ନାବାଳିକାର ଶରୀର ଉପରିଭାଗ ପ୍ରାୟ ୭୦% ପୋଡ଼ିଛି: ଏମସ

ପିପିଲି: ବଳଙ୍ଗା ଥାନା ନାବାଳିକା ଜାଳିଦେବା ମାମଲାରେ ନାବାଳିକାଙ୍କ ଶରୀରର ୭୦ ପ୍ରତିଶତ ଜଳିଯାଇଛି । ଏମସର ବଣ୍ଣ ୟୁନିଟକୁ ନାବାଳିକାକୁ ସ୍ଥାନାନ୍ତର କରାଯାଇଛି । ଅନ୍ୟପଟେ ପୀଡିତାଙ୍କ ପରିବାରକୁ ଭେଟିଛନ୍ତି ଉପଜିଲ୍ଲାପାଳ । ୩୦ ହଜାର ଟଙ୍କା ସହାୟତା ପ୍ରଦାନ କରିଛନ୍ତି ା ନିମାପଡା ବିଡିଓ ୧୫ ହଜାର ଟଙ୍କା ସହାୟତା ପ୍ରଦାନ କରିଛନ୍ତି ।

ଏମ୍‌ସରେ ଚିକିତ୍ସିତ ହେଉଛନ୍ତି ବଳଙ୍ଗା ପୋଡି ଛାତ୍ରୀ । କିଏ ଏମିତି କଲା ଓ କାହିଁକି କଲା ତଦନ୍ତ କରୁଛି ପୁଲିସ । ସୂଚନାମୁତାବକ, ସକାଳୁ ସାଙ୍ଗ ଘରକୁ ଯାଉଥିଲା ବାଟରେ ନାବାଳିକାକୁ ଉଠାଇନେଲେ ୩ ଦୁର୍ବୃତ୍ତ । ମୁହଁରେ କପଡ଼ା ବାନ୍ଧି ଭାର୍ଗବୀ ନଦୀ ପଠାକୁ ନେଇଗଲେ । ପେଟ୍ରୋଲ ଢ଼ାଳି ନିଆଁ ଲଗାଇ ଜାଳିଦେଲେ । ଅଘଟଣ ବେଳେ ପହଞ୍ଚିଥିଲେ କିଛି ସ୍ଥାନୀୟ ଲୋକ ।

ଲୋକଙ୍କୁ ଦେଖି ଚମ୍ପଟ ମାରିଥିଲେ ଦୁର୍ବୃତ୍ତ । ନିଆଁ ଲିଭାଇବା ସହ ନାବାଳିକାକୁ କରିଥିଲେ ଉଦ୍ଧାର । ମତେ ବଞ୍ଚାନ୍ତୁ ବୋଲି ଗୁହାରି କରିଥିଲେ ନାବାଳିକା । ନାବାଳିକାର ପୋଷାକ, ଚପଲ ପୋଡ଼ି ଯାଇଥିଲା । ତୁରନ୍ତ ନାବାଳିକା ଘରେ ଖବର ଦିଆଯାଇଥିଲା । ପିପିଲି ମେଡିକାଲରେ ଦିଆଯାଇଥିଲା ପ୍ରାଥମିକ ଚିକିତ୍ସା । ପରେ ପୀଡ଼ିତାଙ୍କୁ ଏମ୍ସ ସ୍ଥାନାନ୍ତର କରାଯାଇଛି । ଏଥିସହ ସେଠାରେ ପ୍ରତ୍ୟକ୍ଷଦର୍ଶୀ ଦେଖି କହିଛନ୍ତି ମୁଁ ତଙ୍କୁ ଉଦ୍ଧାର କରିଛି ଆଜି ସକାଳେ ସେହି ଘଟଣା ଘଟିଥିଲା ।

ଅଚାନକ ଝିଅଟି ଦୌଡି ଆସି କହିଲା ମୋତେ ବଂଚାଇ ଦିଅନ୍ତୁ ମୋତେ ପାଣି ଟୋପୋ ଦିଅନ୍ତୁ । ମୁଁ ତାଙ୍କୁ ପଚାରିବାରୁ ଝିଅଟିଏ କହିଲା ମୋତେ ଉଠାଇ ନେଇ ତିନିଜଣ ମୋ ମୁହଁ ବାନ୍ଧି ମୋତେ ଟେକିନେଲେ ମୁଁ ଦେଖିବା ବେଳେ ଚମଡା ଜଳି ହୋଇ ଥପଥପ ହୋଇପଡୁଥିଲା ଯାହା ଦେଖିବା ସ୍ଥିତି ରେ ଥିଲି ମୁଁ । ସେହି ସମୟରେ ସେ ବାରମ୍ବାର ପାଣି ଟୋପୋ ମାଗି ଚାଲିଥିଲା ଯାହା ଦେଖିବା ସ୍ଥିତି ରେ ନଥିଲା ।