ମେଡିସିନ୍ କିଣା ଉପରେ ଲାଗିଲା କଟକଣା, ରାଜ୍ୟ ବାହାରୁ ଆଣି ପାରିବେ ନାହିଁ ଔଷଧ

Updated: Sunday, October 16, 2022, 8:09 [IST]

ଭୁବନେଶ୍ୱର: ମେଡିସିନ୍ କିଣା ଉପରେ ଲାଗିଲା କଟକଣା । କଠୋର ହୋଇଛି ଓଡ଼ିଶା କେମିଷ୍ଟ ଆଣ୍ତ ଡ୍ରଗିଷ୍ଟ ଆସୋସିଏସନ୍ । କଟକରେ ନକଲି ଔଷଧ କାରବାର ଘଟଣା ସାମ୍ନାକୁ ଆସିବା ପରେ କଡା କଡି କରାଯାଇଛି ନିୟମ । ଏଣିକି ଓଡ଼ିଶା ବାହାରୁ ମେଡିସିନ କିଣା ଉପରେ ଲାଗିବ କଟକଣା । ଏଣିକି ରାଜ୍ୟ ବାହରୁ ନିଜ ତରଫରୁ ଔଷଧ ଆଣି ପାରିବେ ନାହିଁ ଦୋକାନୀ । ସି ଆଣ୍ତ ଏଫ ଏବଂ ସୁପର ଷ୍ଟକିଷ୍ଟ ବିନା ଔଷଧ ଦୋକାନୀ ବାହାର ରାଜ୍ୟରୁ କିଣିପାରିବେନି ଔଷଧ । ଅନ୍ୟ ଫାର୍ମରୁ ଔଷଧ କିଣିଲେ ବହିଷ୍କାର କରିବା ପାଇଁ ସଂଘ ପକ୍ଷରୁ ନିଷ୍ପତ୍ତି ନିଆଯାଇଛି । ଏନେଇ ରାଜ୍ୟର ସମସ୍ତ ଔଷଧ ଦୋକାନୀଙ୍କୁ ଚିଠି ଲେଖି ଅବଗତ କରାଯାଇଛି ।

ତେବେ ରାଜ୍ୟରେ ନକଲି ଔଷଧ କାରବାରକୁ ରୋକିବା ପାଇଁ ସଂଘ କ୍ଷରୁ ଏପରି ବଡ ନିଷ୍ପତ୍ତି ନିଆଯାଇଛି । ନିକଟରେ କଟକ ସହରର ନିମଚଉଡ଼ିସ୍ଥିତ କ୍ୟାଲ ଏଜେନ୍ସି ଓ ନୟାସଡ଼କର ମହାବୀର ପ୍ରସାଦ ରାଧେଶ୍ୟାମ ଓ ଏମ୍ଏଚ୍ ଫାର୍ମାସୀ ଭଳି ୩ଟି ଫାର୍ମରୁ ଟେଲମା-୪୦ ବ୍ରାଣ୍ଡର ଏହି ନକଲି ଔଷଧ ଜବତ କରାଯାଇଥିଲା । ଓଡ଼ିଶା ଡ୍ରଗ କଣ୍ଟ୍ରୋଲ ବିଭାଗ ରାଜ୍ୟ ଭିତରେ କାରବାର ହୋଇଥିବା ୩୦ ଲକ୍ଷ ଟଙ୍କାର ନକଲି ଔଷଧକୁ ବଜାରରୁ ଜବତ କରିବା ସହ ତଦନ୍ତ ପାଇଁ ଓଡିଶା ଡ୍ରଗ୍ସ କଣ୍ଟ୍ରୋଲର ସହ ୨ ଜଣ ପୋଲିସ ଅଧିକାରୀ ରାଜ୍ୟ ବାହାରକୁ ଯାଇଥିଲେ ।