ଓଡ଼ିଶାରେ ମୋହନ ସରକାର: ମୁଖ୍ୟମନ୍ତ୍ରୀଙ୍କୁ ମିଳିବ କେତେ ଦରମା? ମିଳିବ ଏହି ସୁବିଧା
ଓଡ଼ିଶାରେ ବିଜେପି ସରକାର । ନୂଆ ମୁଖ୍ୟମନ୍ତ୍ରୀ ଭାବେ ଶପଥ ନେଇଛନ୍ତି ମୋହନ ମାଝି । ସେହିପରି ମୁଖ୍ୟମନ୍ତ୍ରୀ ମୋହନ ମାଝିଙ୍କ ସମେତ ଦୁଇ ଉପମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂହ ଦେଓ ଓ ପ୍ରଭାତୀ ପରିଡା ଶପଥ ଗ୍ରହଣ କରିଛନ୍ତି ।
ମୁଖ୍ୟମନ୍ତ୍ରୀ ଓ ଉପ-ମୁଖ୍ୟମନ୍ତ୍ରୀଙ୍କ ସମେତ ୧୩ ଜଣିଆ ମନ୍ତ୍ରିମଣ୍ଡଳ ମଧ୍ୟ ଶପଥ ନେଇଛନ୍ତି । ତେବେ ଓଡ଼ିଶାକୁ ନୂଆ ମୁଖ୍ୟମନ୍ତ୍ରୀ ତ ମିଳିଗଲେ । ହେଲେ ଜାଣିଛନ୍ତି କି ମୁଖ୍ୟମନ୍ତ୍ରୀଙ୍କ ଦରମା କେତେ? ଆଉ ତାଙ୍କୁ କ'ଣ କ'ଣ ସବୁ ସୁବିଧା ମିଳେ?
ଭାରତର ଭିନ୍ନ ଭିନ୍ନ ରାଜ୍ୟର ମୁଖ୍ୟମନ୍ତ୍ରୀ ଦରମା ଭିନ୍ନ । ସର୍ବାଧିକ ଦରମା ପାଉଥିବା ମୁଖ୍ୟମନ୍ତ୍ରୀ ହେଉଛନ୍ତି ତେଲଙ୍ଗାନା CM । ସେହଭଳି ତ୍ରିପୁରା ମୁଖ୍ୟମନ୍ତ୍ରୀ ସର୍ବନିମ୍ନ ଦରମା ପାଇଥାନ୍ତି ।
ଓଡ଼ିଶାର ମୁଖ୍ୟମନ୍ତ୍ରୀ ମାସକୁ ଦରମା ଓ ଭତ୍ତା ବାବଦରେ ୧ ଲକ୍ଷ ୬୦ ହଜାର ଟଙ୍କା ପାଇଥାନ୍ତି । ଅର୍ଥାତ ନୂଆ ମୁଖ୍ୟମନ୍ତ୍ରୀ ମୋହନ ଚରଣ ମାଝି ମାସିକ ୧ ଲକ୍ଷ ୬୦ ହଜାର ଟଙ୍କା ଦରମା ଆକାରରେ ପାଇବେ । ପୂର୍ବରୁ ବିଧାୟକ ଭାବେ ୧ ଲକ୍ଷ ଟଙ୍କା ଦରମା ପାଉଥିଲେ ।
ତେବେ ମୁଖ୍ୟମନ୍ତ୍ରୀଙ୍କୁ ରାଜ୍ୟ ରାଜକୋଷରୁ ପ୍ରତ୍ୟେକ ମାସ ଦରମା ମଧ୍ୟ ମିଳିଥାଏ । କିନ୍ତୁ ସମସ୍ତ ରାଜ୍ୟରେ ମୁଖ୍ୟମନ୍ତ୍ରୀମାନଙ୍କ ଦରମା ଭିନ୍ନ ରହିଥାଏ । ଏହା ସହିତ ମୁଖ୍ୟମନ୍ତ୍ରୀମାନଙ୍କୁ ଅନ୍ୟାନ୍ୟ ସରକାରୀ ସୁବିଧା ମଧ୍ୟ ମିଳିଥାଏ । ଜାଣନ୍ତୁ କେଉଁ ରାଜ୍ୟର ମୁଖ୍ୟମନ୍ତ୍ରୀ କେତେ ଦରମା ପାଇଥା'ନ୍ତି।
ଏହା ସହିତ ଓଡ଼ିଶାର ମୁଖ୍ୟମନ୍ତ୍ରୀଙ୍କୁ ଅନ୍ୟାନ୍ୟ ସମସ୍ତ ସରକାରୀ ସୁବିଧା ମଧ୍ୟ ମିଳିଥାଏ । ସୁରକ୍ଷା ପାଇଁ ପୋଲିସ କର୍ମୀ ୨୪ ଘଣ୍ଟିଆ ମୁତୟନ ହୋଇ ରହିଥାନ୍ତି । ସେହିଭଳି ମୁଖ୍ୟମନ୍ତ୍ରୀଙ୍କୁ ବିଦ୍ୟୁତ ବିଲ, ଟେଲିଫୋନ ବିଲ, ଗାଡିରେ ତେଲ ବାବଦକୁ ସମସ୍ତ ଖର୍ଚ୍ଚ ରାଜ୍ୟ ସରକାର ବହନ କରିଥାନ୍ତି । ଏହା ସହିତ ମୁଖ୍ୟମନ୍ତ୍ରୀଙ୍କ ସୁରକ୍ଷା ପାଇଁ ସରକାରଙ୍କ ପକ୍ଷରୁ ଗାର୍ଡ ମୁତୟନ କରାଯାଇଥାଏ ।
Click it and Unblock the Notifications
Sign in with Google