ଖରା ଛୁଟି ଦାବି କରି ହାଇକୋର୍ଟଙ୍କ ଦ୍ୱାରସ୍ଥ ହେଲେ ଅଙ୍ଗନବାଡି କର୍ମୀ
କଟକ: ରାଜ୍ୟରେ ଗ୍ରୀଷ୍ମ ପ୍ରବାହକୁ ଦୃଷ୍ଟିରେ ରଖି ସରକାର ବିଦ୍ୟାଳୟ ଓ ମହାବିଦ୍ୟାଳୟ ଗୁଡ଼ିକ ଭଳି ଅନୁଷ୍ଠାନ ପାଇଁ ଗ୍ରୀଷ୍ମ ଛୁଟି ଘୋଷଣା କରିଥିବା ବେଳେ, ଅଙ୍ଗନବାଡ଼ି କେନ୍ଦ୍ରଗୁଡ଼ିକ ପାଇଁ ଛୁଟି ଘୋଷଣା କରାଯାଇ ନ ଥିବାରୁ କ୍ଷୋଭ ପ୍ରକାଶ ପାଇଛି । ଏହାକୁ ନେଇ ଭାରତୀୟ ବିକାଶ ପରିଷଦ ପକ୍ଷରୁ ହାଇକୋର୍ଟରେ ଏକ ମାମଲା ଦାଏର କରାଯାଇଥିଲା ।
ଅଙ୍ଗନବାଡ଼ି ପାଇଁ ଗ୍ରୀଷ୍ମ ଛୁଟି ଘୋଷଣା ସମ୍ପର୍କିତ ଏହି ମାମଲାର ଶୁଣାଣି କରି ହାଇକୋର୍ଟ ଆସନ୍ତା ଦୁଇ ସପ୍ତାହ ମଧ୍ୟରେ ଏ ଦିଗରେ ନିଷ୍ପତ୍ତି ନେବାକୁ ରାଜ୍ୟ ସରକାରଙ୍କୁ ନିର୍ଦ୍ଦେଶ ଦେଇଛନ୍ତି । ଯାହା ଅଙ୍ଗନବାଡି କେନ୍ଦ୍ରର ଉଭୟ ଛାତ୍ରଛାତ୍ରୀ ଓ କର୍ମୀଙ୍କୁ ଉପକୃତ କରିବ।
ଯେପରି ଅନ୍ୟ ଶିକ୍ଷାନୁଷ୍ଠାନ ଗ୍ରୀଷ୍ମ ଛୁଟି କଟାଉଛନ୍ତି ହେଲେ ଅଙ୍ଗନବାଡି କେନ୍ଦ୍ର ଗୁଡିକ ଗ୍ରୀଷ୍ମ ମାସରେ କାମ କରୁଛନ୍ତି । ଏହି ନିରନ୍ତର କାର୍ଯ୍ୟସୂଚୀ ଅଙ୍ଗନବାଡି କର୍ମୀମାନଙ୍କ ଉପରେ ଏକ ବଡ ବୋଝ ପକାଇଛି, ଯେଉଁମାନେ ପ୍ରଚଣ୍ଡ ଗ୍ରୀଷ୍ମ ପ୍ରବାହ ମଧ୍ୟରେ ବି ନିରବଚ୍ଛିନ୍ନ ଭାବେ ନିଜର ଦାୟିତ୍ୱ ସମ୍ପାଦନ କରୁଛନ୍ତି । ସରକାରଙ୍କ ଏହି ତଳସ୍ତରର କର୍ମଚାରୀ ବିଭିନ୍ନ ଚ୍ୟାଲେଞ୍ଜିଂ ପରିସ୍ଥିତିକୁ ସହ୍ୟ କରୁଥିବାବେଳେ, ପ୍ରବଳ ଖରା ଯୋଗୁଁ ଉପସ୍ଥିତ ଛାତ୍ରଛାତ୍ରୀଙ୍କ ସ୍ୱାସ୍ଥ୍ୟ ପ୍ରତି ଯଥେଷ୍ଟ ବିପଦ ରହିଛି ବୋଲି ଆବେଦନରେ କୁହାଯାଇଛି ।
ହାଇକୋର୍ଟ ବିଚାରପତି ଜଷ୍ଟିସ ଭି. ନରସିଂହଙ୍କ ନେତୃତ୍ୱରେ ଶୁଣାଣି କରିଛନ୍ତି। ଆବେଦନକାରୀଙ୍କ ପକ୍ଷରୁ ଆଇନଜୀବୀ ଗୋପାଳ ଜେନା ଯୁକ୍ତି ଉପସ୍ଥାପନ କରିଥିଲେ।
Click it and Unblock the Notifications
Sign in with Google