ଭାଇରାଲ ହେଉଛି ନୟାଗଡ ସ୍କୁଲ ଛାତ୍ରଛାତ୍ରୀଙ୍କ ଏହି ଭିଡିଓ...

ଭାଇରାଲ ହେଉଛି ନୟାଗଡ ସ୍କୁଲ ଛାତ୍ରଛାତ୍ରୀଙ୍କ ଦ୍ବାରା ପ୍ରସ୍ତୁତ ଟ୍ରାଫିକ ସଚେତନତା ଭିଡିଓ ।

Published: Thursday, January 21, 2021, 20:58 [IST]

ଭୁବନେଶ୍ୱର: ଭାଇରାଲ ହେଉଛି ନୟାଗଡ ସ୍କୁଲ ଛାତ୍ରଛାତ୍ରୀଙ୍କ ଦ୍ବାରା ପ୍ରସ୍ତୁତ ଟ୍ରାଫିକ ସଚେତନତା ଭିଡିଓ । ଟ୍ରାଫିକ ନିୟମ ଉପରେ ଲୋକଙ୍କୁ ସଚେତନ କରିବା ପାଇଁ ନୟାଗଡ ଆଦର୍ଶ ବିଦ୍ୟାଳୟ ଛାତ୍ରଛାତ୍ରୀମାନେ ଗତ ବର୍ଷ ଏହି ଭିଡିଓଡି ପ୍ରସ୍ତୁତ କରିଥିଲେ । ଓଡ଼ିଶା ବାଣିଜ୍ୟ ଏବଂ ପରିବହନ ବିଭାଗ ଦ୍ୱାରା ଆୟୋଜିତ ଅନଲାଇନ୍ ଆଇଡିଆ ପ୍ରତିଯୋଗିତା ପାଇଁ ଏହି ଭିଡିଓ ପ୍ରସ୍ତୁତ କରାଯାଇଥିଲା। ଯାହା ସଡକ ସୁରକ୍ଷା ସପ୍ତାହ 2020 ସମୟରେ ପ୍ରଥମ ପୁରସ୍କାର ଜିତିଥିଲା ।

ତେବେ ଚଳିତ ବର୍ଷ ସଡକ ସୁରକ୍ଷା ସପ୍ତାହ ଅବସରରେ ମୁଖମନ୍ତ୍ରୀ ନବୀନ ପଟ୍ଟନାୟକ ଏହାକୁ ସେୟାର କରିବା ସବ ପ୍ରଶଂସା କରିଛନ୍ତି । ସେହିପରି କେନ୍ଦ୍ର ସଡକ ପରିବହନ ଏବଂ ରାଜପଥ ମନ୍ତ୍ରୀ ନୀତିନ ଗଡକରୀ ମଧ୍ୟ ଛାତ୍ରଛାତ୍ରୀଙ୍କ ପଦକ୍ଷେପ ପାଇଁ ପ୍ରଶଂସା କରିଛନ୍ତି।

Congratulate Odisha Adarsha Vidyalaya, Notar, Nayagarh on winning first prize in the online idea competition during #RoadSafetyWeek2020. Appreciate the effort of our students to spread traffic awareness so lucidly to protect precious lives.#NationalRoadSafetyMonth @OAVS_Official pic.twitter.com/A5GTxfJdCP
— Naveen Patnaik (@Naveen_Odisha) January 20, 2021

ନବୀନ ଟ୍ୱିଟ୍ କରି କହିଛନ୍ତି, "ସଡକ ସୁରକ୍ଷା ସପ୍ତାହ 2020 ରେ ଅନଲାଇନ୍ ଆଇଡିଆ ପ୍ରତିଯୋଗିତାରେ ପ୍ରଥମ ପୁରସ୍କାର ଜିତିବା ପାଇଁ ନୟାଗଡର ଓଡିଶା ଆଦର୍ଶ ବିଦ୍ୟାଳୟ ଛାତ୍ରଛାତ୍ରୀଙ୍କୁ ଅଭିନନ୍ଦନ ଜଣାଉଛି ।"

I don’t know who are the children who have made this video but they have successfully communicated the most important principles of road safety. It is very interesting and all of us should watch this#SadakSurakshaJeevanRaksha #NationalRoadSafetyMonth pic.twitter.com/1ViA3i9smK
— Nitin Gadkari (@nitin_gadkari) January 19, 2021

ସେହିପରି ନୀତିନ ଗଡକରୀ ଟ୍ବିଟ କରି ଲେଖିଛନ୍ତି, "ମୁଁ ଜାଣେ ନାହିଁ କିଏ ଏହି ପିଲାମାନେ ଏହି ଭିଡିଓ ପ୍ରସ୍ତୁତ କରିଛନ୍ତି । କିନ୍ତୁ ସେମାନେ ସଡକ ନିରାପତ୍ତାର ଗୁରୁତ୍ୱପୂର୍ଣ୍ଣ ନୀତିଗୁଡିକ ସଫଳତାର ସହ ପ୍ରଦର୍ଶିତ କରିଛନ୍ତି। ଏହା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଏବଂ ଆମ ସମସ୍ତଙ୍କୁ ଏହା ଦେଖିବା ଉଚିତ୍ । "