ଘରେ ପଶି ମୁଢ଼ି ଖାଇଲେ, ଲୁଟି ନେଲେ ସୁନା ଗହଣା ଓ ନଗଦ ଟଙ୍କା

ଘରେ ପଶିଲେ । ମୁଢ଼ି ଖାଇଲେ । ଲୁଟି ନେଲେ ସୁନା ଗହଣା ଓ ନଗଦ ଟଙ୍କା । କେନ୍ଦ୍ରାପଡ଼ା ଜିଲ୍ଲା ପାଟକୁରା ଥାନା ଭଗବାନପୁର ପଞ୍ଚାୟତ ଗଜିପୁରରେ ଗତକାଲି ବିଳମ୍ବିତ ରାତିରେ ଏହିପରି ଘଟଣା ଘଟିଛି ।

କେନ୍ଦ୍ରାପଡ଼ା: ଘରେ ପଶିଲେ । ମୁଢ଼ି ଖାଇଲେ । ଲୁଟି ନେଲେ ସୁନା ଗହଣା ଓ ନଗଦ ଟଙ୍କା । କେନ୍ଦ୍ରାପଡ଼ା ଜିଲ୍ଲା ପାଟକୁରା ଥାନା ଭଗବାନପୁର ପଞ୍ଚାୟତ ଗଜିପୁରରେ ଗତକାଲି ବିଳମ୍ବିତ ରାତିରେ ଏହିପରି ଘଟଣା ଘଟିଛି । ଘରେ କେହି ନଥିବା ବେଳେ ଗେଟର ତାଲା ଭାଙ୍ଗି ଚୋର ଘରେ ପ୍ରବେଶ କରି କଳାକନା ବୁଲାଇ ଦେଇଛି । ଚୋରଙ୍କ ଏହି କାରନାମାର ପୁରା ଦୃଶ୍ୟ କଏଦ ହୋଇଛି ସିସିଟିଭିରେ କ୍ୟାମେରାରେ ।

ଗଜିପୁରର ଅବସରପ୍ରାପ୍ତ ଶିକ୍ଷକ ପ୍ରତାପ ଚନ୍ଦ୍ର ଜେନା ଘରେ ତାଲା ପକାଇ ଭୁବନେଶ୍ୱର ଯାଇଥିବା ବେଳେ ବିଳମ୍ବିତ ରାତିରେ ପାଞ୍ଚ-ଛଅ ଜଣ ଚୋର ତାଲା ଭାଙ୍ଗି ଓ ଆଲମିରା ତାଡ଼ି ଟଙ୍କା ଏବଂ ସୁନା ନେଇଯାଇଛନ୍ତି । ଘରେ ଥିବା ଚୁଡ଼ାଭଜା, ମିକ୍ସଚର ଓ ମୁଢ଼ି ଖାଇଥିଲେ ଚୋର । ପରେ ଘରୁ ୧୦ ଗ୍ରାମ ଓଜନର ସୁନା ଗହଣା, ନଗଦ ୭ ହଜାର ଟଙ୍କା ଚୋରି କରି ନେଇଥିଲେ । ତେବେ ଥାନାରେ ଅଭିଯୋଗ ହେବା ପରେ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।

ସେହିପରି ପାଖ ଧାନମଣ୍ଡଳ ଗାଁର ଲକ୍ଷ୍ମୀଧର ସ୍ୱାଇଁଙ୍କ ଘରୁ ମଧ୍ୟ ଚୋରି ହୋଇଛି । ଏହାର ଭିଜୁଆଲ ମଧ୍ୟ ସିସିଟିଭିରେ କଏଦ ହୋଇଥିଲା । ତା' ମଧ୍ୟରୁ ଗୋଟିଏ ସିସିଟିଭିକୁ ଚୋରମାନେ ଭାଙ୍ଗି ଦେଇଛନ୍ତି । ଏନେଇ ପାଟକୁରା ଥାନାରେ ଏତଲା ଦିଆଯାଇଛି ।

English summary

Loot In Kendrapara: Thieves Eats Snacks Caught in CCTV