ମହୁଆ ସଂସଦର ଆଗରେ ବସନ୍ତି ପିନାକୀ ତାଙ୍କ ପଛରେ ବସନ୍ତି; ଆଉ ତା ପରେ ଯାହା; ସୁର ରାଉତରାୟ

ପିନାକୀ ଓ ମହୁଆଙ୍କୁ ବୈବାହିକ ଜୀବନର ଅଭିନନ୍ଦନ ଜଣାଇଲେ ସୁର ରାଉତରାୟ । କହିଲେ ସିଏ ସଂସଦର ଆଗରେ ବସନ୍ତି ଇଏ ତାଙ୍କ ପଛରେ ବସନ୍ତି । ପ୍ରେମ ବ୍ୟାପିଲା ତାପରେ ଜର୍ମାନୀ ଯାଇ ଦୁହେଁ ବାହା ହୋଇଗଲେ।

ପିନାକୀ ଆଗରୁ ବାହା ହୋଇଥିଲେ ଆଉ ମହୁଆ ବି , ଦୁହିଁଙ୍କ ମଧ୍ୟରେ ପ୍ରେମ ହେଲା ଆଉ ତା ପରେ ବାହା ଘର ବୋଲି ସେ କହିଛନ୍ତି ।

ସାଂସଦ ମହୁଆ ମୋଇତ୍ରାଙ୍କ ସହ ବାହାଘରକୁ ନେଇ କଲେ କନଫର୍ମ କଲେ ପୁରୀର ପୂର୍ବତନ ସାଂସଦ ପିନାକୀ ମିଶ୍ର । କହିଲେ ଯାହା ଜଗନ୍ନାଥଙ୍କ ଇଚ୍ଛା । ପ୍ରଭୁ ଜଗନ୍ନାଥଙ୍କ ଇଚ୍ଛା ଅନୁଯାୟୀ ହୋଇଛି ବାହାଘର । ଜଗନ୍ନାଥଙ୍କ ଏହା ଲୀଳା ।

ସାଂସଦ ମହୁଆ ମୋଇତ୍ରାଙ୍କ ସହ ସାଂସଦ ପିନାକୀ ମିଶ୍ରଙ୍କ ବାହାଘର ହୋଇଥିବା ନେଇ ଗତକାଲିଠାରୁ ଖବର ପ୍ରଚାରିତ ହେଉଛି । ଦୁହେଁ ଜର୍ମାନୀରେ ୩୦ ମଇରେ ବାହା ହୋଇଥିବା ଜଣାପଡିଛି । ମହୁଆ ପିନାକୀ ମିଶ୍ରଙ୍କ ହାତ ଧରି ଚାଲୁଥିବା ଫଟୋ ମଧ୍ୟ ଘୁରିବୁଲୁଛି । ମହୁଆ ମୈତ୍ର ଏକ ଶାଢ଼ୀ ଏବଂ ବହୁତ ସୁନା ଅଳଙ୍କାର ପିନ୍ଧିଛନ୍ତି ଏବଂ ସେ ପିନାକୀ ମିଶ୍ରଙ୍କ ହାତ ମଧ୍ୟ ଧରିଛନ୍ତି ।

ମହୂଆ ମୈତ୍ର ନିଜର ଦ୍ୱିତୀୟ ଥର ପାଇଁ ସାଂସଦ ଭାବରେ କାର୍ଯ୍ୟ କରୁଛନ୍ତି । ସେ ୨୦୧୯ ଲୋକସଭା ନିର୍ବାଚନରେ ପଶ୍ଚିମବଙ୍ଗର କୃଷ୍ଣ ନଗର ଆସନରୁ ପ୍ରତିଦ୍ୱନ୍ଦ୍ୱିତା କରିଥିଲେ ।

ପିନାକୀ ମିଶ୍ର ୨୩ ଅକ୍ଟୋବର ୧୯୫୯ରେ ଓଡ଼ିଶାର ପୁରୀରେ ଜନ୍ମଗ୍ରହଣ କରିଥିଲେ । ସେ ଜଣେ ବିଶିଷ୍ଟ ରାଜନେତା ଏବଂ ବରିଷ୍ଠ ଓକିଲ। ୧୯୯୬ ମସିହାରେ ପୁରୀ ଲୋକସଭା ଆସନରୁ ବିଜୟୀ ହୋଇ କଂଗ୍ରେସ ସହିତ ତାଙ୍କର ରାଜନୈତିକ ଯାତ୍ରା ଆରମ୍ଭ କରିଥିଲେ ଶ୍ରୀ ମିଶ୍ର। ପରେ ସେ ବିଜୁ ଜନତା ଦଳରେ ଯୋଗ ଦେଇଥିଲେ। ୨୦୦୯, ୨୦୧୪ ଏବଂ ୨୦୧୯ରେ ସାଂସଦ ନିର୍ବାଚିତ ହୋଇଥିଲେ।