ରେଶମ ସହରରେ ମାସ୍କ ବାଧ୍ୟତାମୂଳକ
NO MASK, NO ENTRY :After Sambalpur, Bhubaneswar And Cuttack Now Berhampur Municipal Corporation Made The Wearing of Masks Mandatory .ରେଶମ ସହରରେ ମାସ୍କ ବାଧ୍ୟତାମୂଳକ
ବ୍ରହ୍ମପୁର: ରାଜ୍ୟରେ କରୋନା ସଂକ୍ରମଣ ଦିନକୁ ଦିନ ବଢୁଥିବା କାରଣରୁ ପ୍ରଥମେ ଭୁବନେଶ୍ୱରେ ଏବଂ ଏବେ ରେଶମ ସହରରେ ମାସ୍କ ବାଧ୍ୟତାମୂଳକ କରାଯାଇଛି ।ସେହିପରି କଟକ ଓ ସମ୍ବଲପୁର ଆଦି ସହରରେ ମଧ୍ୟ ମାସ୍କ ବାଧ୍ୟତାମୂଳକ ।ପୂର୍ବରୁ ରାଜ୍ୟର ଅନ୍ୟ ସହରରେ ମାସ୍କ ବାଧ୍ୟତାମୂଳକ କରାଯାଇଥିବା ବେଳେ ଆଜିଠୁ ବ୍ରହ୍ମପୁରରେ ମଧ୍ୟ ଏହି ନିୟମ ଜାରି କରାଯାଇଛି ।କରୋନା ସ୍ଥିତିକୁ ନଜରରେ ରଖି ବ୍ରହ୍ମପୁର ମହାନଗର ନିଗମ ପକ୍ଷରୁ ବ୍ରହ୍ମପୁରବାସୀ ଓ ବାହାରୁ ଆସୁଥିବା ଲୋକଙ୍କ ପାଇଁ ଏହି ନିର୍ଦ୍ଦେଶନାମା ଜାରି କରାଯାଇଛି ।
ପାର୍କ ଓ ଜିମ୍ ଓ ଜନଗହଳି ସ୍ଥାନ, ପୂଜାସ୍ଥଳୀରେ ସଠିକ ଢଙ୍ଗରେ ମାସ୍କ ପିନ୍ଧିବାକୁ ବ୍ରହ୍ମପୁର ମହାନଗର ନିଗମ ପକ୍ଷରୁ ପରାମର୍ଶ ଦିଆଯାଇଛି । ସପିଂ ମଲ୍ ଓ ଦୋକାନରେ ବିନା ମାସ୍କରେ ଏଥ ଏଣ୍ଟ୍ରି ମିଳିବ ନାହିଁ । ଷ୍ଟାଫ୍ ଓ ଗ୍ରାହକ ଉଭୟ ମାସ୍କ ପିନ୍ଧିବା ବାଧ୍ୟତାମୂଳକ । ମଲ୍ ଓ ଦୋକାନ ବାହାରେ NO MASK, NO ENTRY ମଧ୍ୟ ଲେଖାଯିବ ।ଏହାଛଡ଼ା ପେଟ୍ରୋଲ ପମ୍ପରେ ମଧ୍ୟ ବିନା ମାସ୍କରେ ମିଳିବନି ପେଟ୍ରୋଲ । ସମସ୍ତ ସରକାରୀ ଓ ବେସରକାରୀ କର୍ମଚାରୀ ଅଫିସରେ ମାସ୍କ ପିନ୍ଧିବା ବାଧ୍ୟତାମୂଳକ କରାଯାଇଛି। କରୋନା କଟକଣା ନମାନିଲେ ଦୃଢ଼ କାର୍ଯ୍ୟାନୁଷ୍ଠାନ ନିଆଯିବ ବୋଲି ବ୍ରହ୍ମପୁର ମହାନଗର ନିଗମ ପକ୍ଷରୁ ସୂଚନା ଦିଆଯାଇଛି
Click it and Unblock the Notifications
Sign in with Google