ସବୁ ଜିଲ୍ଲାପାଳଙ୍କୁ ଚିଠି: ବଢିବ ଟିକାକରଣ କେନ୍ଦ୍ର ସଂଖ୍ୟା, ଘରୋଇ ହସ୍ପିଟାଲ ମାନିବେ ଏସବୁ ନିୟମ
ଆସନ୍ତାଦିନରେ ରାଜ୍ୟରେ ବଢ଼ିବ କରୋନା ଟିକାକରଣ କେନ୍ଦ୍ର ସଂଖ୍ୟା । ଏନେଇ ସ୍ୱାସ୍ଥ୍ୟ ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ ପ୍ରଦୀପ୍ତ ମହାପାତ୍ର ସମସ୍ତ ଜିଲ୍ଲାପାଳଙ୍କ ସମେତ ସମସ୍ତ ମହାନଗର ନିଗମକୁ ଚିଠି ଲେଖିଛନ୍ତି ।
ଭୁବନେଶ୍ୱର: ଆସନ୍ତାଦିନରେ ରାଜ୍ୟରେ ବଢ଼ିବ କରୋନା ଟିକାକରଣ କେନ୍ଦ୍ର ସଂଖ୍ୟା । ଏନେଇ ସ୍ୱାସ୍ଥ୍ୟ ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ ପ୍ରଦୀପ୍ତ ମହାପାତ୍ର ସମସ୍ତ ଜିଲ୍ଲାପାଳଙ୍କ ସମେତ ସମସ୍ତ ମହାନଗର ନିଗମକୁ ଚିଠି ଲେଖିଛନ୍ତି । ବିଏସକେୱାଇ ଓ ସିଜିଏପଏସ୍ ଅନ୍ତର୍ଭୁକ୍ତ ଘରୋଇ ହସ୍ପିଟାଲରେ କୋଭିଡ୍ ଟିକାକରଣ ହେବ ।
ହସ୍ପିଟାଲରେ ଉପଲବ୍ଧ ଥିବା ଭିତ୍ତିଭୂମି ଯାଞ୍ଚ କରି ପ୍ରସ୍ତାବ ଦେବାକୁ ନିର୍ଦ୍ଦେଶ ଦେଇଛନ୍ତି ସ୍ୱାସ୍ଥ୍ୟ ବିଭାଗ ଅତିରିକ୍ତ ମୁଖ୍ୟ ସଚିବ ।
ଘରୋଇ ହସ୍ପିଟାଲରେ କଣ ରହିବ ସୁବିଧା ?
ଘରୋଇ ହସ୍ପିଟାଲରେ ଆବଶ୍ୟକ କୋଲ୍ଡ ଚେନ୍ ସାମଗ୍ରୀ ଓ କ୍ଷମତା ଥିବା ଆବଶ୍ୟକ । ସେହିପରି ଏକାଧିକ କଠୋରୀ, ଅପେକ୍ଷା ଗୃହ, ଟୀକାକରଣ ଗୃହ ରହିବ । ଟିକାକରଣ ପରେ ଟୀକା ନେଇଥିବା ବ୍ୟକ୍ତିଙ୍କୁ ପର୍ଯ୍ୟବେକ୍ଷଣ ଲାଗି ସୁବିଧା ଥିବା ଆବଶ୍ୟକ । ଆହୁରି ମଧ୍ୟ ଟୀକାକରଣ ପରେ କୌଣସି ପାର୍ଶ୍ୱ ପ୍ରତିକ୍ରିୟା ଦେଖାଗଲେ ଚିକିତ୍ସା ଲାଗି ସଂପୃକ୍ତ ଘରୋଇ ହସ୍ପିଟାଲ ଆଗ୍ରହ ରଖୁଥିବା ଦରକାର ।
ଏସବୁ ମାନଦଣ୍ଡକୁ ଦେଖି ମହାନଗର ନିଗମ କମିଶନର ଓ ଜିଲ୍ଲାପାଳ ଘରୋଇ ହସ୍ପିଟାଲ ଗୁଡିକର ପ୍ରସ୍ତାବ ଦେବାକୁ କୁହାଯାଇଛି । ଏଠାରେ ସୂଚନାଥାଉକି, ଦ୍ୱିତୀୟ ପର୍ଯ୍ୟାୟରେ ଘରୋଇ ହସ୍ପିଟାଲରେ ଟୀକା ଦେବାକୁ ନିଷ୍ପତ୍ତି ନିଆଯାଇଛି । ଏବେ ରାଜ୍ୟରେ ସ୍ୱାସ୍ଥ୍ୟକର୍ମୀଙ୍କ ସହ ସମ୍ମୁଖ ଯୋଦ୍ଧା ଓ 60 ବର୍ଷରୁ ଅଧିକ ବୟସ୍କଙ୍କୁ କରୋନା ଟିକା ଦିଆଯାଉଛି ।
Click it and Unblock the Notifications
Sign in with Google