ଏଣିକି ନବଜାତକଙ୍କ ଗୋଡରେ ଲାଗିବ ଟ୍ୟାଗ୍, ଶିଶୁ ଅଦଳବଦଳକୁ ନେଇ ମୁହାଁମୁହିଁ
ଏଣିକି ନବଜାତକଙ୍କ ଗୋଡରେ ଲାଗିବ ଟ୍ୟାଗ୍ । କ୍ୟାପିଟାଲ ହସ୍ପିଟାଲରେ ବାରମ୍ବାର ଛୁଆ ଅଦଳବଦଳ ଅଭିଯୋଗ ପରେ ଏହି ପଦକ୍ଷେପ ନିଆଯାଇଅଛି । ଜନ୍ମ ହେବା ମାତ୍ରେ ରଖାଯିବ ଫୁଟ ପ୍ରିଣ୍ଟ । କ୍ୟାପିଟାଲ ହସ୍ପିଟାଲରେ ଶିଶୁ ବଦଳ ଅଭିଯୋଗ ଆସିବା ପରେ ଏଭଳି ପଦକ୍ଷେପ ନେଇଛନ୍ତି ହସ୍ପିଟାଲ କର୍ତ୍ତୃପକ୍ଷ । ବିଭିନ୍ନ ସ୍ଥାନରେ ଡେଲିଭରି ପରେ ଏଭଳି ଦ୍ଵନ୍ଦ ସୃଷ୍ଟି କରୁଛନ୍ତି ।
ପୁଅ କିମ୍ବା ଝିଅ ହୋଇଛି ସେ ନେଇ ଡାକ୍ତରଙ୍କ ପାଖରୁ ଖବର ନେଇ ପରିବାରକୁ ଦେବେ ଆଟେଣ୍ଡାଣ୍ଟ । ଫଳରେ ଆଉ ଭୁଲ ମେସେଜ ଯିବ ନାହିଁ ।
କ୍ୟାପିଟାଲ ହସ୍ପିଟାଲ୍ରେ ଶିଶୁ ଅଦଳବଦଳ ଘଟଣାକୁ ନେଇ ମୁହାଁମୁହିଁ ହେଲେ ହସ୍ପିଟାଲ୍ କର୍ତ୍ତୁପକ୍ଷ ଓ ନବଜାତ ଶିଶୁଙ୍କ ବାପା । ଅଦଳବଦଳ ଅଭିଯୋଗ କରିଥିବା ପ୍ରାଣକୃଷ୍ଣ ବିଶ୍ୱାଳ କହିଛନ୍ତି , ମୁଁ ମିଛରେ ଅଭିଯୋଗ କରିନଥିଲି, ତାଙ୍କ ଷ୍ଟାଫ୍ ମୋତେ କହିଥିଲେ । ତାଙ୍କ ଷ୍ଟାଫ୍ ଭୁଲ୍ କରିଥିବାରୁ ତାକୁ ସେମାନେ ସସ୍ପେଣ୍ଡ କଲେ ।
ମୁଁ ୧୨ ଦିନ କାଳ ଏଠି ପଡ଼ି ରହିଲି, ମୋ ସମୟ ବରବାଦ ହେଲା । ସେ କ'ଣ ମୋ ନାଁରେ କେସ୍ କରିବେ, ମୁଁ ତାଙ୍କ ନାଁରେ କେସ୍ କରିବି । ହସ୍ପିଟାଲ ନାଁରେ ମାନହାନୀ କେସ୍ କରିବି କହିଲେ ପ୍ରାଣକୃଷ୍ଣ ବିଶ୍ୱାଳ ।
କେବଳ ସେତିକି ନୁହେଁ ଲେବର ରୁମରେ ଛୁଆ ଜନ୍ମ ପରେ ପ୍ରଥମେ ମାଆକୁ କୁହାଯାଏ, ଏହାପରେ ଖାତାରେ ମଧ୍ୟ ଉଲ୍ଲେଖ କରାଯାଏ ବୋଲି କହିଛନ୍ତି କ୍ୟାପିଟାଲ ହସ୍ପିଟାଲ ନିର୍ଦ୍ଦେଶକ । ଏହାସହ ସେ କହିଛନ୍ତି ଯେ ଯଦି ଶିଶୁଟି ଅସୁସ୍ଥ ଥିବ ତେବେ ଟ୍ୟାଗ ଛଡ଼ା ଅନ୍ୟ ସମସ୍ତ ପ୍ରକ୍ରିୟା କରାଯିବ ।
ପୋଲିସ ଠାରୁ ଆରମ୍ଭ କରି କୋର୍ଟ ସମସ୍ତଙ୍କ ସମୟ ବର୍ବାଦ ହେଲା। ଏଭଳି ଲୋକ ବିରୋଧରେ ଯାହା ଆଇନଗତ କାର୍ଯ୍ୟାନୁଷ୍ଠାନ ହେବ କରାଯିବ ବୋଲି କହିଲେ କ୍ୟାପିଟାଲ ହସ୍ପିଟାଲ ନିର୍ଦ୍ଦେଶକ । ଡିଏନ୍ଏ ରିପୋର୍ଟ ଆସିବା ପରେ ହସ୍ପିଟାଲ ନିର୍ଦ୍ଦେଶକ କହିଲେ- ଜଣେ ଲୋକଙ୍କ ହୀନ ମାନସିକତା ପାଇଁ ହସ୍ପିଟାଲ ବଦନାମ ହୋଇଛି ।
Click it and Unblock the Notifications
Sign in with Google