କଳିଙ୍ଗ ଷ୍ଟୁଡିଓ ଛକରେ ଭୟଙ୍କର ଅଗ୍ନିକାଣ୍ଡ, ଉଦ୍ଧାର କାର୍ଯ୍ୟ ଜାରି
ପୁଣି ରାଜଧାନୀରେ ଲାଗିଲା ନିଆଁ । ଜଳିଗଲା ସପନ, ପାଉଁଶ ହୋଇଗଲା ପରିଶ୍ରମ । ବିଳମ୍ବିତ ରାତିରେ ଜଳିଗଲା ୧୫ଟି ଦୋକାନ ସହ ୬ଲକ୍ଷ ଟଙ୍କାର ସାମଗ୍ରୀ । ନିଆଁର ଆଁରେ ଜଳିଗଲା ଅନେକ ଦାମୀ ସୋଫା ଏବଂ ଅନେକ କଞ୍ଚା ପରିବା। କଳିଙ୍ଗ ଷ୍ଟୁଡିଓ ଛକ ତାରିଣୀ ହାଟରେ ଏହି ଭୟାବହ ନିଆଁ ଲାଗିଥିଲା ।
ଖବର ପାଇ ଘଟଣାସ୍ଥଳରେ ୫ଟି ଦମକଳ ଗାଡ଼ି ପହଞ୍ଚିଥିଲା । ନିଆଁଲିଭା କାମରେ ୩୦ଜଣ ଅଗ୍ନିଶମ କର୍ମଚାରୀ ନିୟୋଜିତ ହୋଇଥିଲେ। ସୌଭାଗ୍ୟ ବଶତଃ ନିଆଁ ଅଧିକ ବ୍ୟାପିବା ଆଗରୁ ଆୟତ୍ତ କରିଥିଲା ଅଗ୍ନିଶମ ବିଭାଗ। ଅଗ୍ନିଶମ ବାହିନୀର ତତ୍ପରତା ଯୋଗୁଁ ନିଆଁ ଅଧିକ ବ୍ୟାପି ପାରିନାହିଁ ସତ, କିନ୍ତୁ ଅନେକ ପରିବାରର ରୋଜଗାର ଏବେ ମାଟିରେ ମିଶିଯାଇଛି। ନିଆଁ ଲାଗିବା କାରଣ ଅସ୍ପଷ୍ଟ ଥିବାବେଳେ, କେହି ଜାଣିଶୁଣି ଏଭଳି କାଣ୍ଡ କରିଥିବା ସ୍ଥାନୀୟ ଲୋକେ ସନ୍ଦେହ କରୁଛନ୍ତି।
Click it and Unblock the Notifications
Sign in with Google