ନାଳରୁ ଉଦ୍ଧାର ହେଲା ନବଜାତ ଶିଶୁ

Published: Sunday, October 16, 2022, 13:21 [IST]

କେନ୍ଦୁଝର: ପୁଣି ନାଳରୁ ଉଦ୍ଧାର ହେଲା ନବଜାତ ଶିଶୁ । କେନ୍ଦୁଝର ଜିଲ୍ଲା ହରିଚନ୍ଦନପୁର ବ୍ଲକର ଗୋପିନାଥପୁର ଗାଁ ନିକଟ ଏକ ନାଳରୁ ନବଜାତ ଶିଶୁପୁତ୍ର ଉଦ୍ଧାର କରାଯାଇଛି । ଏକ ବ୍ୟାଗ ଭିତରୁ ନବଜାତ ଶିଶୁକୁ ଉଦ୍ଧାର କରାଯାଇ କେନ୍ଦୁଝର ଡାକ୍ତରଖାନାରେ ଭର୍ତ୍ତି କରାଯାଇଛି ।

ସୂଚନା ଅନୁସାରେ, କେନ୍ଦୁଝର ଜିଲ୍ଲା ହରିଚନନ୍ଦନପୁର ବ୍ଲକର ଗୋପିନାଥପୁର ଗାଁ ନିକଟ ଏକ ନାଳ କୂଳରେ କେହି ଏକ ବ୍ୟାଗରେ ନବଜାତ ଶିଶୁପୁତ୍ରକୁ ପୂରାଇ ସେଠାରେ ଛାଡି ଚାଲିଯାଇଛନ୍ତି । ଶିଶୁ ପୁତ୍ରର କାନ୍ଦ ଶଦ୍ଦ ଶୁଣି କିଛି ଯୁବକ ନାଳ ଭିତରକୁ ପଶିଥିଲେ । ଯେଉଁଠୁ ଏକ ପ୍ଲାଷ୍ଟିକ ବ୍ୟାଗରେ ଏକ ଶିଶୁପୁତ୍ର ପଡ଼ିଥିବା ଦେଖି ତାକୁ ଉଦ୍ଧାର କରି ଗାଁକୁ ଆଣିଥିଲେ ଓ ଚାଇଲ୍ଡ ଲାଇନକୁ ସୂଚନା ଦେଇଥିଲେ । ପରବର୍ତ୍ତି ସମୟରେ ଗାଁର ଆଶାକର୍ମୀ, ଅଙ୍ଗନବାଡି କର୍ମୀ ଶିଶୁଟିକୁ କେନ୍ଦୁଝର ମେଡିକାଲରେ ଭର୍ତ୍ତି କରିଥିଲେ । ବର୍ତ୍ତମାନ ଶିଶୁଟିର ଚିକିତ୍ସା ଏସ୍ଏନସ୍ୟୁରେ ଚାଲିଥିବାର ସୂଚନା ରହିଛି । ଉଦ୍ଧାର ହୋଇଥିବା ଶିଶୁପୁତ୍ରଟି ଗୋଟିଏ ଦିନର ହୋଇଥିବା ବେଳେ ତାର ଅବସ୍ଥା ଗୁରୁତର ଥିବା ଜଣାପଡ଼ିଛି ।

Published On October 16, 2022