କଲମପୁରରେ ଅହିଂସା ରଥକୁ ଭବ୍ୟ ସ୍ୱାଗତ

କଲମପୁରରେ ଅହିଂସା ରଥକୁ ଭବ୍ୟ ସ୍ୱାଗତ , ସ୍ୱାଧିନତା ସଂଗ୍ରାମର ଗାଥାକୁ ନେଇ ସାରା ରାଜ୍ୟରେ ପରିକ୍ରମା କରୁଛି ଅହିଂସା ରଥ । ସ୍ବାଧୀନତା ଦିବସ ଦିନ ଅହିଂସା ରଥର ଉଦଘାଟନ କରିଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ

Published: Monday, September 5, 2022, 20:58 [IST]

କଲମପୁର: ଚଳିତ ବର୍ଷ ୭୬ ତମ ସ୍ୱାଧିନତା ଦିବସ ଅବସରରେ ସାରେ ଦେଶେର ଅମୃତ ଅହୋତ୍ସବ ପାଳନ କରାଯାଇଥିଲା । ସ୍ୱାଧିନତା ସଂଗ୍ରାମର ଗାଥାକୁ ନେଇ ସାରା ରାଜ୍ୟରେ ପରିକ୍ରମା କରୁଛି ଅହିଂସା ରଥ । ସ୍ବାଧୀନତା ଦିବସ ଦିନ ଅହିଂସା ରଥର ଉଦଘାଟନ କରିଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ରଥ ପରିକ୍ରମା କାର୍ଯ୍ୟକ୍ରମ ଅକ୍ଟୋବର ୨ ତାରିଖ ଗାନ୍ଧୀ ଜୟନ୍ତୀ ପର୍ଯ୍ୟନ୍ତ ଚାଲିବ। ରାଜ୍ୟସ୍ତରୀୟ ସ୍ୱାଧୀନତା ଦିବସ ସମାରୋହ ସ୍ଥଳରୁ ଏଲ୍‌ଇଡ଼ି ଭିଡ଼ିଓ ୱାଲ୍‌ରେ ସଜ୍ଜିତ 4ଟି ରଥ ସମଗ୍ର ରାଜ୍ୟ ପରିକ୍ରମା ନିମନ୍ତେ ଯାତ୍ରା ଆରମ୍ଭ କରିଥିଲା ।

ଗତକାଲି ନୂଆପଡ଼ା ଦେଇ କଳାହାଣ୍ତି ସୀମାନ୍ତ ଗୋଲାମୁଣ୍ତା ବ୍ଲକ ଅଞ୍ଚଳରେ ଅହିଂସା ରଥକୁ କଳାହାଣ୍ତି ପ୍ରଶାସନ ପକ୍ଷରୁ ଭବ୍ୟ ସ୍ୱାଗତ କରାଯାଇଥିଲା । ଏହା ପରେ ଧର୍ମଗଡ଼,ଜୁନାଗଡ଼, ଦେଇ ଅପରାହ୍ନରେ କଲମପୁରଠାରେ ପହଁଚିଥିଲା ଅହିଂସା ରଥ । ଜୁନାଗଡ଼ ବ୍ଲକ ପ୍ରଶାସନ ପକ୍ଷରୁ ବିଡିଓ ଓ ଜୁନାଗଡ଼ ସମିତି ଅଧ୍ୟକ୍ଷା ,ଉପାଧ୍ୟକ୍ଷ ,ସରପଞ୍ଚ ଦାସୀଗାଁ ନିକଟରେ ଉପସ୍ଥିତ ରହି ଏହି ରଥକୁ ବିଦାୟ ସମ୍ବର୍ଦ୍ଧନା ଜଣାଇଥିଲେ ।

ସେହିପରି କଲମପୁର ବ୍ଲକ ପ୍ରଶାସନ ତରଫରୁ ସମିତି ଅଧ୍ୟକ୍ଷା ଶ୍ରୀମତୀ ମୋତି ବିହାରୀ ,ଉପାଧ୍ୟକ୍ଷ ଚିନ୍ତାମଣି ବେହେରା ,ବିଡିଓ ପ୍ରଶନ୍ନ କୁମାର ପଟେଲ ,ତହସିଲଦାନ କରିଶ୍ମା ବେଶ୍ରା ପ୍ରମୁଖ ଉପସ୍ଥିତ ରହି ଅହିଂସା ରଥକୁ ଭବ୍ୟ ସ୍ୱାଗତ ଜଣାଇଥିଲେ । ସାଂସ୍କୃତି କାର୍ଯ୍ୟକ୍ରମର ଆୟୋଜନ ମଧ୍ୟ କରାଯାଇଥିଲା । ଏରି ଅବସରରେ ଏକ ସଭାର ଆୟୋଜନ ମଧ୍ୟ କରାଯାଇଥିଲା ସେହିପରି ବଙ୍ଗାପଲା ଠାରେ ଏକ ଶୋଭାଯାତ୍ରାର ଆୟୋଜନ କରାଯାଇ ଅହିଂସା ରଥକୁ ପରିକ୍ରମା କରଯାଇଥିଲା ।

Published On September 5, 2022