ଲୋକସଭା ନିର୍ବାଚନ ୨୦୨୪: 'ମୋ ଭୋଟ୍ ମୋ ଡ୍ୟୁଟି' ବାର୍ତ୍ତା ସହ ଭୋଟ୍ ଦେବାକୁ ସଚେତନ କଲେ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ

Updated: Friday, April 26, 2024, 7:22 [IST]

ସମସ୍ତେ ଭୋଟ ଦିଅନ୍ତୁ । 'ମୋ ଭୋଟ୍ ମୋ ଡ୍ୟୁଟି' । 18 ତମ ଲୋକସଭା ନିର୍ବାଚନ ପାଇଁ ଦ୍ୱିତୀୟ ପର୍ଯ୍ୟାୟ ଭୋଟ୍ ପୂର୍ବରୁ ବାଲୁକା କଳାରେ 'ମୋ ଭୋଟ୍ ମୋ ଡ୍ୟୁଟି' ବାର୍ତ୍ତା ସହିତ ସଚେତନତା ସୃଷ୍ଟି କରିଛନ୍ତି ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ । ପୁରୀ ବିଚରେ ଏହି କଳକୃତ୍ତି ଦେଖିବାକୁ ମିଳିଛି ।

ଦେଶରେ ଆଜି ଅନୁଷ୍ଠିତ ହେବାକୁ ଯାଉଛି ଦ୍ୱିତୀୟ ପର୍ଯ୍ୟାୟ ମତଦାନ । ଦ୍ୱିତୀୟ ପର୍ଯ୍ୟାୟରେ ୧୩ଟି ରାଜ୍ୟର ୮୮ଟି ଲୋକସଭା ଆସନ ପାଇଁ ଆସାମ, ବିହାର, ଛତିଶଗଡ଼, କର୍ଣ୍ଣାଟକ, କେରଳ, ମଧ୍ୟପ୍ରଦେଶ, ମହାରାଷ୍ଟ୍ର, ମଣିପୁର, ରାଜସ୍ଥାନ, ତ୍ରିପୁରା, ଉତ୍ତରପ୍ରଦେଶ, ପଶ୍ଚିମବଙ୍ଗ ଏବଂ ଜମ୍ମୁ-କଶ୍ମୀରରେ ମତଦାନ ହେବ ।

#WATCH | Odisha: Sand artist Sudarsan Pattnaik made a sand sculpture with the message 'My Vote My Duty' at Puri Beach to create awareness ahead of the second phase of voting for the 18th Lok Sabha elections scheduled for today. pic.twitter.com/W5HZcCUKI9
— ANI (@ANI) April 25, 2024

ଦ୍ୱିତୀୟ ପର୍ଯ୍ୟାୟ ମତଦାନରେ କେରଳର ସମସ୍ତ ୨୦ଟି ଆସନ, କର୍ଣ୍ଣାଟକର ୨୮ ଆସନରୁ ୧୪ଟି ଆସନ, ରାଜସ୍ଥାନର ୧୩ଟି ଆସନ, ଆସାମ ଓ ବିହାରରେ ୫ଟି ଲେଖାଏଁ ଆସନ, ଛତିଶଗଡ ଓ ପଶ୍ଚିମବଙ୍ଗରେ ୩ଟି ଲେଖାଏଁ ଆସନ, ମଣିପୁର, ତ୍ରିପୁରା ଓ ଜମ୍ମୁ-କାଶ୍ମୀରର ଗୋଟିଏ ଲେଖାଏଁ ଆସନ ପାଇଁ ଭୋଟ ଗ୍ରହଣ ହେବ ।