ଜନ୍ମମାଟିରେ ପହଞ୍ଚିଲା ସହିଦଙ୍କ ମରଶରୀର
ଢ଼େଙ୍କାନାଳ: ଜନ୍ମମାଟିରେ ପହଞ୍ଚିଲା ସହିଦଙ୍କ ମରଶରୀର । ଗାଁରେ ଶୋକାକୁଳ ପରିବେଶ ସହ ଶେଷ ଦର୍ଶନ ପାଇଁ ଗାଁ ଦାଣ୍ତ ଲୋକାରଣ୍ୟ । ରାଷ୍ଟ୍ରୀୟ ମର୍ଯ୍ୟାଦା ସହ ହେବ ସହିଦଙ୍କ ଶେଷକୃତ୍ୟ । ସାଙ୍ଗକୁ ଶେଷ ବିଦାୟ ଦେବା ପାଇଁ କେନ୍ଦୁଢିପ ଗାଁର ମଶାଣୀକୁ ଆଜି ଫୁଲରେ ସଜାଯାଉଛନ୍ତି ସାଥୀ ମାନେ ।
ସିକ୍କିମର ପ୍ରଳୟଙ୍କରୀ ବନ୍ୟାରେ ଭାସି ଯାଇଥିଲେ ଓଡ଼ିଆ ଯବାନ । ଆଜି ଭୁବନେଶ୍ବର ବିମାନ ବନ୍ଦରରେ ପହଞ୍ଚିଲା ସହିଦ ସରୋଜ ଦାସଙ୍କ ପାର୍ଥିବ ଶରୀର । ବିମାନବନ୍ଦରରେ ପହଞ୍ଚିବା ପରେ ସହିଦ ସରୋଜ ଦାସଙ୍କୁ ଗାର୍ଡ ଅଫ୍ ଅନର ଦିଆଯାଇଥିଲା । ସହିଜ ସରୋଜଙ୍କୁ ଶ୍ରଦ୍ଧାଞ୍ଜଳି ଜଣାଇଲେ ରାଜ୍ୟପାଳ ଓ ମୁଖ୍ୟମନ୍ତ୍ରୀ । ଯାହା ପରେ ପୈତୃକ ଗାଁ ଢ଼େଙ୍କାନାଳ ଜିଲ୍ଲା କାମାକ୍ଷାନଗର କେନ୍ଦୁଢ଼ିପ ଗାଁକୁ ନିଆଯାଇଥିଲା ପାର୍ଥିବ ଶରୀର । ସେଠାରେ ଜିଲ୍ଲା ପ୍ରଶାସନ ପକ୍ଷରୁ ଶ୍ରଦ୍ଧାଞ୍ଜଳୀ ଦିଆଯାଇଛି ।
ସୂଚନାଥାଉକି, ସିକ୍କିମରେ ଭୟଙ୍କର ବନ୍ୟାରେ ଭାସିଯାଇଥିଲେ 23 ଯବାନ । ସେଥିରେ ଓଡ଼ିଶାର ସରୋଜ ଦାସ ସହିଦ୍ ହୋଇଛନ୍ତି । ବଡ଼ଭାଇ ଭିଡ଼ିଓ କଲେ ରେ ସରୋଜଙ୍କ ଚିହ୍ନଟ କରିଥିଲେ । ଭୁବନ ବ୍ଲକ୍ କାମାକ୍ଷାନଗର ଥାନା ଦିଘି ପଞ୍ଚାୟତ କେନ୍ଦୁଢ଼ିପ ଗାଁର ସହିଦ ସରୋଜ କୁମାର ଦାସ । ରାମଚନ୍ଦ୍ର ଦାସଙ୍କ ସାନପୁଅ ହେଉଛନ୍ତି ସରୋଜ । ସେ ହାବିଳଦାର ଭାବେ ଭାରତୀୟ ସେନାରେ କାମ କରୁଥିଲେ । ସରୋଜ ପରିବାରରେ ସବୁଠାରୁ ସାନ ଥିଲେ । ସରୋଜ 2012 ମସିହା ଅକ୍ଟୋବର 21 ତାରିଖରେ ସେନାରେ ସିପାହୀ ଭାବେ ନିଯୁକ୍ତି ପାଇଥିଲେ ।
ଶେଷଥର ପାଇଁ ସେ ମଙ୍ଗଳବାର ରାତି 10 ଟା ବେଳେ ଘରକୁ ଫୋନ୍ କରି ପତ୍ନୀ ଓ ଭାଉଜଙ୍କ ସହ କଥା ହୋଇଥିଲେ । ସିକ୍କିମରେ ପ୍ରବଳ ବର୍ଷା ହେଉଥିବାରୁ ଗାଡ଼ି ଭିତରେ ରହିଥିବା କଥା ପରିବାର ଲୋକଙ୍କୁ କହିଥିଲେ ସରୋଜ । ବୁଧବାର ଦିନ 11 ଟାରେ ପରିବାର ଲୋକ ଟିଭିରେ ଯବାନଙ୍କ ନିଖୋଜ ଖବର ଦେଖି ତାଙ୍କୁ ଫୋନ କରିଥିଲେ । ହେଲେ ତାଙ୍କ ମୋବାଇଲ୍ ଫୋନ ସୁଇଚ୍ ଅଫ୍ ଥିଲା । ୟୁନିଟ ସହ କଥା ହେବା ପରେ ନିଖୋଜ ଖବର ପାଇଥିବା କହିଥିଲେ ତାଙ୍କ ବଡ଼ ଭାଇ ।
Click it and Unblock the Notifications
Sign in with Google