ମାଲକାନାଗିରିରେ ନାଇଟ୍ କର୍ଫ୍ୟୁ : ମାନିବାକୁ ପଡିବ ଏହି ସବୁ ନିୟମ

ମାଲକାନାଗିରିରେ ଜାରି ହୋଇଛି ନାଇଟ୍ କର୍ଫ୍ୟୁ । କୋଭିଡ୍ ସ୍ଥିତିକୁ ନଜରରେ ରଖି ଜିଲ୍ଲା ପ୍ରଶାସନ ନେଇଛି ନିଷ୍ପତ୍ତି ।

ଭୁବନେଶ୍ୱର । କୋଭିଡ ସଂକ୍ରମଣର ଦ୍ୱିତୀୟ ପର୍ଯ୍ୟାୟ ଦେଖା ଦେଇତିବା ବେଳେ ଏହାକୁ ନେଇ ରାଜ୍ୟ ସରକାର ତପ୍ତରତା ପ୍ରକାଶ କରିଛନ୍ତି । ଆଜି ଲକଡାଉନ୍ ଓ ସଟ୍ ଡାଉନକୁ ବର୍ଷେ ବିତୁଥିବା ବେଳେ କୋଭିଡ୍ ସଂକ୍ରମଣର ଭୟ ମଧ୍ୟ ପୁଣି ଦେଖା ଦେଇଛି । ଏହି ଭିତରେ ଆଗକୁ ଅନେକ ବଡ ଉତ୍ସବ ପର୍ବ ପାଳନ କରାଯିବ । ଏହି ସମସ୍ତ ଦିଗକୁ ଆଖି ଆଗରେ ରଖି ରାଜ୍ୟ ସରକାର ବହୁ ଗୁରୁତ୍ୱପୂର୍ଣ୍ଣ ନିଷ୍ପତି ନେଇ ପାରନ୍ତି ବୋଲି କୁହାଯାଉଛି । ଆସନ୍ତାକାଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କୋଭିଡ୍ ସ୍ଥିତିର ସମୀକ୍ଷା କରିବେ । ତେବେ ଏହାର ଗୋଟିଏ ଦିନ ପୂର୍ବରୁ ଅର୍ଥାତ ଆଜି ମାଲକାନାଗିରିରେ ନାଇଟ୍ କର୍ଫ୍ୟୁ ନେଇ ନିଷ୍ପତ୍ତି ନେଇଛି ଜିଲ୍ଲା ପ୍ରଶାସନ । ଆସନ୍ତକାଲି ଠାରୁ ଏହି ନାଇଟ୍ କର୍ଫ୍ୟୁ ଆରମ୍ଭ ହେବ । ମାଲକାନାଗିରିରେ 23 ରୁ 31 ଯାଏଁ ନାଇଟ୍ କର୍ଫ୍ୟୁ ହେବ ।

ରାତି 9ଟାରୁ ସକାଳ 6 ଟା ଯାଏଁ ଲାଗୁ ହେବ ନାଇଟ୍ କର୍ଫ୍ୟୁ । ମାସ୍କ ବ୍ୟବହାର ଓ ସାମାଜିକ ଦୂରତା ପାଳନ କରିବା ବାଧ୍ୟତାମୂଳକ । ବଡ଼ ଯାତ୍ରା, ଦୋଳଯାତ୍ରା ଓ ହୋଲିକୁ ଦୃଷ୍ଟିରେ ରଖି ଜିଲ୍ଲା ପ୍ରଶାସନ ନେଇଛି ଏହି ନିଷ୍ପତ୍ତି । ବଡଯାତ୍ରାରେ ସର୍ବାଧିକ 200 ଶହ ଲୋକଙ୍କୁ ଏକାଠି ହେବାକୁ ଅନୁମତି ଦେଇଛି ଜିଲ୍ଲା ପ୍ରଶାସନ । ବଡଯାତ୍ରାରେ ଯାତ୍ରା, ରାମଲୀଳା ଓ ଦାଶିଆ ନାଟ ପରିବେଷଣ ବନ୍ଦ ରହିବ । ସେହିପରି ମୀନାବଜାର, ଫୁଡ ଷ୍ଟଲ ଓ ପୋଷାକ ଆଦି ବିକ୍ରି ମନା । ସର୍ବସାଧାରଣ ସ୍ଥାନରେ ଦୋଳଯାତ୍ରା ଓ ହୋଲିରେ ଏକାଠି ହେବାକୁ ମନା କରାଯାଇଛି । ମନ୍ଦିର ଓ ଧର୍ମାନୁଷ୍ଠାନରେ ନୀତି ଅନୁସାରେ ଦୋଳଯାତ୍ରା ପାଳନ କରିବେ ବୋଲି ଏକ ବିଜ୍ଞପ୍ତି ଯୋଗେ ପ୍ରକାଶ କରିଛି ଜିଲ୍ଲା ପ୍ରଶାସନ ।

English summary

Night Curfew Imposed in Odisha Malkangiri also Restriction in Holi