ଲକଡାଉନ ଓଡିଶା: ପ୍ରଥମ ଦିନରେ ବି ଅମାନିଆଙ୍କ ଅରାଜକତା, ଆଦାୟ ହେଲା ୨୩ ଲକ୍ଷ ଟଙ୍କାରୁ ଅଧିକ ଫାଇନ
ପ୍ରଥମ ଦିନରେ ଆଦାୟ ହୋଇଛି ୨୩ଲକ୍ଷ ୧୮ହଜାର ୬୫୦ଟଙ୍କା ଜରିମାନା । କୋଭିଡ ନିୟମ ଉଲ୍ଲଂଘନ ଅଭିଯୋଗରେ ୨୭ଜଣ ଅମାନିଆ ଗିରଫ ହୋଇଛନ୍ତି ।
ଭୁବନେଶ୍ୱର: ଲକଡାଉନରେ ଅମାନିଆଙ୍କ ଅରଜକତା । ଲକଡାଉନ ଓଡିଶାର ପ୍ରଥମ ଦିନରେ ମଧ୍ୟ ନିୟମକୁ ଫୁ କରି ଉଡାଇ ଦେଲେ ଅଭ୍ୟାସଗତ ନିୟମ ଉଲଙ୍ଘନକାରୀ । ମାତ୍ର ଏମାନଙ୍କୁ ସଠିକ୍ ଢଙ୍ଗରେ ସାବାଡ ମଧ୍ୟ କରିଛି ଓଡିଶା ପୋଲିସ ।
ପ୍ରଥମ ଦିନରେ ଆଦାୟ ହୋଇଛି ୨୩ଲକ୍ଷ ୧୮ହଜାର ୬୫୦ଟଙ୍କା ଜରିମାନା । କୋଭିଡ ନିୟମ ଉଲ୍ଲଂଘନ ଅଭିଯୋଗରେ ୨୭ଜଣ ଅମାନିଆ ଗିରଫ ହୋଇଛନ୍ତି । ୪ଟି କେସ୍ ରେଜିଷ୍ଟର ହୋଇଥିବା ବେଳେ ୫୫୭ ଗାଡ଼ି ସିଜ୍ ହୋଇଛି । ଜନସାଧାରଣଙ୍କୁ ସଚେତନ କରିବା ସତ୍ୱେ ମାନୁନଥିବାରୁ ଏପରି କାର୍ୟ୍ୟାନୁଷ୍ଠାନ ନିଆଯାଉଛି। ତେଣୁ ସତର୍କ ଓ ସଚେତନ ରହିବାକୁ ଟ୍ୱିଟ୍ କରି ଲୋକଙ୍କୁ ଚେତାଇଛି ଓଡ଼ିଶା ପୋଲିସ ।
ଉଲ୍ଲେଖଯୋଗ୍ୟ, ରାଜ୍ୟରେ ଆଜିଠାରୁ ୧୪ ଦିନିଆ ଲକଡାଉନ ଆରମ୍ଭ ହୋଇଛି । ଲକ୍ଡାଉନ ବେଳେ ଜରୁରୀକାଳୀନ ପରିସ୍ଥିତିରେ କାମ ଥିଲେ ବାହାରକୁ ଆସିବା ପାଇଁ ନିର୍ଦ୍ଦେଶ ଦିଆଯାଇଛି। ତାହା ପୁଣି ବାଇକରେ କେବଳ ଜଣେ ଲୋକ ହିଁ ଯାତ୍ରା କରିପାରିବେ ବୋଲି ନିର୍ଦ୍ଦେଶ ଦିଆଯାଇଛି।
Click it and Unblock the Notifications
Sign in with Google