ମୋବାଇଲ୍ ନ ଦେବାରୁ ବିଷ ପିଇ ଦେଲା ନାବାଳକ, ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି

କେନ୍ଦୁଝର: ମୋବାଇଲ ପାଇଁ ଜୀବନ ଦେବାକୁ ପ୍ରସ୍ତୁତ । ମା' ମୋବାଇଲ୍ ଦେଖିବାକୁ ବାରଣ କରିବାରୁ ରାଗି ଯାଇ ବିଷ ପିଦେଲା ନାବାଳକ ପୁଅ । ଏପରି ଅଭାବନୀୟ ଘଟଣା ଦେଖିବା ପାଇଁ ମିଳିଛି କେନ୍ଦୁଝର ଜିଲ୍ଲା ବରଦାପାଳ ଗାଁରେ ।

ସୂଚନା ଅନୁସାରେ ଯଶୋଦା ମୁଣ୍ତାଙ୍କ ପୁଅ ସିପୁନ୍ ମୁଣ୍ତା ଅଷ୍ଟମ ଶ୍ରେଣୀର ଛାତ୍ର । ସେ ସ୍କୁଲରୁ ଆସି ବାପାଙ୍କ ଫୋନରେ ଖେଳୁଥିଲେ । ମା'ଯଶୋଦା ମୁଣ୍ତା ବାରମ୍ବାର ମନା କରିବା ସତ୍ୱେ ସେ ଫୋନ୍ ଛାଡିବା ପାଇଁ ନାରାଜ ଥିଲେ । ଏଥିରେ ବିରକ୍ତ ହୋଇ ମା' ପୁଅ ହାତରୁ ମୋବାଇଲ ଛଡାଇ ନେଇଥିଲେ ।

ଯାହାକୁ ନେଇ ବେଶ୍ ରାଗି ଯାଇଥିଲେ ସିପୁନ୍ ଏବଂ ବିଷ ପିଇ ଦେଇଥିଲେ । ଗୁରୁତର ଅବସ୍ଥାରେ ତାଙ୍କୁ କେନ୍ଦୁଝର ଡାକ୍ତରଖାନାରେ ଭର୍ତ୍ତି କରାଯାଇଛି । ବର୍ତ୍ତମାନ ତାଙ୍କର ଚିକିତ୍ସା ଜାରି ରହିଛି । ଖବର ଅନୁସାରେ ବର୍ତ୍ତମାନ ପିଲାଟିର ସ୍ୱାସ୍ଥ୍ୟବସ୍ଥା ସ୍ଥିର ରହିଛି । ଏହି ଘଟଣାକୁ ନେଇ ମା ଯଶୋଦା କହିଛନ୍ତି, ସ୍କୁଲରୁ ଆସି ପୁଅ ପ୍ରତ୍ୟେକ ଦିନ ତା ବାପାର ଫୋନ୍ ଧରି ଦେଖେ । ମୁଁ ତା ଉପରେ ରାଗି ଯାଇ ଫୋନ୍ ଛଡାଇ ନେଇଥିଲି ଏବଂ ପାଠ ପଢିବା ପାଇଁ କହିଥିଲେ ଯାହା ପରେ ସେ ରାଗି ଯାଇ ବିଷ ପିଇଦେଇଥିଲା ।

English summary

Minor drank poison for not giving mobile