ଆଜିଠୁ ରତ୍ନଭଣ୍ତାରର ଲେଜର ସ୍କାନିଂ
ପୁରୀ:ଆଜିଠୁ ଆରମ୍ଭ ହେବ ରତ୍ନଭଣ୍ତାରର ଲେଜର ସ୍କାନିଂ । ମନ୍ଦିର ପ୍ରଶାସନ ଏନେଇ ଅନୁମତି ପ୍ରଦାନ କରିସାରିଛି । ଏଏସଆଇ ପ୍ରଥେନ ଲେଜର ସ୍କାନିଂ ଜରିଆରେ ରତ୍ୱଭଣ୍ତାର ବାହର ପଟ କାନ୍ଥ ପରେ କେଉଁ ସ୍ଥାନରେ ଫାଟ ଓ ଅନ୍ୟାନ୍ୟ ସମସ୍ୟା ରହିଛି ତାହା ଚିହ୍ନଟ କରିବ । ତେବେ ଆବଶ୍ୟକ ପଡ଼ିଲେ ରତ୍ୱଭଣ୍ତାର ଓ ଅନ୍ୟ ପାଶ୍ୱଦେବାଦେବୀଙ୍କ ନନ୍ଦିରର ମଧ୍ୟ ଲେଜର ସ୍କାନିଂ କରାଯିବା ନେଇ ସୂଚନା ରହିଛି ।
ଶ୍ରୀମନ୍ଦିର ମୁଖ୍ୟ ପ୍ରଶାସନ ରଞ୍ଜନ କୁମାର ଦାସ କହିଛନ୍ତି, ପ୍ରଥମେ ରତ୍ନଭଣ୍ତାରର ବାହାର ପଟ କାନ୍ଥରେ ଲେଜର ସ୍କାନିଂ କରାଯିବ । ଯାହା ପରେ କେଇଁ ସ୍ଥାନରେ ଫାଟ ରହିଛି ସେନେଇ ସ୍ପଷ୍ଟ ଜଣାପଡିବ । ସେହିପରି ଆବଶ୍ୟକ ପଡିଲେ ରତ୍ନଭଣ୍ତାର ଓ ଅନ୍ୟାନ୍ୟ ପାର୍ଶ୍ୱ ଦେବାଦେବୀଙ୍କ ମନ୍ଦିରରେ ମଧ୍ୟ ଲେଜକ ସ୍କାନିଂ କରାଯିବ । ତେବେ ଲେଜର ସ୍କାନିଂ ପାଇଁ ଏଏସଆଇକୁ ଯେଉଁ ସବୁ ସହଯୋଗ ଆବଶ୍ୟକ ପଡିବ ଶ୍ରୀମନ୍ଦିର ପ୍ରଶାସନ ପକ୍ଷରୁ ସମସ୍ତ ସାହାଯ୍ୟ ଯୋଗାଇ ଦିଆଯିବ ବୋଲି ଶ୍ରୀମନ୍ଦିର ମୁଖ୍ୟ ପ୍ରଶାସକ କହିଛନ୍ତି ।
Click it and Unblock the Notifications
Sign in with Google