ବ୍ରିଜ ଉପରେ ସ୍କୁଟି, ଚପଲ ଓ ମୋବାଇଲ ଫୋନ ରଖି ମହାନଦୀକୁ ଡେଇଁଲେ ଯୁବକ
ସମ୍ବଲପୁର : ମହାନଦୀକୁ ଡେଇଁ ଯୁବକ ନିଖୋଜ । ସମ୍ବଲପୁରରେ ମହାନଦୀ ଚାଉଁରପୁର ବ୍ରିଜ ଉପରୁ ଜଣେ ଯୁବକ ନଦୀକୁ ଡେଇଁ ନିଖୋଜ ହୋଇ ଯାଇଛନ୍ତି । ନିଖୋଜ ଯୁବକ ଜଣଙ୍କ ଗୋବିନ୍ଦତୋଲା ଅଞ୍ଚଳର ବୋଲି ଜଣାପଡିଛି ।
ପୋଲ ଉପରେ ତାଙ୍କ ସ୍କୁଟି, ଚପଲ ଓ ମୋବାଇଲ ଫୋନ ମିଳିଥିବାରୁ ସେ ନଦୀକୁ ଡେଇଁ ପଡିଥିବା ସନ୍ଦେହ କରାଯାଉଛି। ନିଖୋଜ ଯୁବକ ହେଲେ ସମୀରଣ ପ୍ରଧାନ । ତାଙ୍କ ଘର ନାକଟିଦେଉଳ ବ୍ଲକ ଅନ୍ତର୍ଗତ ପାଟୁଳିଢିପ ଗାଁରେ ବୋଲି ସୂଚନା ମିଳିଛି ।
ସେ ନିଜ ସ୍ତ୍ରୀ ଓ ୨ ପିଲାଙ୍କ ସହ ସମ୍ବଲପୁରରେ ଘର ଭଡା ନେଇ ରହୁଥିଲେ । ସମ୍ବଲପୁରରେ ଏକ ଘରୋଇ ଶିଳ୍ପ ସଂସ୍ଥାରେ ଚାକିରି କରୁଥିଲେ । ଏପରି ସେ କାହ୍ନିକି କଲେ, ସେ ନେଇ କିଛି ସ୍ପଷ୍ଟ ହୋଇ ପାରିନି ।
ହୀରାକୁଦର ଜଳଭଣ୍ଡାରର ୧୨ଟି ଗେଟ୍ ଖୋଲାଯାଇଥିବା ବେଳେ ପାଣି ସ୍ରୋତ ଅଧିକ ରହିଛି । ତେଣୁ ଖୋଜାଖୋଜି ସମ୍ଭବପର ହୋଇପାରୁନାହିଁ ତେବେ ଅଗ୍ନିଶମ ବାହିନୀ ଚେଷ୍ଟା ଜାରି ରଖିଛି ।
Click it and Unblock the Notifications
Sign in with Google