ପାହାଡ ଚଢିଲା ସ୍ବାସ୍ଥ୍ୟବସ୍ଥା: ମାଓ ଇଲାକାରରେ ମେଡିକାଲ କ୍ୟାମ୍ପ ଲଗାଇଲା 'ମାଥିଲି ମେଡିକାଲ ଟିମ୍'
ମାଲକାନଗିରି ଜିଲ୍ଲା ମାଥିଲି ବ୍ଲକ ଅନ୍ତର୍ଗତ ଖଟୁଆପଦର ପାହାଡି ଗାଁରେ ପହଞ୍ଚି ସ୍ୱାସ୍ଥ୍ୟ କ୍ୟାମ୍ପ କରିଛି ମାଥିଲି ମେଡିକାଲ ଟିମ୍ ।
ମାଲକାନଗିରି: ପାହାଡ ଚଢିଲା ସ୍ବାସ୍ଥ୍ୟବସ୍ଥା । ମାଓ ଇଲାକାରରେ ମେଡିକାଲ କ୍ୟାମ୍ପ ଲଗାଇଲା 'ମାଥିଲି ମେଡିକାଲ ଟିମ୍' । ସ୍ଥାନୀୟ ବାସିନ୍ଦାଙ୍କ କଲେ କରୋନା ପରୀକ୍ଷା । ମାଲକାନଗିରି ଜିଲ୍ଲା ମାଥିଲି ବ୍ଲକ ଅନ୍ତର୍ଗତ ଖଟୁଆପଦର ପାହାଡି ଗାଁରେ ପହଞ୍ଚି ସ୍ୱାସ୍ଥ୍ୟ କ୍ୟାମ୍ପ କରିଛି ମାଥିଲି ମେଡିକାଲ ଟିମ୍ ।
ସ୍ୱତନ୍ତ୍ର ୧୨ ଜଣିଆ ସ୍ୱାସ୍ଥ୍ୟ ଟିମ୍ ୧୨ କିଲୋମିଟର ପାଦ ଚଲା ପାହାଡି ରାସ୍ତାର ଘଞ୍ଚ ଜଙ୍ଗଲ ଅତିକ୍ରମ କରି ଖଟୁଆପଦର ଗାଁରେ ପହଞ୍ଚିଥିଲେ । ସେଠାରେ ଗାଁ ଲୋକଙ୍କ ସ୍ୱାସ୍ଥ୍ୟ ପରୀକ୍ଷା କରିବା ସହ କରୋନା ପରୀକ୍ଷା ମଧ୍ୟ କରାଯାଇଛି । ତେବେ ସମସ୍ତ କରୋନା ରିପୋର୍ଟ ନେଗେଟିଭ ରହିଛି ।
ଅନ୍ୟପଟେ ମ୍ୟାଲେରିଆରେ ଆକ୍ରାନ୍ତ ୨ ଗ୍ରାମବାସୀ ଚିହ୍ନଟ ହୋଇଛନ୍ତି । ବିଭିନ୍ନ ରୋଗରେ ପୀଡିତଙ୍କୁ ମାଗଣା ଔଷଧ ଯୋଗାଇଛି ସ୍ୱାସ୍ଥ୍ୟ ଟିମ୍ । ମାଥିଲି ସବଡିଭିଜନ ମେଡିକାଲ ଭାରପ୍ରାପ୍ତ ସ୍ୱାସ୍ଥ୍ୟକେନ୍ଦ୍ର ଅଧିକାରୀ ଡାକ୍ତର ଅମୀୟ କୁମାର ସ୍ୱାଇଁଙ୍କ ନେତୃତ୍ୱରେ ଗାଁରେ ପହଂଚିଥିଲା ଏହି ଟିମ୍ । କରୋନା ସମ୍ପର୍କରେ ସଚେତନତା କରିବା ସହ ଗାଁ ଲୋକଙ୍କୁ ମାସ୍କ ପିନ୍ଧାଇଥିଲେ ଡାକ୍ତର ଅମୀୟ ।
Click it and Unblock the Notifications
Sign in with Google