୍ଲାରେ ୩୫ ହଜାର ପୋଲିସ ମୁତୟନ ରହିବେ ।
ନିର୍ବାଚନରେ ୧୨୧ କଂପାନୀ ସିଏପିଏଫ୍, ୧୨୧ କଂପାନୀ ଓଏସ୍ଏପି ରହିବେ । ପ୍ରତି ବିଧାନସଭା କ୍ଷେତ୍ର ଦାୟିତ୍ବରେ ଜଣେ ଅତିରିକ୍ତ ଏସ୍ପି ରହିବେ । ମୋଟ ୪୩ ଏଏସ୍ପି, ୯୫ ଡିଏସ୍ପି, ୨୩୮ ଇନ୍ସପେକ୍ଟର ଦାୟିତ୍ବରେ ରହିବେ।
ସେହିପରି ୨୧୬୦ SI ଓ ASI; ୧୦, ୨୧୨ କନଷ୍ଟେବଲ, ୭ ହଜାର ହୋମଗାର୍ଡ ରହିବେ। ଛତିଶଗଡ଼ରୁ ୩ଶହ କନଷ୍ଟେବଲ, ୭ଶହ ହୋମଗାର୍ଡ ମଧ୍ୟ ଆସିଛନ୍ତି । ଅନ୍ୟ ସ୍ଥାନରେ ନିର୍ବାଚନ ସରିବା ପରେ ୨୦ କଂପାନୀ ସିଏପିଏଫ୍ ମଧ୍ୟ ଆସିଛନ୍ତି ।
ନକ୍ସଲ ପ୍ରଭାବିତ ଅଞ୍ଚଳରେ ଭୋଟ୍ ନେଇ ଡିଜିପି ଅରୁଣ ଷଡ଼ଙ୍ଗୀଙ୍କ ସୂଚନା। ୨୬ ବର୍ଷ ପରେ ପ୍ରଥମ ଥର ପାଇଁ ବିନା ହିଂସାରେ ନକ୍ସଲ ଅଞ୍ଚଳରେ ଭୋଟ୍ ହୋଇଛି । ନକ୍ସଲ ପ୍ରଭାବିତ ୧୧ ଜିଲ୍ଲାରେ କୌଣସି ପ୍ରକାର ହିଂସା ଘଟିନାହିଁ ।
ଶେଷଥର ପାଇଁ ୧୯୯୮ରେ ନିର୍ବାଚନ ସମୟରେ ନକ୍ସଲ ହମଲା ହୋଇଥିଲା। ପ୍ରଥମ ଥର ପାଇଁ ଶୃଙ୍ଖଳାରେ ନିର୍ବାଚନ ଓଡ଼ିଶା ପୋଲିସ ପାଇଁ ଗୌରବ ।
ରାଜ୍ୟରେ ଆସନ୍ତାକାଲି ପଡ଼ିବ ତୃତୀୟ ପର୍ଯ୍ୟାୟ ଭୋଟ୍ । ଏଥିପାଇଁ ସରିଛି ପ୍ରଚାର । ଶେଷ ଦିନରେ ତିନି ପ୍ରମୁଖ ଦଳ ପ୍ରଚାରକୁ ଜୋରଦାର କରିଥିଲେ ।
ତୃତୀୟ ପର୍ଯ୍ୟାୟରେ କଟକ, ଭୁବନେଶ୍ୱର, ପୁରୀ, ଢେଙ୍କାନାଳ, କେନ୍ଦୁଝର ଏବଂ ସମ୍ବଲପୁର ଏହି ୬ ସଂସଦୀୟ କ୍ଷେତ୍ର ଏବଂ ଏହା ଅଧୀନରେ ଥିବା ୪୨ ଆସନ ପାଇଁ ମତଦାନ ହେବ। ଏହି ପର୍ଯ୍ୟାୟରେ ପ୍ରାୟ ସବୁ ସିଟରେ ବିଗ୍ ଫାଇଟ୍ ଦେଖିବାକୁ ମିଳିବ।
Click it and Unblock the Notifications
Sign in with Google