ଭୁବନେଶ୍ୱର ଏମ୍ସ ରୁ ୧୨ ଦଲାଲ ଗିରଫ, ବ୍ଲାକରେ ଟିକେଟ ବିକ୍ରି ବେଳେ ଚଢାଉ

ଭୁବନେଶ୍ବର ଏମ୍ସରୁ ଗିରଫ ହେଲେ ଦଲାଲ୍ । ବ୍ଲାକରେ ଟିକେଟ୍ ବିକ୍ରି କରୁଥିବା ବେଳେ ୧୨ ଦଲାଲ ଗିରଫ । ଖଣ୍ଡଗିରି ଥାନା ପୋଲିସ ଏହି ଦଲାଲ୍‌ମାନଙ୍କୁ ଗିରଫ କରିଛି ।

Published: Friday, November 4, 2022, 14:02 [IST]

ଭୁବନେଶ୍ବର: ଭୁବନେଶ୍ବର ଏମ୍ସରୁ ଗିରଫ ହେଲେ ଦଲାଲ୍ । ବ୍ଲାକରେ ଟିକେଟ୍ ବିକ୍ରି କରୁଥିବା ବେଳେ ୧୨ ଦଲାଲ ଗିରଫ । ଖଣ୍ଡଗିରି ଥାନା ପୋଲିସ ଏହି ଦଲାଲ୍‌ମାନଙ୍କୁ ଗିରଫ କରିଛି । ଦୀର୍ଘ ଦିନ ହେବ ଏମ୍ସ ହସ୍ପିଟାଲରେ ଡାକ୍ତରଙ୍କ ପରାମର୍ଶ ପାଇଁ ଟିକେଟ କାଟି ବ୍ଲାକରେ ବିକ୍ରି କରୁଥିଲେ ।

ବିଭିନ୍ନ ଆଳରେ ବାହାର ଜିଲ୍ଲାରୁ ଆସୁଥିବା ରୋଗୀ ଓ ସମ୍ପର୍କୀୟଙ୍କୁ ଠକି ଏମାନେ ଟଙ୍କା ନେଉଥିଲେ । ଟିକେଟ, ଆଡମିଶନ ଓ ଅନ୍ୟାନ୍ୟ ସୁବିଧା ଯୋଗାଇ ଦେବାକୁ କହି ସେମାନଙ୍କୁ ଲୁଟୁଥିଲେ । ଦଲାଲ ମାନେ ଆଗୁଆ ଟିକେଟ କାଟି ରୋଗୀଙ୍କୁ ୪ରୁ ୫ହଜାର ଟଙ୍କାରେ ବିକୁଥିଲେ । ଏନେଇ ଖଣ୍ଡଗିରି ଥାନା ପୋଲିସ ବିଶ୍ୱସ୍ତ ସୂତ୍ରରୁ ଖବର ପାଇବା ପରେ ଆଜି ଚଢାଉ କରି ୧୨ ଜଣକୁ ଗିରଫ କରିଥିବା ବେଳେ ଧରପଗଡ଼ ଜାରି ରହିଛି ।

ତେବେ ଏମ୍ସକୁ ଦଲାଲ ମୁକ୍ତ କରିବା ପାଇଁ ପ୍ରୟାସ ଆରମ୍ଭ କରିଛି କମିଶନରେଟ ପୋଲିସ । ଅଭିଯାନ ଚାଲୁ ରହିଥିବା ସୂଚନା ଦେଇଛନ୍ତି ଡିସିପି ପ୍ରତୀକ ସିଂହ ।

Published On November 4, 2022