ସୂର୍ଯ୍ୟପରାଗ: ହେତୁବାଦୀ ଖାଇଲେ ଚିକେନ ବିରିୟାନୀ

ସୂର୍ଯ୍ୟପରାଗରେ ପାକ ନିଷେଧ ନିୟମ ରହିଥିବା ବେଳେ ଏହାକୁ ଅସ୍ୱୀକାର କରିଛନ୍ତି ହେତୁବାଦୀ । ଏହି ସମୟରେ ସେମାନେ ଚିକେନ୍ ବିରିୟାନୀ ରାନ୍ଧି ଖାଇଥିବା ଦେଖିବାକୁ ମିଳିଛି ।

Published: Tuesday, October 25, 2022, 18:02 [IST]

ଭୁବନେଶ୍ୱର: ଆଜି (ମଙ୍ଗଳବାର) ଚଳିତ ବର୍ଷର ଶେଷ ସୂର୍ଯ୍ୟପରାଗ ଲାଗିଛି । ଅପରାହ୍ନ ୪ଟା ୫୬ ମିନିଟ୍‌ ୫୨ ସେକେଣ୍ଡରେ ସୂର୍ଯ୍ୟରେ ଗ୍ରହଣ ସ୍ପର୍ଶ କରି ସନ୍ଧ୍ୟା ୬ଟା ୨୬ମିନିଟ ୫୨ ସେକେଣ୍ଡରେ ଗ୍ରହଣ ସର୍ବମୋକ୍ଷ ହେବ । ତେବେ ସୂର୍ଯ୍ୟପରାଗରେ ପାକ ନିଷେଧ ନିୟମ ରହିଥିବା ବେଳେ ଏହାକୁ ଅସ୍ୱୀକାର କରିଛନ୍ତି ହେତୁବାଦୀ । ଏହି ସମୟରେ ସେମାନେ ଚିକେନ୍ ବିରିୟାନୀ ରାନ୍ଧି ଖାଇଥିବା ଦେଖିବାକୁ ମିଳିଛି ।

ଭୁବନେଶ୍ୱରରେ ବିଭିନ୍ନ ସ୍ଥାନର ହେତୁବାଦୀ ଏକାଠି ହୋଇ ରୋଷେଇ କରି ଖାଇଛନ୍ତି । ସେମାନଙ୍କ ମତରେ ପରାଗ ସମୟରେ ପାକ ନିଷେଧର କୌଣସି ଆବଶ୍ୟକତା ନାହିଁ । ଏହା ପ୍ରତ୍ୟେକ ଦିନର ଘଟଣା । ସୂର୍ଯ୍ୟ କାଲି ଯେଉଁ କିରଣ ଦେଉଥିଲେ ଆଜି ସେଥିରେ କୌଣସି ବ୍ୟତିକ୍ରମ ହୋଇନାହିଁ । ବୈଜ୍ଞାନିକ ଦୃଷ୍ଟିକୋଣରୁ ଏହା କୌଣସି ସମସ୍ୟା ନୁହେଁ ବୋଲି ହେତୁବାଦୀ କହିଛନ୍ତି । ତେବେ ଭୁବନେଶ୍ୱରରେ ପରାଗ ଅପରାହ୍ନ ୪.୫୭ରେ ଆରମ୍ଭ ହୋଇ ୫ଟା ୧୬ ମିନିଟରେ ଶେଷ ହୋଇଛି । ରାଜଧାନୀରେ ସୂର୍ଯ୍ୟପରାଗ ମାତ୍ର ୨୦ ମିନିଟ୍ ପାଇଁ ଦେଖିବାକୁ ମିଳିଛି ।

Published On October 25, 2022