ହସ୍ପିଟାଲରେ ଭୟଙ୍କର ଅଗ୍ନିକାଣ୍ତ

Odisha News: ବ୍ରହ୍ମପୁର ସିଟି ହସ୍ପିଟାଲରେ ଭୟଙ୍କର ଅଗ୍ନିକାଣ୍ତ । ସିଟି ଡାକ୍ତରଖାନା ନୂତନ ବହିଃବିଭାଗ କେନ୍ଦ୍ର ପ୍ରଥମ ମହଲାରେ ନିଆଁ ଲାଗିଥିବା ନେଇ ସୂଚନା ରହିଛି । ପ୍ରଥମ ମହଲାରେ ଥିବା ଇଣ୍ଟରନେଟ୍ ସର୍ଭର ଓ କିଛି ବ୍ୟାଟେରୀରେ ପ୍ରଥମେ ନିଆଁ ଲାଗିଥିଲା । ଯାହା ପରେ ଓପିଡି ବନ୍ଦ ହୋଇଥିବା ବେଳେ ପ୍ରଥମ ମହଲାରୁ ଧୂଆଁ ବାହାରୁଥିବା ଦେଖିଥିଲେ ସିକ୍ୟୁରିଟି ଗାର୍ଡ ।

ଯାହାପରେ ନିଆଁ ବଢିବାରେ ଲାଗିଥିଲା । ପରେ ହସ୍ପିଟାଲରେ ଥିବା ଅଗ୍ନି ନିର୍ବାପକ ଯନ୍ତ୍ର ଦ୍ୱାରା ନିଆଁ ଆୟତ୍ତ କରାଯାଇଥିଲା ଏବଂ ପରେ ଅଗ୍ନିଶମ ଟିମ ଘଟଣାସ୍ଥଳରେ ପହଞ୍ଚିଥିଲା ସର୍ଟସର୍କିଟ ଯୋଗୁଁ ଅଗ୍ନିକାଣ୍ତ ଘଟିଥିବା ନେଇ ସୂଚନା ରହିଛି ।