ପ୍ରୟାଗରାଜରେ ନବ ଦାସଙ୍କ ଅସ୍ଥି ବିସର୍ଜନ କଲେ ପୁଅ ବିଶାଳ
ଦଶାହ କ୍ରିୟାକର୍ମ ପୂର୍ବରୁ ପ୍ରୟାଗରାଜର ତ୍ରିବେଣୀ ସଙ୍ଗମରେ ଦିବଙ୍ଗତ ମନ୍ତ୍ରୀ ନବ ଦାସଙ୍କ ଅସ୍ଥି ବିସର୍ଜନ କରିଛନ୍ତି ପୁଅ ବିଶାଳ ଦାସ । ଆଜି ତ୍ରୀବେଣୀ ସଙ୍ଗମରେ ବୁଡ ପକାଇ ପିତାଙ୍କ ଆତ୍ମାର ଶାନ୍ତି ପାଇଁ ପ୍ରାର୍ଥନା କଲେ ପୁଅ ବିଶାଳ ।
ନବ ଦାସଙ୍କ ହତ୍ୟାକୁ ୧୦ ଦିନ ହେଲା
ଅନ୍ୟପକ୍ଷରେ, ହତ୍ୟାକୁ ୧୦ ଦିନ ବିତି ଯାଇଥିଲେ ମଧ୍ୟ ଏପର୍ଯ୍ୟନ୍ତ ହତ୍ୟା ପଛର ପ୍ରକୃତ କାରଣ ଖୋଜିପାରୁ ନାହିଁ କ୍ରାଇମବ୍ରାଞ୍ଚ । ନବ ଦାସଙ୍କ ହତ୍ୟାକୁ ନେଇ ବିରୋଧି ଦଳ ବିଭିନ୍ନ ପ୍ରଶ୍ନ ଉଠାଉଛି ହେଲେ । ଠିକ୍ ଭାବେ ତଦନ୍ତ ହେଉ ନାହିଁ ବୋଲି ମଧ୍ୟ ଦାବି କରାଯାଉଛି । ମନ୍ତ୍ରୀଙ୍କ ହତ୍ୟା ପଛରେ ରାଜନୈତିକ ଏବଂ ବ୍ୟବସାୟିକ ଉଦ୍ଦେଶ୍ୟ ଥାଇପାରେ ବୋଲି ବିରୋଧି ଦାବି କରୁଛି ।
ରାଜ୍ୟ ପୋଲିସକୁ ବିରୋଧିଙ୍କ ଟାର୍ଗେଟ୍
ଏହି ଘଟଣାକୁ ନେଇ ନିକଟରେ ରାଜ୍ୟ ସରକାରଙ୍କ ଉପରେ ବର୍ଷିଥିଲେ ବିରୋଧି ଦଳ ନେତା ଜୟନାରାୟଣ ମିଶ୍ର । ସେ କହିଥିଲେ, ଓଡ଼ିଶା ପୋଲିସ ଆଈ ମାଆ କାହାଣୀ ଶୁଣାଉଛି । ଦୈନିକ ନୂଆ ନୂଆ କାହାଣୀ ଶୁଣାଉଛି ପୋଲିସ, ଓଡ଼ିଶା ପୋଲିସ ନାଁରେ ଅଭିଯୋଗ ଅଛି ତେଣୁ ସିବିଆଇ ଏହି ମାମଲାର ତଦନ୍ତ କରିବା ଉଚିତ୍' ।
ମନ୍ତ୍ରୀ ନବ ଦାସଙ୍କୁ କାହିଁକି ହତ୍ୟା କଲା ଗୋପାଳ
ସୂଚନାଥାଉ ଯେ, ଜେରା ବେଳେ ଗୋପାଳ କ୍ରାଇମବ୍ରାଞ୍ଚକୁ କିଛି ତଥ୍ୟ ଦେଇଥିବା କୁହାଯାଉଛି । କ୍ରାଇମବ୍ରାଞ୍ଚକୁ ଗୋପାଳ କୁଆଡେ ଜେରା ବେଳେ କହିଛି ଯେ, 'ରାଜ୍ୟ ସରକାର ଭଲ କାମ କରୁଛନ୍ତି । କିନ୍ତୁ କିଛି ନେତା ସରକାରଙ୍କୁ ବଦନାମ କରିବାକୁ ଚେଷ୍ଟା କରୁଛନ୍ତି । ଏହି ନେତାମାନେ ଲୋକଙ୍କ ସମସ୍ୟା ବୁଝିବା ପରିବର୍ତ୍ତେ ଦୁଃଖ ଦେଉଛନ୍ତି । ଆଉ ଭୟଭୀତ କରି ରଖିବାକୁ ନିର୍ଯାତନା ଦେଉଛନ୍ତି । ଏହି ନେତାଙ୍କ ମଧ୍ୟରେ ଜଣେ ଥିଲେ ମନ୍ତ୍ରୀ ନବ । ତେଣୁ ନବ ଦାସଙ୍କୁ ମାରି ଦେଲି'।
Click it and Unblock the Notifications
Sign in with Google